Тақпақтар

Көктем келіп қуандым,
Құрал-сайман қолға алдым.
Ұямды мен салайын,
Ұрпағымды жалғайын!

Ақ сүт беріп аялап,
Өсірген менің жан анам.
Түнде оянып ұйықтатқан,
Мені ойлаған ақ анам.

Өзіме ұнайды ғой өлең жазған,
Ертеде ата-бабам ақын болған.
Білгенім, Рахметбай ата өз сезімін,
Өлеңдетіп түсіріпті ақ қағазға....

Астана, арман қала, жас қала!
Кең аланың ортасында орналасқан.
Астана – Отанымның бас қаласы,
Астанада Бәйтерек бар даңқы асқан....

Туған күнің құтты болсын,
Жан Ата !
Құт-береке, зор денсаулық тілеймін!
Мен сізге!

Туған күнің құтты болсын,
Жан Ата!
Ортамызда аман-есен жүре бер,
Бұл мереке, қуаныш біз үшін
Қашанда!

Ең бірінші бақытым –
Осы дүниеге келгенім.
Одан кейінгі бақытым –
Ата-анам, әулетім.

Бақыттырдың бақыты –
Туған елім, Отаным.
Арайлы таңның атқаны,
Аспанда күннің шыққаны,
Осының бәрі мен үшін,
Бар бақытым, аңсаған.

Менің туған ауылым,
Туған жерім, мекенім.
Өскен жерім Шоқаным,
Жарқырасын жұлдызың.

Менің анам тамаша,
Ән салады жараса.
Айтқан сөзін тыңдаймын,
Кіп-кішкентай болсам да.

Аяулы да ардақты атам менің,
«Бақытты бол, ер жет» - деп бата бердің.
Еңбек етіп, еліңе құрметті боп,
Әрдайым ортамызда жүре бергін.