Отбасым – бақыт мекенім. Дүниетану, 3 сынып, қосымша материал.

Сабақты ұйымдастырудағы әдістемелік нұсқаулар

• «Ойлан. Бөліс. Талқыла» тапсырмасында талдау кезінде отбасындағы этикалық құндылықтарға баса көңіл аудару қажет. Отбасы құндылықтары:
• жауапкершілік,
• шексіз махаббат,
• кешірімділік,
• отбасына қызмет ету және қамқорлық,
• шыдамдылық,
• өзара түсіністік,
• қарым-қатынасты сыйлау,
• көмектесу,
• шынайылық,
• адалдық және сенім т.б.)

• Оқушылардың жауаптарын тақтаға жазу барысында құндылықтар тізімі жасалады. Мұғалімнің өзі де толықтыруға болады. Осы тізімнен оқушылар ең құнды деп бағалағанын таңдайды. Таңдалған құндылық бойынша қойылым дайындауға мүмкіндік беріледі.

• «Қойылым қою» тапсрымасында «Құндылық» ұғымына көрсетілген қойылымды алдын – ала жасалған бағалау өлшемдері арқылы бағалайды. Бағалау өлшемдерін жасауда қиындық туғызған жағдайда оқушыларға «тақырыпты ашылуы», «актерлік шеберлігі», «өзектілігі», «шынайылығы», «барлық топ мүшелерінің қамтылуы», «уақытты тиімді пайдалану» өлшемдерін беруге болады.

• Рефлексияға арналған тапсырманы оқушылар жеке орындайды. Ол үшін дидактикалық материалдағы таратпа парақ үлестіріледі. Жазар алдында 1 минут тыныштықта көз жұмып, бүгінгі сабақта барлық үйренгендерін ой елегінен өткізуге мүмкіндік беріледі. Парақтар толтырылғаннан кейін ұстаз жинап алып, сараптама жасауы тиіс. Қорытындысын келесі сабақты жоспарлауда қолдану керек.