Болашаққа саяхат. Қазақ тілі (орыс сыныбы), 4 сынып, дидактикалық материал.

«Бейбарыстың болашаққа саяхатын» талдаңдар.

Төмендегі сұрақтарға жауап іздеңдер.

 Бейбарыс сабақтан кеш келіп, қатты шаршап түс көрді. Түсінде 100 жылдан кейінгі мектебіне келе жатыр екен. Бірақ өзінің жүріп келе жатпағанын сезді. Аяғына қараса астында зымырандағыдай оты бар бәтеңкесі барын көрді. Ол лезде мектебіне келіп кетті. Мектебі түгел әйнектен салынған екен. Есік алдынан робот күзетшілер қарсы алды. Мектеп іші гүл бағына кіргендей әсер қалдырады. Мұғалімі оқулық орнына электронды планшет берді. Барлық оқулытар 1 ғана электронды оқулықтарға жинақталыпты. Арқасында бұрынғыдай ауыр сөмкесі жоғын енді түсінді. Кейбір пәндерді робот мұғалімдер береді екен. Бейбарыс өз ұстаздарын сағына бастады. Оларды іздегісі келіп еді, аяғы орнынан жылжымады. Барлығын электронды бәтеңке басқарады екен. Оған бұғаттау қойыпты. Ол аяғын қатты сермеп қалып ұйқыдан оянып кетті.

• Бейбарыс мектебіне қалай барды?
• Оны кім қарсы алды?
• Бейбарыстың арқасында неге сөмке жоқ?
• Мұғалімі неге оқулықтар таратпады?
• Бейбарыс аяғын неге сермеді?