Жұптық және топтық жұмыстардағы тапсырмалар. Дене шынықтыру, 3 сынып, қосымша материал. 56 сабақ.

№56 сабаққа мұғалімге арналған нұсқаулық

Тақырып: Жұптық және топтық жұмыстардағы тапсырмалар.

Кіріспе бөлім: Тақырыпқа сай іс-әрекеттер.

Мұғалім сабақтың басынан аяғына дейін оқушылардың іс-әрекетіне бақылау жүргізіп, әр кез бағалап отырады. Тапсырманы орындауда ашық сұрақтар қойып, нәтиже бойынша қорытынды жасап отыру керек.

Сабақтың кіріспе бөлімінде қауіпсіздік ережелерін ескере отырып, қыздырыну жаттығуларын толық орындау қажет. Оқушылар жүру, жүгіру, секіру жаттығуларын орындайды. Тынысты қалыпқа келтіріп, шеңбер бойына тұрып, жалпы дамыту жаттығуларын орындайды. Мұғалімнің қызметі оқушылыр жаттығулармен жұмыс жасау кезінде кемшіліктерді айтып, ескертіп, бағалап отыру керек.

Сабақтың негізгі бөлімінде сабақ мақсатына сай тапсырмаларды орындауда бағыт-бағдар беріп, кемшіліктерді ескеру қажет.

Бағалау: Оқушылар тарапынан берілген ақпаратқа мадақтау арқылы қолдау көрсету.

Негізгі бөлім: «Жұптық және топтық жұмыстардағы тапсырмалар»

Оқу мақсатына сай оқушылар екеуден жұптаса жұмыс жасайды, яғни жұпта бірнеше қимылды жаттығуларды белсенді орындаулары тиіс. Жұпта мұғалім айтып отыратын тапсырмаларды орындап көрсетулері қажет.

• Жұптар бір-біріне қарама қарсы тұрып, екі қолмен бір-бірінің қолдарынан ұстап, қолдарын ажыратпай оң және сол жаққа қарай 360 градуска айналулары қажет.

• Жұптар бір-бірінің иықтарынан тіреп ұстап, бір-бірінің оң және сол аяқтарын басуы иіс. Жаттығуды кезекпен орындау. Біреуі басуға тырықанда келесі ойыншы бастыртпауға тырысу керек.

Жаттығуда мұқият ережемен ойнау.

• Жұптар белгілі бір сызықта тұрады және оң, сол қолымен тартысып ойнайды. Бір қолмен тартысқанда күшпен барынша тартысады және қолдарын жіберіп қалуға болмайды.

• Жұпта оқушылар бір-бірінің иықтарынан мықтап ұстап, бір-бірін итеріп күш сынасады. Жаттығуды мұқият орындау.

Бұл тапсырмаларды орындауда белгілі бір темп болуы керек. Оқушыларға түсіндіру барысында тапсырманың орындалуын көрсету.

Тапсырманы орындауда жұптарда күш, ептілік, икемділік дағдыларын жетілдіруде іс-ңрекет орын алуы керек. Оқушылардан сұраңыз осы жаттығуларды орындағанда қандай кедергілер кездесті? Ашық сұрақ-жауап жүргізіңіз. Тапсырманы мұқият орындаған жұптарды атап өтіңіз.

Топтық жұмыс.

Мақсаты: ойындар арқылы оқушылардың командалық жұмыстың маңызын түсініп, көшбасшылық дағдылары жетілдіру, оқыту мақсаттарын шешу.

Сипаттама: ойындар арқылы топқа бөлініп жарысады, бірнеше командалар өзара сайысқа түседі.

«Командамен жүгіру» ойыны

Әзірлік. Ойыншылар екі тең командаға бөлініп, 2 колонна болып сап түзейді. Колонналар бір-біріне параллель, аралары 2-4 қадамнан және беттері бір жаққа қарай тұрады. Колонналардың алдынан сөре сызығы сызылады. Арақашықтығы 15-20 м. жерге бағана, немесе басқа нәрсе қойылады. Колоннадағы әрбір ойыншы өзінің алдындағы ойыншыны белінен құшақтап ұстап тұрады. Ойынды баяндау. Жетекшінің белгісі бойынша ойыншылар колонналарымен бағанаға дейін жүгіреді, оны айналып, қайтадан кері оралып, сызықтан жүгіріп өтеді. Жүгіргенде бөлінбей және бірінші келген команда жеңімпаз команда болып тапады.

Ережесі.

1. Белгі берілгенде жүгіреді.

2. Кімде-кім қолын жіберіп алса, онда алдагы ойьншыны қуып жетіп, қайтадан беліненұүстап жүгіруі керек.

3. Колоннада тұрғандар түгелдей бағананы айналуы керек.

Мұғалім әрекеті:

Ойын кезінде оқушыларды бақылап, кемшіліктерді айтады және оқушыларды өз тарапынан бағалайды.

Қалыптастырушы бағалау сабақ барысында қалай жүргізіледі.

Оқушылармен тақырыпқа сай іс-әрекет жүргізу барысында, тапсырманы орындауда әр кез қалыптастырушы бағалау жүргізу. Тапсырманы орындауда қателіктерді айтып, үнемі кері байланыс беріп отыру. Оқушылар тапсырманы орындау кезінде мақтау, мадақтау сөздерін айтып, ынталандырып, талпындырып отыру. Оқушыларының өздері арасында шағын топтармен жұмыс барысында өзара бағалау жүргізіп, бір-бірін бағалауға дағдыландыру. Тапсырманы немесе қандай да бір қимыл-қозғалыс ойыны ойнатып болғаннан кейін, ашық сұрақ-жауап арқылы оқушылардың тапсырманы орындауда қандай дағдылары дамығанын немесе қандай қиыншылықтар кездескендігі бойынша да кері байланысты үнемі жүргізіп отыру қажет.

Жұптық және топтық жұмыстардың мағыздылығы.

Жұптық жұмыста оқушы біріншіден, өз бетімен жұмыстанады,өзін –өзі бағалап, жақсы нәтижеге жетеді, екінші жағынан өзіне деген сенімділік қалыптасады, үшіншіден өз білімін өзі жетілдіреді, төртіншіден жолдастарынан қолдау көреді, бір-бірімен тығыз байланыста болады, Сабақ барысында оқушы жұмысын бағалау тек бағамен шектелмей, бір бірін мадақтауы, қолдау көрсетуі және білдірулері оқушының оқуға ынтасын көтерді деуге болады. Осы сабағымның соңында өзімнің алған жағымды әсерім- әр оқушының табыс өлшемімен өз- өзін бағалаудағы әділдігі ерекше болды.

Топтық жұмысты тиімді ұйымдастыруының шарттарының бірі-топты дұрыс іріктеу болып табылады. Топты іріктеуде екі белгіні негізге алуымыз керек: оқушылар арсындағы оңтайлы қарым қатынастары мен оқушының оқу жетістіктерінің деңгейі.

Оқушы санына байланысты топқа 5-6 оқушыдан іріктеледі. Топтық жұмысты бастамастан бұрын оқушылармен бірге топ ережелерін жасау керек. Мысалы топ ережелері төмендегідей болуы мүмкін:- Бірін-бірі тыңдау- Өзгенің пікірін сыйлау- Сөзін бөлмеу- Уақытқа бағыну- Шапшаңдық- Бәсекелестік- Бірлестік

Топпен жұмыс жасаудағы мұғалімнің қызметі: Мұғалім сабақты ұйымдастырушы және құрастырушысы. Ұжымдық  іс әрекеттің мүшесі.Өтілетін жұмыстың мақсатын түсіндіреді.•    Оқушыларды топқа бөледі.•    Топқа берген тапсырмаларға түсініктеме береді.•    Топтық жұмысты бақылайды.•    Олардың іс әрекетін белсендіреді.•    Оқушылардың топтық жұмысын бағалайды.•    Топтық жұмысқа қорытынды шығарады.•    Жіберілеген қателіктерге көңіл аударады.

Қорыта келе, топқа бөліп оқытқанда оқушылардың талпынысы артады, әр оқушы өзін жеке керекті тұлға ретінде сезінеді және өз үлесін қосуға талпынады. Бір адамның айтқанынан гөрі бірнеше адамның айтқаны есінде тез жатталады. Топтық жұмыс оқушы белсенділігін арттыруда үлкен жетістікке жеткізеді.