Достық, дос туралы мақал-мәтелдер

Достық, дос туралы мақал-мәтелдер

Дос туралы мақал-мәтелдер

Дос — ажарың, жолдас — базарың.
Азаматпен дос бол, қадіріңді біледі.

Айрылғысы келген дос аяулыңды сұрайды.
Айрылар дос ердің артқы қасын сұрайды.

Айрылмастай досыңа қайрылмастай сөз айтпа.

Айтулы достың малы бір,
кемедегінің жаны бір.

Алыстағы досыңа
ат берсең де жарасар —
үйіне мініп барсын деп.
Жақындағы досыңа
хат берсең де жарасар —
ұмытса есіне алсын деп.

Ауыр сөз айтқан дос емес.

Босқа бергенше досқа бер.

Бір пайдадан кешкен мың кісімен дос болады.

Дәмді болса - достық қымбат,
Мәнді болса - жастық қымбат.

Дос — ажарың, жолдас — базарың.

Дос басқа қарайды, дұшпан аяққа қарайды.

Дос бергеннің түсіне қарама.

Дос болмас сыртта жүріп мақтамаса, бірін-бірі жамаңдықтан сақтамаса

(Әбубәкір).


Дос болсаң берік бол, досыңа серік бол.

"Дос" деп сынамай сыр айтпа, достың да досы бар.

Дос досқа жалынса, достың көңілі алынады.

Дос досқа зиянкер емес, зиянкер болса дос емес.

Дос егіз, дұшпан сегіз.

Дос емес достың сөзін бөтен десе,
Достықтан бір өкпемен кетем десе

(Серәлі).


Дос емес досты сырттан жамандаса,
Кісі емес бір қатені жаба алмаса

(Ақмолда).


Дос жылатып айтады,
Дұшпан күлдіріп айтады.

Дос көбейсе дұшпан аяқ астында.

Дос көңіліңді суытып айтады,
Қасың ойыңды жылытып айтады.

Дос көргеннен түңілме.

Дос көтерер көңілді,
Мал көтерер өлімді.

Досқа ат берме,
ат берсең "жай жүр" деме.

Досқа ауырлығыңды салма,
Достан қарыз алма.

Досқа келсең босқа келме.

Дос құшағы — жаз.

Доспен дос болғанша шаттан,
Дұшпанмен дос болғаннан сақтан.

Күлме досыңа, келер басыңа.

Досыңмен көп сөйлеспе,
Жолынан қалтырасың.
Дұшпаныңмен көп сөлеспе,
Сырыңды алдырарсың.

Дос сыртыңнан мақтар,
Дұшпан көзіңе мақтар.

Денің сау болса,
Жарлымын деме.
Жолдасың көп болса,
Жалғызбын деме.

Аз қайғыны ас басады,
Көп қайғыны дос басады.

Жаман жолдастан,
Жақсы дұшпан артық.

Әкесі құрдастың баласы да құрдас.

Досыңа өтірік айтпа,
Дұшпаныңа сырыңды айтпа.

Достық туралы мақал-мәтелдер

Дос жылатып айтар,
Дұшпан күлдіріп айтар.

Қажымалы мың жолдас, жоқпен тең,
Жанын қиған бір жолдас, көппен тең.

Досы көпті жау алмайды,
Ақылы көпті дау алмайды.

Жаман туғаның болғанша,
Жақсы жолдасың болсын.

Құрдастардың құдайы бір.

Тектімен достас, тексіз доспен қоштас.

Досыңның досын, досың ет.

Досы көпті жау алмас.

Жақсы досқа жақсы мал бер.

Досың ұрса аңқылда.

Досыңның пышағымен мүйіз кес.

Нағыз дос дұшпан болмас.

Дос айырған боқ жейді.

Есепті дос айрылмас.

Досыңның атын алма, тайын ал.

Ас бар күнде дос жалықпас.
Дос сүйгеннің түсіне қарама.

Дос табылса ас табылмайды,
Ас табылса дос табылмайды.

Айтулы достың малы бір.

Дос болып, қатасқаннан сақта құдай.

Қасқырда жолдасына жат қас қылмайды.

Ай көрмесең туысың жат,
Жыл көрмесең жолдасың жат.

Төбелеске бергісіз араша бар,
Ағайынға бергісіз жанаса бар.

Дос та дос, дұшпан да дос мал барында.

Жалған жолдас көзіне мақтар,
Сырт айналып, сойылын баптар.

Айырылмас досыңа қайырылмас сөз айтпа.

Тістем нанның қадірін тарыққанда білерсің,
Анық достың қадірін зарыққанда білерсің.

Жақсы көрші тапқаның,
Мол олжаға батқаның.

Аталастан ауылдас жақын.

Жалған достан жау артық.

Өз басыңды дауға берсең де,
Жолдасыңды жауға берме.

Дос тұтқанды қадірле.

Жақсының күнде бір үйі кеңиді.
Жаманның күнде бір үйі кемиді.

Досы көптің жаны семіреді,
Асы көптің тәні семіреді.

Жақсымен жүрсең,
Жақсы боларсың.
Жаманмен жүрсең
Жын ұрып, бақсы боларсың.

Шошқаға ерген балшыққа аунар.

Пайданың зоры – дос үшін шеккен зиян.

Жолдасын тастаған жолда қалар.

Біреу жаныңа жолдас,
Біреу малыңа жолдас.

Заттың жаңасы жақсы,
Достың ескісі жақсы.

Жартыны жарып жеген –
Татулықтың белгісі.


Жаңа дос келгенде,
Ескі достың көзінен жас шығады.

Достың орны - төр,
Дұшпанның орны – көр.

Жаман дос жауыңмен бірге шабады.

Досы жоқ адам -
Тұзы жоқ тағам.

Досыңа ат берме,
Ат берсең, ақырын жүр деме.

Жолдасың соқыр болса,
Сен де бір көзіңді қысып қой.

Тар жерде табысқан,
Кең жерде келіседі.

Елсізде ит те жолдас.

Қадіріңді білгің келсе,
Көршіңнен қарыз сұра.

Жолдасың жақсы болса,
Жолым ұзын деме.
Жолдасың жаман болса,
Қолым ұзын деме.

Көршің қолайлы болса, қораң кең.

Дос таппай көңіл тыным таппас.

Екі жақсы қосылса,
Өлгенінше дос болады.
Екі жаман қосылса,
Өлгенінше қас болады.

Досы көппен сыйлас,
Досы азбен сырлас.

Ерегескен ел болмайды,
Есептескен дос болмайды.

Ауыл итінің достығы
Сүйек тастағанша.

Қасың менен досыңды
Қас-қабағың танытар.

Жолдасты жол айырады.

Жаман жолдастан мықты таяқ.

Ұрыстың мерейі – ерлік,
Ырыстың мерейі – бірлік.

Ағаш тамырымен,
Адам досымен мықты.

Досыңды мақтағаның - өзіңді жақтағаның.

Татулық табылмас бақыт.

Айырылар дос ердің алдыңғы қасын сұрайды.

Жаман дос – көлеңке: басыңда күн барда қашып құтыла алмайсың, бұлт төнсе, іздеп таба алмайсың.

Достық пен жолдастық
Тату үйдің бақыты тасыр,
Ұрыс-керіс үйдің ырысы қашар.

Жолдасы көптің – олжасы көп.

Қимас досың сұраса қимасыңды бересің.
 


Мақала ұнаса, бөлісіңіз:


Іздеп көріңіз:

Қарап көріңіз:

Пікір жазу

Пікірлер 18

  1. Керымкул даулет
    Керымкул даулет 26.12.2020 16:27
    1 + 0 -
    50000 акша болганша 50000 досын болсые
  2. Ернұр
    Ернұр 01.12.2020 19:12
    2 + 0 -
    Дос туралы күшті мақал мәтелдер
  3. Ернұр
    Ернұр 01.12.2020 19:11
    0 + 0 -
    өте күшті
  4. Гость Жулдыз
    Гость Жулдыз 25.11.2020 13:49
    0 + 1 -
    Дос туралы мақалдар күшті
  5. Оте жаман,н,
    Оте жаман,н, 24.11.2020 12:23
    3 + 3 -
    Жаман
  6. Атон
    Атон 20.11.2020 15:29
    0 + 4 -
    Бол есепті кім өоиды
  7. САМАЛ
    САМАЛ 22.11.2018 20:59
    3 + 1 -
    Керемет қандай жағымды жазылған♡☆
  8. бақыт
    бақыт 12.04.2018 09:08
    0 + 1 -
    күшті
  9. Аружан Каримолла
    Аружан Каримолла 22.04.2016 07:44
    1 + 1 -
    Өте жақсы.Сіңілім жазып жүр????
  10. Zhasulan Ginullin
    Zhasulan Ginullin 19.02.2016 18:44
    1 + 1 -
    Үлкен рахметімді білдіремін
  11. аватария аватария
    аватария аватария 14.01.2016 07:49
    2 + 0 -
    рахмет 3 сыныпта коп керек екен мен бугін 5 алатын болдым рахмет!
  12. Нұрлан Бодиков
    Нұрлан Бодиков 02.01.2016 19:57
    1 + 0 -
    Керемет
  13. Asel Zhanturina
    Asel Zhanturina 30.09.2014 19:15
    1 + 0 -
    Базар не!
  14. Гость Камила
    Гость Камила 04.11.2020 09:02
    2 + 0 -
    Мақалдар жақсы жазылған !?☺
  15. Гость Ермек
    Гость Ермек 03.11.2020 10:01
    1 + 1 -
    Мағынасы мықты мақалдар дос туралы
  16. Гость мөлдір
    Гость мөлдір 19.10.2020 20:05
    4 + 0 -
    сәлеметсіз бе! Өте жақсы мақалдар. Тек осы жерден ғана мақалдарды қараймын. Тек көбірек жазыңыздар !!! маған қатты ұнайды!!!!!!!
    1. ZHARAR 19.10.2020 20:42
      3 + 1 -
      рахмет, сізге. егер жоқ мақалдарды білсеңіз, осында комментке жазсаныз, қосып отырамыз
  17. Гость мөлдір
    Гость мөлдір 19.10.2020 20:04
    3 + 0 -
    сәлеметсіз бе! Өте жақсы мақалдар. Тек осы жерден ғана мақалдарды қараймын. Тек көбірек жазыңыздар !!! маған қатты ұнайды!!!!!!!
Келесі мақала жүктелуде...