👈 қаріп өлшемі 👉

Қатені табу және түзету Д.Қасенов «Ең ұзақ күн» Нұсқаулық. 3 сынып. Әдебиеттік оқу


 Бөлім: Уақыт

 Сабақ тақырыбы: 3.4 Қатені табу және түзету

 Д.Қасенов «Ең ұзақ күн»

 Оқу мақсаттары:

 3.1.1.1 шығарманың маңызды тұстарын анықтау үшін ашық сұрақтар қою және жауап беру

 3.2.1.1 шығарманы дауыстап түсініп/ рөлге бөліп/ мәнерлеп/ теріп оқу

 3.3.4.1 мұғалімнің көмегімен шығарманың құрылымын, стилін жетілдіру, өз бетінше орфографиялық, пунктуациялық қателерді табу және түзету.

 

 Сабақ мақсаттары:

 Барлық оқушылар: мәтінді түсініп оқиды, мазмұны бойынша сұрақтарға жауап береді, мұғалімнің көмегімен шығармадан қателерді табады, түзетеді.

 Көптеген оқушылар: шығармның маңызды тұстарын анықтауға сұрақтар құрастырады, және оған жауап береді, шығарманың құрылымын ажыратады, орфографиялық, пунктуациялық қателерді нұсқау бойынша табады және түзете алады

 Кейбір оқушылар: шығарманың маңызды тұстарын ашық сұрақтар қою және жауап беру арқылы анықтайды, өз бетінше шығарманың құрылымын, стилін ажыратады, орфографиялық, пунктуациялық қателерді табады және түзете алады

 

 Бағалау критерийлері:

  •  мәтін мазмұны бойынша ашық сұрақтар қоядв және жауап береді;
  •  өз ойларын жүйелі жазады;
  •  сөйлемдегі сөздердің байланысын сақтайды;
  •  орфографиялық, пуктуациялық қателерін табады және түзетеді.

 

 Сабақ барысы

 Сабақтың басы: Сабақтың басында ширату жаттығуы «Заряд алу» ойыны арқылы орындалады.

 Оқушылардың барлығы шеңберге тұрып, қолдарынан ұстап, көздерін жұмады. Бастапқы бастаушы қолды 1 рет қысады, екінші айналымда 2 рет қысады, соңында 3 рет қысады. Шеңбер бойындағы тұрған оқушылар саны аяқталғанша қолдарын қысу ретімен жалғаса береді. Жаттығу бастапқы бастаушыға жеткенде тоқтайды. Бастаушыға қанша заряд жібергені қайта оралып керек.

 Бастапқы білімді қайталау

 (Ө; Ұ). «Ашық микрофон» әдісі арқылы үй тапсырмасын қайталау. Өткен сабақта өткен мәтіннің авторы туралы деректер жинастырып, әңгімелеу тапсырылады. Мұғалімнің бастапқы білімге байланысты сөз тіркестері жазылған парақтарды ұсынады. Сыныптан оқушылар қалауларынша микрофонды қолына алып, ұсынған тіркестердің біріне байланысты сұрақты ұжым ішінде кез-келген оқушыға қояды. Жауап беретін оқушы алдыңғы сабақта өткен мәтіндегі ақын туралы деректермен бөліседі.

 Үлгі сөздер мен сөз тіркестері:

 ақынның туған жылы; Әкесінің аты; туған жері; оқыған мектебі; өлеңдері; әңгімелері т.б.

 Оқу мақсатын хабарлау.

  • Сынып бөлмесінде уақыт машинасымен саяхаттап бекеттерде тапсырмалары орындаймыз. Мақсатымыз, өлеңнің тақырыбы мен негізгі ойы, құрылымын анықтап, өз бетінше орфографиялық, пунктуациялық қателерді тауып және түзетіп үйрену.

 

 

 Сынып бөлмесіне бірқатар бекеттер қойылу керек. Әр бекетте белгілі дереккөзімен жұмыс жасау ұсынылады. Әр топқа өз бекетіндегі дереккөздерді талқылауға 10 минут уақыт беріледі. Оқушыларға өз идеяларын флипчартқа немесе тақтаға жазу ұсынылады. Уақыт аяқталған соң келесі бекетке ауысады. Барлық топтар бекеттерді өтіп, ұсынылған түрлі дереккөздерден ақпарат алады.

 Оқушылармен бағалау критерийін қарастыру немесе таныстыру

 

 Сабақтың ортасы

 1-бекет

 (МК; Ө; Ж) «Уақыт машинасы» стратегиясы арқылы Д.Қасеновтің «Ең ұзақ күн» әңгімесін оқып, талдау жүргізу ұсынылады. Таңдауына қарай уақыт машинасы ұғымын қызықты етіп таныстыру және әрекетті жүргізу үшін белгі тірек сөздер пайдалану ұсынылады. Шығарманың маңызды тұстарын анықтау үшін сұрақтар қою тапсырылады. Жауаптарды тақтаға жазуды ұсынуға болады.

 Сұрақтар үлгісі:

 1. Қанат пен Жасұланның уақыт туралы түсінігі бірдей ме?

 2. Жасұлан ойын ойнаған кезде жайлаудың күні қандай деп айтты? Ал қозы баққан кезде не деді?

 3. Жасұланның «Жайлаудың күні әртүрлі болады екен. «Кейбір күні ұзақ, кейбір күні қысқа болады» деген сөзімен келісесің бе? Неге?

 Сынып оқушылары тапсырманы жұппен орындауға болады. Орындауға 5-7 минут уақыт беріледі.

 Саралау: Қорытынды тәсілі арқылы оқушылардың қабілеттеріне қарай сұарқатрды құрастырып, оқиғаны әңгімелеу әртүрлі болатыны болжанады.

 (ҚБ) Бағдаршам көздері арқылы бағалау.

 қызыл = түсінген жоқпын

 сары = әлі де дайындық қажет

 жасыл = барлығы түсінікті

 

 2-бекет

 (Т; МК) «Сұрақтар аялдамасы» ойыны

 Оқылым дағдысының ақпаратты сызба түрінде беру мақсатына сәйкес әңгіме бойынша үш ашық сұрақ құрастырып жазу тапсырылады.

 Мәтін мазмұны бойынша үш аялдамаға «Неге? Неліктен? Қалай?» сұрақтар жазылған парақтар ілінеді. Топ ішінен бір оқушыға парақты алып сол сұрақтың қай аялдамасына барса, соны қатыстырып, мәтін мазмұнына сәйкес ашық сұрақ құрастыру ұсынылады.

 Реті:

  •  Сұрақ аялдамасын таңдайды.
  •  Сұрақ жазылған парақшаның артына топтаса отырып, бір немесе бірнеше сұрақ қатыстырып жазады.
  •  Бір-бірінің сұрақтарына жауап береді.

 Оқушылардың ақпараттар және идеялармен алмасу үшін бірлесіп әрекет ету, жабдықтар мен қосымшаларды кең ауқымда қолдану дағдыларын дамыту көзделеді.

 Саралау. Диалог және қолдау көрсету тәсілі арқылы ұжымның ішінде сұрақтар құрастыруда немес жауап беруде қолдауды қажет ететін оқушыға сөзбен қолдау көрсетіледі.

 (ҚБ) «Бас бармақ» әдісі бойынша жүргізіледі. Барлығы дұрыс орындалса бас бармақ, кемшіліктер болса бас бармақты бүйірге, мүлдем келіспесе бас бармақты төмен қаратады.

 

 Сергіту сәті. Тик-Так әні ! The Time song for kids! Әннің сүйемелдеуімен қимыл-қозғалысты жаттығулар орындау.

 

 3-бекет

 (МК; Ө; Ж) «Шатасқан оқиғалар» әдісі

 Оқушыларға Д.Қасеновтің «Ең ұзақ күн» әңгімесі бойынша орны ауысқан оқиғаларды тауып, түзету тапсырылады. Оқушылар бір-екіге санап жұпқа бөлінеді. Әр жұпқа оқиға реті шатасып жазылған парақтар таратылады. Берілген парақшалардағы тарихи оқиғаларды жұптарымен бірлесе отырып, ойланады, түзетіп, ретімен қойып шығады, себебін түсіндіреді.

 Кесте үлгісі:

  • Түс болмай қозыларды қораға айдап келді.
  • Әсіресе бүгін ең ұзақ күн болды, – деп қозыны тастай сала тұра жөнелді.
  • «Жайлаудағы күн неге қысқа болады екен?» деп іштей налыды.
  • Жасұлан мен Қанат жазда атасына жайлауға барды.
  • Ертеңіне ертемен қолына таяқ ұстап, қозыларды өріске шығарды.

 

 Саралау: Қарқын тәсілі арқылы. Қарқыны жылдам кейбір оқушыларға мазмұны бойынша қосымша кейіпкердің мінезіне баға беруді тапсыруға болады. Біршама уақытты талап ететін оқушыларға тапсырма терең түсіндіріледі.

 (ҚБ) Дескрипторлар бойынша бағалау.

  •  мазмұнынын түсінді;
  •  өз ойын жүйелеп жазды;
  •  сөйлемдегі сөздердің байланысын сақтайды;
  •  орфографиялық, пунктуациялық қателерді тауып, түзетеді;
  •  қатесіз, сауатты жазады.

 Түрлі түсті жиектер» әдісі

 Оқушылар жазба жұмысын орындау барысында дәптер жиегіне түрлі түсті қарындашпен белгі салып отырады. Мағынасы: «қызыл – тексеріп, барлық қателерін түзетіңізші», «жасыл – барлық қателерді белгілеңізші, мен барлығын өзім түзетемін», «көк – қате санын көрсетіңізші, мен өзім тауып түзетемін», «қара – бұл жұмысқа баса назар аудармаңыз, мен оны асығыс орындадым» және т.б.

 

 4-бекет

 Сабақтың соңы.

 Оқушылардың оқу мақсатына жеткенін анықтау үшін қорытындыға «Ең ұзақ күн» әңгімесін іштей оқып, түсінгендері бойынша «Салыстыру картасын» толтыру ұсынылады. Жазған жұмыстарын жұптасып тексеріп және түзетуге беріледі.

 Оқушылар өздіктерінен жұмыс жасау барысында кейіпкерлердің іс-әрекеті мен мінез-құлқын бағалауына назар аударылады.

 Үлгісі:

Қанат

Жасұлан

іс-әрекеті, мінез-құлқы

Атасына көмектеседі

Ойыны қанбайды

 Саралау: Диалог және қолдау көрсету тәсіліне сүйене отырып, топтың ішіндегі қолдауды қажет ететін оқушыға сөзбен қолдау көрсетіледі..

(ҚБ) «Кестеге бағалау». Топтағы жеке оқушыны бақылау үлгісі:

Т.А.Ж.

Азиза

Шынар

Ұлан

Наз

ерке

Топта өз міндетін атқаруы

 

 

 

 

Идея ұсынуы

 

 

 

 

Белсенділігі

 

 

 

 

Көмек бере алуы

 

 

 

 

Өзгені тыңдай алуы

 

 

 

 

Талқылауды дұрыс жүргізе алуы

 

 

 

 

Топпен бірлесе жұмыс жасауы

 

 

 

 

 

 Рефлексия.

 «Бес саусақ» әдісі арқылы бүгінгі сабаққа кері байланыс жүргізу.

 

 Ескерту. Сынып оқушыларының ерекшелігіне байланысты мұғалім тапсырмаларды түрлендіріп ұсына алады.

 


Құрметті оқырман! Файлдарды күтпестен жүктеу үшін біздің сайтта тіркелуге кеңес береміз! Тіркелгеннен кейін сіз біздің сайттан файлдарды жүктеп қана қоймай, сайтқа ақпарат қоса аласыз! Сайтқа қосылыңыз, өкінбейсіз! Тіркелу
Толық нұсқасын 30 секундтан кейін жүктей аласыз!!!


Кейінірек оқу үшін сақтап қойыңыз:


Қарап көріңіз 👇



Жаңалықтар:
» Алаяқтар IPO бойынша жалған мобильді қосымшаларды іске қосты 29.11.2022
» Айлакер-алаяқтар интернетте делдалдарды қалай және қандай мақсатпен іздейді 26.11.2022
» Түркия: Ыстанбұлда тағы жарылыс 17.11.2022

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы