Ағзалардағы қоректік заттардың тасымалдануы. Жаратылыстану, 6 сынып, қосымша материал.

Сабақтың бастапқы кезеңінде оқушыларды топқа бөліңіз. Оқушылар алдыңғы білімді жаңғырту мақсатында өсімдік ағзасындағы заттардың қозғалысын болжау арқылы білімдерін көрсетеді.

 Тапсырманы орындап болғаннан кейін мұғалім ұсынған тамыр, жапырақ және сабақты көрсететін өсімдіктің сызбасында су, минералды заттар және көмірқышқыл газының өсімдік ағзасына енуін және су мен оттегінің өсімдіктен шығуын көрсететін белгілер қояды. Оқушыларға жасалған жұмыс бойынша кері байланыс ұсыну керек.

Сабақтың орта кезеңінде топтық жұмыс барысында «Өсімдік ұлпасындағы осмос» тақырыдында осмосты көрсету үшін тәжірибе жүргізеді. Оқушылар әр топтың жұмыстары мен жауаптарын бағалап, қорытынды жасайды. Сабақ барысында орындалған барлық іс-әрекеттерден кейін мұғалім кері байланыс ұсынуы қажет. Барлық тапсырмаларды орындау барысында оқушыларға тапсырмаға дескрипторлар көрсетуді ұмытпаңыз. Тәжірибелік жұмыс барысында қауіпсіздік ережелерінің орындалуын мұқият қадағалаңыз.

Сабақ соңында бейнебаян көріп, су мен қоректік заттардың тамыр бойымен қозғалуымен танысады. Бейнероликті тамашалау алдында мұқият қарауларын сұраңыз. Содан кейін бейнеролик ақпараттарын пайдаланып, өсімдіктердегі судың қозғалысын модельдейді. Әр оқушы белгілі бір рөлге: тамыр, су молекуласы, минералды заттар, оттегі, көмірқышқыл газы, сабақ, жапырақ ене отырып, заттардың қозғалысын көрсетеді.

Сабақты бекітуге арналған деңгейлік тапсырмаларды оқушылардың қабілеттеріне байланысты ұсынылады.

 Сабақ соңында міндетті түрде сабақ мақсаттарына және бағалау критерийлеріне оралып, оларға жету деңгейі оқушылармен талқылануы қажет. Сабақ бойынша оқушылардан міндетті түрде кері байланыс алу керек. Әр оқушы «Табыс сатысы» деп аталатын әдіс бойынша дәптерге жазбаша рефлексия жасауы қажет. Өз қалаулары бойынша оқушы сыныпты өз жауабымен таныстырады.

Пайдалы сілтемелер:

• https://www.yaklass.ru
• https://www.youtube.com/watch?v=l7s5kJr1yRU