Жемістер ассортиі. Көркем еңбек, 1 сынып, сабақ жоспары.

Ұзақ мерзімді жоспар бөлімі:

7D-бөлім: Тағам және сусын

Мектеп: Талдықорған қаласындағы физика-математика бағытындағы Назарбаев Зияткерлік мектебі

Күні:

Мұғалімнің аты-жөні: Карипжанов М.С.

Қатысқандар саны:

Қатыспағандар саны:

Жемістер ассортиі

1.2.2.1.

Қарапайым әдістер мен техникаларды пайдаланып, материалдарды және құралдарды қолдану, эксперимент жүргізу.

1.2.4.1

Қауіпсіздік техникасын сақтай отырып, материалдар мен құралдарды қолдану

-түрлі-түсті қағаздан жемістер асортиін жасайды

Оқушылар:

• шығармашылық жұмысты орындайды;
• еркін әдіс-тәсілді қолданады;
• ұқыпты орындайды;

Талқылауға арналған сұрақтар:

• Қандай материалдарды білесіңдер?

• Бұл неге ұқсайды?

• Өздерің жасаған үлгіні сипаттап бере аласыңдар ма?

• Сендерге ол несімен ұнайды?

Неліктен екенін айта аласыңдар ба?

Пәндік лексика және терминдер

Отанды сүюге, мейірімділікке.

Бұл сабақта бір-бірін құрметтеуге, өмір бойы білім алуға дайын оқушылар өз елімізде және өзге елдерде өсетін жемістер мен жидектер, көкөністер туралы әңгімелеседі және оны өз қолымен бейнелеп қияды

География және биология пәнімен байланысады

Жеміс-жидектерді ажыроата біледі оларды бейнелей алады

Сабақ барысы

Сабақтағы жоспарланған іс-әрекет

1.Ұйымдастыру кезеңі.

2.Сабақтың тақырыбын, мақсатын оқушылармен бірге анықтау.

(К) Өткен сабақтағы композицияларға шолу жасаңыз.

Сұрақ қойыңыз: Сіз жемістер мен көкөністерден композиция үлгісін қалай жасадыңыз?

(К) Құрақ үлгілерін көрсетіңіз. Сұрақ қойыңыз: Бұл жұмыстар қандай материалдардан жасалған? Бұл жұмыстардың ерекшелігі қандай? Сендердің ойларыңша, құрақтар қайда қолданылады?

Матаның қиындыларынан жасалған қазақтың ұлттық көрпесін көрсетіңіз.

(К) Оқушыларға қағаздан бірнеше бірдей элементтерді қиып көрсетіңіз.

(Ө, Ж, Қ) Жұмысты бірнеше кезеңдермен ұйымдастыруға болады:

1. Оқушылар жемістер мен көкөністердің үлгісін таңдайды.

2. Жемістер мен көкөністерге сәйкес келетін түстерді таңдайды.

3. Оқушылар қағазды 2 рет бүктейді (осылайша 4 элемент пайда болады).

4. Үлгіні жиегінен айналдыра сызып, қайшымен қиып алады. Оқушыларда бірдей 4 жеміс немесе көкөніс шығады.

5. Оқушылар басқа түсті қағаз таңдап, екі рет бүктеп, бүктелген жерінен қияды. 4 тіктөртбұрыш пайда болады.

6. Әр оқушыда әр түрлі тіктөртбұрыш болатындай етіп, тіктөртбұрыштармен алмасуды ұсыныңыз.

7. Оқушылар 4 тіктөртбұрышты альбом парағына жапсырады. Содан кейін өздерінің жемістері мен көкөністерін кезектестіре орналастырып желімдейді.

(Ө, Ж) Оқушылармен бірге жасалған жұмысты қалай қарапайым әдіспен безендіруге болатынын ойланыңыз.

Оқушылар өзінің жұмысына жапырақ пен бұтақ, жиектеме жасауына болады.

6. Рефлексия

• Орындауда не жақсы шықты?
• Не жаман шықты?
• Тағы нені жақсартуға болады.

7. Қорытынды. Оқушылар ауызша бүгінгі сабақтан алған әсерлерімен бөлісіп, өзара бағалау жүргізеді.

Саралау

Бағалау

Денсаулық және қауіпсіздік техникасының сақталуы

Саралау іріктелген тапсырмалар, нақты бір оқушыдан күтілетін нәтижелер, оқушыға дербес қолдау көрсету, оқу материалдары мен ресурстарын оқушылардың жеке қабілеттерін есепке ала отырып оқушыларға қажетінше қолдау көрсетемін

Сабақтың соңында оқушылар рефлексия жүргізіліп, ауызша өзара бағалау жасайды

Денсаулық сақтау технологиялары интерактивті тақтаны 10 минуттан көп қолданбау.

Сабақта белсенді іс-әрекет қарастырылған.

Сабақ барысында Қауіпсіздік техникасы ережелерін сақтау