Геннадий Головкин: Қазір қиын жағдайда жүрмін

Геннадий Головкин: Қазір қиын жағдайда жүрмін

Кәсіпқой бокстан орта салмақтағы әлем чемпионы, төрт бірдей чемпиондық белбеудің иесі қазақстандық Геннадий Головкин америкалық Power радиосындағы The Breakfast Club бағдарламасының қонағы болып, ашық сұхбат берді деп хабарлайды Skifnews.kz порталы.

Сұхбат барысында Головкин алдағы жекпе-жегі жайында және өз қарсыластарының деңгейі туралы сынға жауап берді.

"Өзге боксшылардың менен неліктен қашатынын білмеймін, бұл менің проблемам емес. Бапкерім Абель Санчестен сұрап көріңіздер, бәлкім ол кісі білетін болар", - дейді қазақстандық боксшы.

Оның айтуынша, кез келген боксшы GGG командасымен келіссөздер жүргізе алады.

"Бәріңіз білесіздер, мен кіммен болса да кездесуге дайынмын. Кез келген боксшының келіссөз жүргізуіне ашықпыз. Қазір қиын жағдайда жүрмін. Бәрі айтады: "Мен мықтымын, сенімен келесі жекпе-жекті өткізуге дайынмын" деп. "Міне келісім, қолыңды қой да рингке шық" десем жоғалып кетеді. Ешкім менімен рингке шыққысы келмейді", - дейді Головкин.

"Рингке шығып алып, қорыққан кездеріңіз болды ма?" деген сауалға Головкин:

"Жоқ, ешқашан қорыққан емеспін. Маған бокс ұнайды, рингте өзімді өте жақсы сезінемін. Жекпе-жекті барынша қызықты етіп өткізуге тырысамын. Бұл мен үшін тек спорт", - деді ол.

Естеріңізге салайық, қазақстандық боксшы келесі кездесуін 18 наурыз күні Нью-Йоркте америкалық Дэниэл Джейкобспен өткізеді.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады