Қазақша өлең: Мағжан Жұмабаев (Сәуле) » ZHARAR © 2016 | магжан жумабаев Сәуле өлең олен мағжан жұмабаев стихи на казахском, мағжан жұмабаев өлең олен стих, казакша олен магжан жумабаев, магжан жумабаев стихи на казахском языке, Сәуле




  • »

Қазақша өлең: Мағжан Жұмабаев (Сәуле)

Қазақша өлең: Мағжан Жұмабаев (Сәуле) казакша Қазақша өлең: Мағжан Жұмабаев (Сәуле) на казахском языке

Көрісе алмай зарығып,
Сарғайысқан екі жас,
Әлдеқалай тура кеп,
Көріседі - көңіл мас.
Мөлдіресіп көздері,
Бір-біріне қарайды.
Қысқа болды сөздері,
Жылы у бойға тарайды.
Ауызға ауыз тиісті -
Денелері балқыды.
Тілден тәтті сүйісті -
Жүрек жанды, шалқыды.
Ыстық лебіз сүйгенде
Өртегендей жүздерін.
Енді дене күйгенде
Ашты екеуі көздерін.
Оянысса, адам жоқ,
Түс алдайтын жау ма екен?
Бір-бірін түсте сүйсін деп,
Ойнап сүйген сәуле екен.
Есінеп, бір керіліп,
Қайта тағы жұмып көз:
«Ұйқымды, сәуле, бұздың!»,-деп,
Жатты жамылып сұлу қыз.
Абақтыда оянып,
Жігіт «уһ» деп дем алды.
Көрген түске жұбанып,
Сәулеге алтын қуанды.


Санат: KZ портал » Қазақша Өлеңдер жинағы | | 420
Рейтинг:
(голосов: 0)

.

. .