Ерлан Ахмет (Деректі кино дарабозы)

 Ерлан Ахмет (Деректі кино дарабозы)

Жаратар дара дарынды, шіркін, дариға,
Жаратқан күшін адамзат біліп, тани ма?
Жаңақорғанның түлеткен тума тарланы –
Омардың тегі Нематтың ұлы Қалила.

Балалық жастан жүрекке иман ұялап,
білімін алды Ленинград жақты қиялап.
Бақыттың жолын кезгенде серік еткені –
адалдық, рақым, қанағат, сабыр, тиянақ.

Құрсақтың онын көтерген ана арланы,
«Кісен ашқаннан» жетелей берді арманы.
Өшкенді жағып, өлгенді қайта тірілткен –
“Мұхаммед Салық...”, “Ұлы жұт”,
“Тәушен”, “Мағжаны”.

Бауыржан батыр қонғандай қайта боз атқа,
Мұстафа менен “Палуан Дәулет” бар қазақта.
“Құрманғазы” мен “Жұбанов Ахмет”,
“Әмір Мажит” –
лайықты баға оғыландар деген әз атқа.

“Атамекенде” “Замана шеру” өткерген,
“Алашорданың” жаңғыртты рухын өткеннен.
Ақтаңдақтардан, арыстарынан айырылған
жаралы жұртым нәубет күндерді көп көрген.

Міржақыпты елге оралту үшін шешкен бел,
аруақты адам сауапты самал ескен дер.
Жамбыл мен Мұхтар,
Шапық пен Зәкім, Қадырлар –
айбары ұлттың, тайғақта төзім еткендер.

Нысанбаевтың пәлсапасымен тіл қатқан,
мұнайлы елдің тағдырын толғап, тыңдатқан.
Халықтың сырын ұғатын ұлға айналды,
бабадан қалған қасиет дарып құндақтан.

Сезімге тұнған таспаға басқан бір ғалам –
махаббат, қайғы, шаттықпен қатар шырғалаң.
Отанын, елін, бесігін, алтын отауын
жанымен сүйед, жадыдан ұмыт қылмаған.

Атадан нәсіп батамен сіңген ар-иба,
бойдағы намыс, жігерін қайрап, жани ма?
Деректі кино шебінде жүрген дарабоз –
Кәрім Танайдың шәкірті болған Қалила.


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 2
  1. Гүлмайра
    Гүлмайра 10.11.2022 06:52
    0 + 0 -
    Сіздің өлеңдеріңізді оқушылар сүйіп оқиды.Сізбен қашықтықта бір кездесу ұйымдастырсақ қалай қарайсыз.Тел. нөміріңізді таба алмадық
  2. Гүлмайра
    Гүлмайра 10.11.2022 06:52
    0 + 0 -
    Сіздің өлеңдеріңізді оқушылар сүйіп оқиды.Сізбен қашықтықта бір кездесу ұйымдастырсақ қалай қарайсыз.Тел. нөміріңізді таба алмадық