Қазақша мақал - мәтел: Сараңдық, қызғаншақтық » ZHARAR © 2016 | сараңдық туралы мақал-мәтелдер, сарандык туралы макал мателдер, пословицы на казахском о скупости, қызғаншақтық туралы мақал-мәтелдер, кызганшактык туралы макал мателдер, пословицы на казахском языке про жадность




  • »

Қазақша мақал - мәтел: Сараңдық, қызғаншақтық

Қазақша мақал - мәтел: Сараңдық, қызғаншақтық казакша Қазақша мақал - мәтел: Сараңдық, қызғаншақтық на казахском языке

Сараң - саңырау.

Сараң да бір, сасық су да бір.

Сараңның қолы қалтырауық.

Сараңдық соңы - арамдық.

Сараң асын бермейді, көзінің жасын береді.

Сараңға саңыраулық қонады,
Естісе де, естімеген болады.

Сараң соқырдың өз бидайын өзіне қуырып береді.

Сараңның асы піскенше, таудың тасы піседі.

Сараңдық ауылдастан, не бауырластан жұғады.

Сараңнан сарқыт жегенше, иттен тартып же.

Сараң байлығына жүкші ғана.

Соқырда екі көз жоқ.
Сараңда бір көз жоқ.

Піс қазаным бес ай.

Тар есік, тар босаға.

Қас сараң өз тамағын өзінен тығады.

Екі сараңның қолдары бір-біріне әрең жетеді.

Берместің сылтауы көп.

Берместің асы піспес,
Қазаны оттан түспес.

Сұратып бергенше, ұрып бер.

Жылы мұрынға суық қол.

Аузын қу шөппен сүрткен.

Тілеушінің бір беті қара,
Бермеушінің екі беті қара.

Жомарттың бергенін көріп,
Сараңның іші күйеді.

Қас екенін қабағынан таны,
Сараң екенін табағынан таны.

Берейін десең ештеңең жоқ,
Бес ешкің бар да, пейілің жоқ.

Аларманға алтау аз,
Берерменге бесеу көп.

Сараң санға қосылмайды.

Әйел жомарттық қылғанда,
Еркектің сараңдық қылғаны - өлім.

Екі басын ұстап, ортасын тістеп жүреді.

Жұмыртқадан жүн қырыққан.


Назад Вперед
Санат: KZ портал » Қазақша Мақал - мәтелдер жинағы | | 507
Рейтинг:
(голосов: 0)

.

. .