👈 қаріп өлшемі 👉

Бақытгүл Бабаш (Жанбады ма шырақ әлі....)

 Бақытгүл Бабаш (Жанбады ма шырақ әлі....)

Жанбады ма шырақ әлі,
Арманымның жырақ әні.
Түнгі аспанды тебірентіп,
Жұлдыз болып жыр ағады.

Жауратады күзгі жауын.
Көңіл-жетім кейіптегі.
Шын мен болсам, сіздің әннің,
Ең бақытты кейіпкері:

Тәңір ісі демейін бе,
Тәбәрікке теңейін бе?
Жүрегімді суырып ап,
Жүрегіңе берейін бе?

Жүрек? Жүрек – сол сыр берген,
(Ертегі-өмір, баяны жоқ).
Сіз есен-сау болсын деумен,
Көкке қолды жаямын көп.

Үкі тағып текке үмітке,
Қиялдаумен келемісің?
Құрбан болып кетпедік пе,
Екеуміз де... Өлең үшін!

Жалғыз досым Өлең еді.
Тұмар болды есіміңіз.
- Мұңға мені бөлемегін.
- Ке-ші-рі-ңіз...

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Қазақстанда қайырымдылық саласындағы тұлғаларға арнайы атақ беріледі 17.06.2022
» “Қорықпай Солтүстік өңірге көшуге шақырамын”: Солтүстіктен пәтер алған отбасылар алғысын білдірді 12.06.2022
» МӘМС бойынша жеңілдікке ие 15 санаттың тізімі белгілі болды 12.06.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы