Мақал - мәтел: Білім, Ұстаз, Мұғалім, Оқу, Шәкірт, Мектеп және Кітап

Мақал - мәтел: Білім, Ұстаз, Мұғалім, Оқу, Шәкірт, Мектеп және Кітап




Өмір – үлкен мектеп.

Оқу - білім азығы,
Білім – ырыс қазығы.

Білім басы - бейнет, соңы - зейнет.

Оқығаныңды айтпа, тоқығаныңды айт.

Білімдіге дүние жарық.
Білімсіздің күні кәріп.

Көзі жоқ, құлағы саудың
Ақылы толады.
Құлағы жоқ, көзі саудың
Ақылы солады.

Өмір - үлкен мектеп.

Ұстазы жақсының, ұстамы жақсы.

Ұстазыңды ұлы әкеңдей сыйла.

Ұстазыңды атаңнан да әзіз тұт

Атпаз көрген — ат таныр,
Ұстаз көрген — хат таныр.

Баланың бас ұстазы — ата-ана.

Ұстаз алдында тілің тый,
Ұста алдында қолың тый.

Шәкіртсіз ұстаз – тұл.

Шәкірті зейінді келеді.
Ұстазы бейілді болса.

Ұққаның жақсы болса —
Жақының көбейеді.
Ұстазың жақсы болса —
Ақылың көбейеді.

Ұстаз талантты болса,
Шәкірті талапты болады.

Халық - нағыз ұстаз.

Бала өсірген ата-ана
Бала болып ойнайды.
Бала оқытқан ұстаздар
Бала болып ойлайды.

Өмірдің өзі - ұлы ұстаз.

Жердің сәні - егін,
Ердің сәні - білім.

Жер - ырыстың кіндігі,
Білім - ырыстың тізгіні.

Білімді бесіктен тесікке дейін ізден.

Өнер - ағып жатқан бұлақ,
Ілім - жанып тұрған шырақ.

Білімді өлсе,
Қағазда аты қалар.
Ұста өлсе,
Істеген заты қалар.

Кітап - алтын қазына.

Көп жасаған білмейді, көп көрген біледі.

Тіліңмен жүгірме, біліммен жүгір.

Көргенсіз дегенге кек тұтпа,
Көргеніңнен көрмегенің көп.

Ғылым - теңіз, білім - қайық.

Алтын алма, білім ал.

Ұстаздан шәкірт озар.

Оқымаған бір бала,
Оқыса екі бала.

Жеті жұрттың тілін біл,
Жеті түрлі білім біл.

Әліппенің ар жағы - білім бағы.

Ғылыммен жақын болсаң , қолың жетер,
Залыммен жақын болсаң, басың кетер.

Шәкіртсіз ұста - тұл.

Ұстазыңды ұлы әкеңдей сыйла.

Кітап-ғылым - тілсіз мұғалім.

Білімі жоқ ұл - жұпары жоқ гүл.

Мың малың болғанша, бір балаң ғалым болсын.

Наданмен дос болғанша,
Кітаппен дос бол.

Асу бермес асқар жоқ.

Білегіңе сенбе, біліміңе сен.

Білім арзан, білу қымбат.

Екпей егін шықпас,
Үйренбей білім жұқпас.

Жаста оқыған оқуың - тасқа жазғанмен бірдей,
Егде тартқанда оқыған оқуың - мұзға жазғанмен бірдей.

Білім ауысады,
Ырыс жұғысады.

Ақыл - тозбайтын тон,
Білім – таусылмайтын кен.

Білген кісі тауып айтады,
Білмеген кісі қауып айтады.

Өз білмегеніңді кісіден сұра,
Үлкен жоқ болса кішіден сұра.

Ақыл –дария,
Ой – теңіз.

Оқығанның бәрі жарық,
Оқымағанның беті шарық.

Білек сүріндіре алмағанды,
Білім сүріндіреді.

Білегі күшті бірді жығады,
Білімі күшті мыңды жығады.

Қына тасқа бітеді,
Білім басқа бітеді.

Ғылым – теңіз, білім – қайық.

Білетінің бір тоғыз,
Білмейтінің тоқсан тоғыз.

Жердің сәні – егін, ердің сәні – білім.

Күш - білімде, білім - кітапта.

Кісінің кісілігі,
Киімінде емес,
Білімінде.

Киіміне қарап,қарсы алады,
Біліміне қарап шығарып салады.

Білім гауһар-
Бағасы жоқ.
Надандық кесел-
Дауасы жоқ.

Қарғыстың ең жаманы -
Өзің білме,
Білгеннің тілін алма.

Түстік өмірің болса,
Кештік білім жи.

Білмесең үндеме,
Білгенді күндеме.



Комментарии для сайта Cackle