Фигураның аудандары. Геометрия, 8 сынып, сабақ жоспары.

Қысқа мерзімді жоспар:

Мектеп: Қарағанды қ. НЗМ

Күні:

Мұғалімнің аты-жөні:

Сынып: 8

Қатысқандар саны:

Сабақ тақырыбы

Фигураның аудандары

Сабақтың түрі

қайталау сабағы

Осы сабақта қолжеткізілетін оқу мақсаттары (оқу бағдарламасына сілтеме)

• 8.1.3.9 көпбұрыштың ауданы ұғымы және оның қасиеттерін біледі;
• 8.1.3.11 параллелограммның, ромбтың аудандарының формулаларын қорытып шығарады және қолданады;
• 8.1.3.12 үшбұрыштың ауданының формулаларын қорытып шығарады және қолданады
• 8.1.3.13 трапецияның ауданының формулаларын қорытып шығарады және қолданады;

Сабақтың мақсаты

меңгерген қасиеттер мен формулаларды қолданып, фигуралардың аудандарын есептеу дағдыларының дамуына жағдай жасау

Бағалау критерийі:

Оқушылар:

• Үшбұрыштың ауданын есептеу формулаларын біледі және қоданады.
• Тіктөртбұрыштың, квадраттың, параллелограмның, ромбтың ауданын есептеу формулаларын біледі және қоданады.
• Трапецияның ауданын есептеу формуласын біледі және қоданады.
• Қолданбалы есептерді шығаруда үшбұрыштың, тікбұрыштың, квадраттың, параллелограмның, ромбтың, трапецияның аудандарын есептеу формулаларын қолдана алады.

Күтілетін нәтиже

Оқушылар:

• Фигуралардың аудандарын табуға байланысты есептерді, яғни дайын сызбалар бойынша есептерді толық түсіндірмелерімен шеше алады.
• Келесі фигуралардың аудандарын табуға байланысты қолданбалы есептерді шығара алады: үшбұрыш, квадрат, тікбұрыш, параллелограмм, ромб, трапеция.

Тілдік мақсаттар

Оқушылар фигуралардың аудандарын табуға байланысты терминдерді біледі (аудан, табан, биіктік, қабырғаның ұзындығы, периметр, бұрыштың синусы, диагонал және т.б.)

Пәнге қатысты лексика мен терминология:

Тіктөртбұрыштың, параллелограмның, трапецияның және ромбының аудандарының формуласы.

Диалогқа/жазылымға қажетті тіркестер:

Тең көпбұрыштардың аудандары тең.

Құндылықтарды дарыту

Осы сабақта жоспарланған жұмыстар арқылы құндылықтарды дарыту жүзеге асады. Оқушыларға есептер шығару үшін шығармашыл болуы керек. Жұптарда жұмыс істеу арқылы, оқушылар жаупкершіліктері артып, әріптестерін тыңдап, ойларымен алмасып, пікірталастарға қатысуды үйренеді. Оқушылардың танымдық қызығушылығын туғызу. Өзара бағалай білуге үйрету. Ұқыптылыққа, жауапкершілікке тәрбиелеу.

Пәнаралық байланыстар

АКТ қолдану дағдылары

Интерактивті тақтаны жазу және көрнекі құрал ретінде қолдану.

Алдыңғы білім

Үшбұрыштың, тікбұрыштың, квадраттың, параллелограмның, трапецияның, ромбтың ауданын есептеу формулалары.

Сабақтың барысы

Жоспарланған іс-шаралар

І. Ұйымдастыру кезеңі.

Мұғалім сабақтың тақырыбын хабарлайды. Оқушылармен бірге сабақ мақсаты тұжырымдалады. Одан кейін бағалау критерийлерін айтады.

Мұғалім оқушыларды сабақ жоспарымен таныстырады.

1. Тест тапсырмасы.

2. Дайын сызбалар бойынша есептер.

3. Деңгейлік есептер шығару.

4. Топпен жұмыс.

5. Өздік жұмысы.

6. Сабақты қорытындылау.

ІІ. Теорияға шолу.

Оқушыларға көпбұрыш аудандарын табуға байланысты тест тапсырмасы ұсынылады. Оқушылар жеке жұмыс істейді. Тапсырма орындалған соң, презентация бойынша тексеру орындалады. Қажет болған жағдайда кейбір оқушылар шешу жолына түсініктеме береді.

ІІІ. Дайын сызбалар бойынша есептер.

Оқушылар жұппен орындайды: ақылдасады, бір-біріне көмектеседі. Тапсырмалар орындалып біткен соң жұптар өзара бір-бірін тексереді.

Дайын сызбалар бойынша есептер

ІV. Деңгейлік есептер шығару.

Оқушылар жеке орындайды, кейбір оқушылар тақтада орындайды. Қажет болған жағдайда мұғалім бағыт-бағдар береді, есепті дұрыс шығаруға бағыттайды. .

V. Қолданбалы есеп.

Оқушылар 3 топқа бөлініп, қолданбалы есептерді орындайды. Тапсырманы орындауға 5 минут уақыт беріледі, қалған уақыт орындаған тапсырмаларын ортаға шығып қорғауға арналады.

Оқушылар шешу жолдарын үлкен қағазға жазып, бағалау үшін тақтаға іледі. Қалған топтар жұмысты бағалап, есеп бойынша сұрақтар қояды.

Компания, табандары 430 м, 770 м және кіші бүйірі 300 м болатын тікбұрышты трапеция тәріздес аумақты көгалдандыру мақсатында ойнатылған тендерді жеңіп алды.

Егер 5 м² аумаққа 2 қарағай ағаш егу керек болса, берілген аумаққа қанша түп қарағай ағашы керек.

Рефлексия.

Сабақ соңында оқушылар рефлексия жүргізеді:

- нені білдім, нені үйрендім?

- нені толық түсінбедім?

- немен жұмысты жалғастыру қажет?

Оқушылар өздерінің жұмысы мен сыныптастарының жұмысын белгілі бір критерийлер бойынша бағалайды

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?