Ондық бөлшектерді координаталық сәуледе кескіндеу. Математика, 5 сынып, сабақ жоспары.

Сабақ:

Мектеп: Орал қаласындағы физика-математика бағытындағы

Назарбаев Зияткерлік мектебі

Күні:

Мұғалімнің аты-жөні: Кушекенова К.Т.

Сынып: 5 ___

Қатысқан оқушылар саны:

Қатыспаған оқушылар саны:

Тақырыбы

Ондық бөлшектерді координаталық сәуледе кескіндеу

Оқу бағдарламасына сілтеме

5.3В бөлім: Ондық бөлшектер және оларға амалдар қолдану

Сабақтың мақсаты:

Оқушылар ондық бөлшектерді координаталық сәуледе кескіндей алады;

Оқыту мақсаты

5.5.3.4 ондық бөлшектерді координаталық сәуледе кескіндеу;

Бағалау критерийі

Білу және түсіну:

-оқушылар координаталық сәуленің анықтамасын біледі;

-координаталық сәуледе ондық бөлшектердің орналасу ретін біледі;

Қолдану:

-оқушылар ондық бөлшектерді координаталық сәуледе кескіндей алады.

Тілдік мақсат

Оқушыларды математика тілінде сөйлей білу дағдысын дамыту:

Сабақ барысында, есеп шығаруда негізгі терминдерді қолдана отырып сөйлеу.

Пәнге қатысты лексика мен терминология:

ондық бөлшек; координаталық сәуле; бірлік кесінді; оннан бір бөлік;

жүзден бір бөлік; мыңнан бір бөлік...

Ондық бөлшек-Десятичный дробь-Decimal fraction

Координаталық сәуле-Координатный луч- Coordinate beam

Бірлік кесінді-Единичный отрезок- Unit interval

Диалогқа қажетті тіркестер:

-координаталық сәуледе ондық бөлшектерді кескіндеу үшін...

-координаталық сәуледе ондық бөлшектің бүтін бөлігін белгілеу...

- координаталық сәуледе ондық бөлшектің бөлшек бөлігін белгілеу...

Құндылықтарды дарыту

Білім алуға деген жауапкершілік, өзіне деген сенімділік, жұпта жұмыстану арқылы бір-біріне көмек беру, бірінің пікірін бірі бағалау құндылықтары сабақ барысында жүзеге асады.

Пәнаралық байланыстар

Информатика.

АКТ қолдану

дағдылары

Ақпаратпен жұмыс істеудің практикалық жолдарын меңгеру; ақпарат алмасу мүмкіндігін дамытады.

Алдыңғы меңгерілген білім

Ондық бөлшектерді оқу және жазу; бөлшектерді бір жазылу түрінен басқа жазылу түріне ауыстыру;

Сабақ барысы

Сабақта орындалатын іс-әрекеттер

І. Ұйымдастыру:

І.І. Оқушылармен амандасу, сабаққа дайындығын қадағалау.

II.Білімді белсендіру.

Мақсаты: өткен тақырыптар бойынша оқушы білімін қайталау және бекіту.

1) Математикалық диктант.

1. үш бүтін оннан бір (3,1)

2. Бес бүтін оннан сегіз (5,8)

3. бір бүтін оннан бес (1,5)

4. нөл бүтін жүзден жетпіс (0,70)

5. Жеті бүтін жүзден жиырма бес (7,25)

6. нөл бүтін жүзден он алты (0,16)

7. үш бүтін мыңнан бір жүз жиырма бес ( 3,125)

8. бес бүтін жүзден он екі (5,12)

9. он бүтін жүзден жиырма төрт (10,24)

10. бір бүтін оннан үш (1,3)

2) Ауызша жаттығулар.

Ондық бөлшектерді оқыңдар: 0,2; 1,009; 3,26; 8,1; 607,8; 0,2345; 0,001; 3,07; 27,27; 0,24; 100,001; 3,08; 3,89; 71,007; 5,0023.

3) Ал енді есімізге түсірейік!

Координаталық сәуледе нүкте белгілеу үшін, қажетті... Координаталық сәуледе нүктені қандай әріппен белгілейміз? Нүктенің координатасын қалай жазамыз ? Бағалау критерийі: Оқушылар өткен тақырыпты жақсы меңгерген және берілген тапсырмаларды тез орындады. 

II. Жұптық жұмыс.

Оқушылар есептің жартысы жазылған парақша алады.Екінші бөлігін тауып, жұп құрайды. Ж: Әрбір жұп тақтада ілінген тапсырмаларды өз таңдаулары бойынша алып орындайды. Осы тапсырмалардың ішінде жай бөлшектермен бірге ондық бөлшектерді де сан сәулесіне бейнелеу есебі беріледі. ІІІ. Жаңа материалмен жұмыс. 1)Проблемалық жағдай: Координаталық сәуле бойына 3,2 ондық бөлшегін белгілеу. Ж:Дұрыс шешімін тапқан жұптар тақтада шешімін белгілеп көрсетеді. 2)Сабақ мақсаты анықталады және берілген тапсырманы орындау дескрипторы құрылады: Оқу мақсаты: 5.5.3.4 ондық бөлшектерді координаталық сәуледе кескіндеу; Дескрипторы: 1) Координаталық сәуле бойынан бірлік кесіндіні анықтау; 2) Координаталық сәуле бойына санның бүтін бөлігін белгілеу; 3) Координаталық сәуле бойына санның бөлшек бөлігін белгілеу; 3) Ж: Мысалдар шығару: Әрбір жұпқа екі мысалдан беріледі. Оқушылар өз есептерін шығарып болған соң,мұғалімнің берген үлгісі арқылы өз жұмыстарын және келесі жұптың жұмысын тексереді, құрылған дискриптор бойынша бағалайды. 1-ші жұптың жұмысы: 1) 2, 7; 2) 4, 25 сандарын координаталық сәуле бойына белгілеу; 2-ші жұптың жұмысы: 1) 3, 4; 2) 5, 18 сандарын координаталық сәуле бойына белгілеу;

3-ші жұптың жұмысы: 1) 1, 6; 2) 3, 12 сандарын координаталық сәуле бойына белгілеу; 4-ші жұптың жұмысы: 1) 8, 2; 2) 1, 37 сандарын координаталық сәуле бойына белгілеу; 5-ші жұптың жұмысы: 1) 4, 9; 2) 5, 43 сандарын координаталық сәуле бойына белгілеу;

Рефлексия. «Екі жұлдыз, бір тілек»

Оқушыларға өз көршісінің бүгінгі жұмысынан не ұнаганы және оған қандай тілегі бар екені сұралады.

Үйге тапсырма: Осы үлгі бойынша бес мысал құрастырып келіңдер.

Рефлексия Сабақ бойынша рефлексия

Сабақ мақсаттары/оқу мақсаттары дұрыс қойылған ба?

Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталдыма?

Сабақ жоспарынан қандай ауытқулар болды, неліктен?

Бұл бөлімді сабақ туралы өз пікіріңізді білдіру үшінпайдаланыңыз. Өз сабағыңыз туралы сол жақ бағанда берілген сұрақтарға жауап беріңіз.

Қорытынды бағалау

1.Ең жақсы өткен екі тапсырманы атап көрсетіңіз (оқытуға және үйренуге қатысты):

1:

2.Қандай екі нәрсе немесе тапсырма сабақтың одан да жақсы өтуіне ықпалын тигізер еді (оқытуға және үйренуге қатысты)