Әр заман батырлары: Еділ және Алпамыс. Дүниетану, 2 сынып, дидактикалық материал.

Cабақтың тақырыбы: «Алпамыс туралы аңыз»

«Алпамыс батыр» жырындағы бейнеленетін көріністер қазақтың көшпелі өміріне тән. Байбөрі мен Байсарының бір – бірімен уәде байласып құдандалы болуы , атам замандағы нағыз қазақтың шындығы. Құдалардың көкпар үстінде өкпелесіп, Байсарының жат елге көшіп кетуі, барған жерінде зәбір көруі, ақырында Гүлбаршын сұлуды Алпамыс батырдың іздеп тауып көп қиыншылық,азапты оқиғалардан соң алып қайтуы ұзақ жылдарға созылған жаугершілік заманның елестері.

Алпамыс өзіне – өзі сенімді,шешім қабылдай алатын ер мінезді батыр. Оның көзқарасы батылдық пен қайсарлықтыкөрсетіп тұрғандай. Үстінде жауынгердің киімі, бір қолында қылыш, екінші қолында өзінің атын құшақтап тұр.

Батыр жігіт жол бастар, Ақын жігіт той бастар.

Ердің атын еңбек шығарады.

Батыр бір рет өледі,

Қорқақ мың рет өледі.

Батыр елі үшін туады,

Елі үшін өледі.