Қазақша өлең: Ғабиден Қожахмет (Құрбының тілегі) » ZHARAR © 2017 | Үйлену тойда немесе қыз ұзату тойында тұрмысқа шығып жатқан бойжеткенге құрбысының тілегі,ғабиден қожахмет Құрбының тілегі өлең олен стихи на казахском




  • »

Қазақша өлең: Ғабиден Қожахмет (Құрбының тілегі)

Қазақша өлең: Ғабиден Қожахмет (Құрбының тілегі) казакша Қазақша өлең: Ғабиден Қожахмет (Құрбының тілегі) на казахском языке

Үйлену тойда немесе қыз ұзату тойында тұрмысқа шығып жатқан бойжеткенге құрбысының тілегі

Уақыттың бірге жылжып күндері,
Жылыстайтын әр кезеңмен жыл легі.
Ортақ еді біздің салған әніміз,
Таңымыз да қарсы алатын бірге еді.

Бірге еді армандардың оттары,
Сыр да ортақ қиял қуған шақтағы.
Бірақ бізді қыз-бақытқа апарар
Уақыттың бөлек еді соқпағы.

Міне, құрбым, сол бақытқа беттедің,
Маған қымбат - сен шаттыққа жеткенің.
Тұрмыс құру тұғырлы жол өмірде,
Қыз ғұмыры қарсы алғандай көктемін.

Туған үйің әлпештеп еді сені де,
Келін болдың сүйіктіңнің еліне.
Сол өмірде бақытты бол жарыңмен,
Көктеміңнің көтеріл де көгіне.

Сол көктемің болсын қымбат, ғұмырлы,
Шын сыйлаңдар бірің әр кез біріңді.
Тұрмыс жолда тұмар тағып бақыттан,
Қуанышпен атқыз әрбір күніңді.

Әрбір сәтің бақытпенен көктесін,
Жүзіңнен тек шаттық күлкі кетпесін.
Әрбір таңың ашық болып атсын да,
Әрбір жылың той-думансыз өтпесін.

Думан күнді бірге қарсы алыңдар,
Арман жолға ортақ бірге барыңдар.
Отауларың құтты болсын көтерген,
Мына өмірде тек бақытты болыңдар.

Сыры да ортақ, жыры да ортақ үнемі
Осы саған құрбыңның ақ тілегі.
Сенің осы бақ жолыңа жүрегі
Барлық, барлық жақсылықты тіледі.


Санат: KZ портал » Қазақша Өлеңдер жинағы | | 1 333
Рейтинг:
(голосов: 1)

.

MixAdvert

MarketGid

Соңғы пікірлер:

. .