Рамазан айы құтты болсын

Құрметтті мұсылман бауырлар! Осы мақалада қасиетті Рамазан айына арналған құттықтау тілектер жарияланды. Рамазан құтты болсын!

Құрметті қауым! Он екі айдың сұл­таны – рамазан құтты, берекелі болсын! Қасиетті айда жасайтын құлшылық, дұға-тілектеріңіз қабыл болсын! Алға қойған арман-мақсаттарыңыз орындалып, оразадан оразаға аман-есен жете беруі­­мізді Алла нәсіп етсін! Еліміз аман, жұр­тымыз тыныш, халқымыздың бірлігі ны­ғайып, берекесі арта бергей! Тәуел­сіз­дігіміз әрқашан баянды болғай! Әумин!

---

         Баршамызды мүбарак Рамазан айының келуімен шын жүректен құттықтаймын! Ұлы жаратушының пенделеріне тартқан теңдессіз сыйы – қасиетті Рамазан – сансыз сезімдер мен толып тасыған ізгі ойлардың салтанат құрған, күн мен түн де тұтастай Жасаған Иеміздің рахымы мен мейіріміне тұнған ай. Басқа уақытпен салыстырғанда жақсылықтар мен сауаптардың сансыз еселеніп жазылар айы да – Рамазан.

---

         Құрметті мұсылман қауым! Ұстаған Оразаларыңыз қабыл болсын! Алла Тағала баршамызды шынайы ықыласпен Ораза ұстаушылар санатына қосып, жәннаттың Раййан есігінен кіруімізді нәсіп еткей!
         Қасиетті Рамазан құтты болсын!

---

Құрметті мұсылман қауым! Мүбәрак ораза айт мерекесімен шын жүректен құттықтап, Алла тағаладан баршаңызға қуаныш, отбасыла­рыңызға береке-бірлік, сүйікті Отанымызға гүлдену мен өркендеу, дінімізге қуат, барша мұсылмандарға тыныштық пен шаттық тілеймін. Әумин!

---

Алла тағала рамазан айында ұстаған оразаларымыз бен құлшылық-ғибадаттарымызды қабыл етіп, екі дүниенің бақытына бөлегей! Халқымыздың ынтымақ-бірлігін арттырып, ырыс-несібесін адалынан молайтқай! Дінімізге қуат, өзімізге иман байлығын бергей! Әумин!

---

         Барлықтарыңызды қасиетті Рамазан айының келуімен құттықтап, ниеттеріңіз қабыл болсын демекпіз. Жүздеріңіздегі нұр, жүректеріңіздегі иман арта берсін. Отанымыз аман, жұртымыз тыныш, барша Қазақстан азаматтарының ынтымақ-бірлігі берік болғай!

---

         Барлық мақтау мен мадақ Әлемдерді Раббысы Алла Тағалаға болсын! Жыл бойы күткен қасиетті Рамазан айына жеткеніміз үшін Жаратқан Иемізге сансыз шүкірлік етеміз.

---

Қажетті сілтемелер:

• Ауыз бекіту, сәресі дұғасы - аудио, арабша, қазақша
• Ауызашар дұғасы - аудио, арабша, қазақша
• Оразаға, Рамазанға құттықтау тілектер
• Ораза қабыл болсын - суреттер жинағы
• Рамазан айы құтты болсын

Кейінірек оқу үшін сақтап қойыңыз:


Қарап көріңіз 👇