Қазақша өлең: Қайрат Рысқұлбеков (Кездесеміз әлі де) » ZHARAR © 2016 | қайрат рысқұлбеков Кездесеміз әлі де өлең, қайрат рысқұлбеков өлеңі , қайрат рысқұлбеков өлеңдері, қайрат рысқұлбековтың өлеңі, қайрат рысқұлбеков өлең, қайрат рысқұлбеков туралы өлең, кайрат рыскулбеков олендери, кайрат рыскулбеков стихи на казахском




  • »

Қазақша өлең: Қайрат Рысқұлбеков (Кездесеміз әлі де)

Қазақша өлең: Қайрат Рысқұлбеков (Кездесеміз әлі де) казакша Қазақша өлең: Қайрат Рысқұлбеков (Кездесеміз әлі де) на казахском языке

Жалалы боп, қатты батты жаныма,
Жазалаушы қағаз алдым қолыма.
Жігіттер-ай, айтып-айтпай не керек,
Жазған екен маңдайыма, сорыма.

Біріншіден, мен анамды сағындым!..
Екіншіден, бұл Құдайға не қылдым?!
Бостандықта еркін жүрген жан едім,
Енді, міне, абақтыға жабылдым.

Әкетай-ау, Пайғамбардай жасың бар,
Туа бермес сіз секілді асылдар.
Қартайғанда жүрегіңді жаралап,
Кесір болды-ау біз секілді «масылдар».

Айналайын ағалар мен жеңгелер,
Бұл өмірде сіздерге кім тең келер.
Сүмірейіп сот алдында отырған
Бауырыңды енді кімдер ескерер.

Өздеріңе аман-саулық тілеймін,
Өздеріңмен бірге болсын тілегім.
Өздеріңе тіл қата алмай, достарым,
Қайғы-мұңлы өмірімді бастадым.

Айналайын қарындасым, қарағым,
Қолда кісен, мен айдауға барамын.
Қайғы шегіп, азап тартқан ағаңды,
Айтшы, жаным, қандай жанға баладың?...

Айналайын інішегім, құлыным,
Сені ойласам, үзіледі жұлыным.
Сенің ерке ақ жүзіңді көре алмай,
Қетіп барам мен айдауға, құлыным.

Қош болыңдар, ағайын-туыс бәрің де,
Қош болыңдар, жасыңыз да, кәрің де.
Қараңғылық баста тұрмас қашан да,
Бостандықта кездесеміз әлі де...


Санат: KZ портал » Қазақша Өлеңдер жинағы | | 7 187
Рейтинг:
(голосов: 9)

.

. .