👈 қаріп өлшемі 👉

Серікзат Дүйсенғазы (Менің анам)

 Серікзат Дүйсенғазы (Менің анам)

Өсіріп, ер жеткізген сегіз бала,
Әлемде менің шешем – еңізгі ана.
Өң берген өміріне адалдығы
Тең келген көңіліне теңіз ғана!

Жүрген жоқ ізгілікті ол жиып бекер,
Жұмыр жер жүрегіне сиып кетер.
Маңдайдан «құлыным» деп сипағаны,
Мәңгілік мәртебеңді биіктетер.

Кім білмес анашымның пейілін кең,
Жаны оның жаратылған мейірімнен.
Қазақтың келіні боп ғұмыр кешті,
Аулақта сауық-сайран, сейіліңнен.

Сіңіріп тәрбиесін бай даланың,
Көрдік біз салт-дәстүрден таймағанын.
Абысын-ажынымен тату әлі,
Өткен жоқ алдын кесіп қайнағаның.

Жатса да ертелі-кеш үйге адам кеп,
Күтетін соның бәрін «сыйлы адам» деп.
Қонақты құт келгендей қарсы алумен,
Ғұмыры дастарханын жинаған жоқ.

Ешкімге көрсеткен жоқ енжарлығын,
Құрметін көрмей оның кем қалды кім?
«Барым» деп түсінді әркез бала-шағам,
«Арым» деп әлпештеді ақ жаулығын.

О, менің ақ ниеттім, асқақ анам,
Дүниеде жақын жан жоқ басқа маған.
Ұяттың ұясы деп әр тал шашын,
Басынан орамалын тастамаған.

Кішімен сөйлесетін баласынбай,
Туысқа жаны жомарт, жанашырдай.
Аллаға сансыз мәрте шүкір еттім,
Анадан туғаныма дәл осындай!

Кейінірек оқу үшін сақтап қойыңыз:


Қарап көріңіз 👇



Жаңалықтар:
» “12 жастағылар үйленді”: Елдің қызу талқысына түскен ерекше ерлі-зайыптылардың кім екені белгілі болды 20.01.2022
» Тұңғыш президент – Елбасы туралы заңға өзгеріс енгізіледі 20.01.2022
» "Қазақстан халқына" қорынан қалай көмек алуға болады? Болат Жәмішев жауап береді 20.01.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы