Тарихи шындық пен көркемдік шешім. Махамбет Өтемісұлы «Махамбеттің Баймағамбет сұлтанға айтқаны», «Мен - мен едім, мен едім!», «Бағаналы терек». Қазақ әдебиеті, 9 сынып, дидактикалық материал. 2-сабақ.

«Кейіпкерді зерттеу» әдісі

Әр топқа өлеңнен үзінділер беріледі. Топтағы оқушылар өздеріне берілген міндеттер арқылы жұмыс жасайды.

1.Ақын өлеңіндегі кейіпкерлер бейнесін табу, іс-әрекеті арқылы ерекшелігін анықтау;

2. Кейіпкер мінезін ерекшелеп тұрған сөздер мен суреттеулер;

3.Кейіпкерлердің өзара қарым-қатынасы, диалогы, қоршаған ортаға қарым-қатынасы;

4.Кейіпкер бойындағы ұнамды-ұнамсыз қасиеттер тізбесін жасау.

1-топқа

Біз бір енеден бір едік,Бір енеден екі едік,Екеуіміз жүргенде,Бір - бірімізге ес едік.Бір енеден үш едік,Үшеуіміз жүргенде,Толып жатқан күш едік.Бір енеден бес едік,Бесеуіміз жүргенде,Алашқа болман деуші едік.Өтемістен туған он едік,Онымыз атқа мінгенде,Жер қайысқан қол едік.

2-топқа

Еділді көріп емсеген,Жайықты көріп жемсеген.Таудағы тарлан шұбар біз едік.Исатайдың барында,Қара қазан, сары балаҚамы үшін қылыш сермедік.

3-топқа

Ей, тақсыр - ау, ей, тақсыр,Бойың жетпес биікпін,Бұлтқа жетпей шарт сынбан!...Кәр қылар деп, «тақсыр - ау!»Аяғыңа бас ұрман.Бәйеке «сұлтан», ақ сүйек,Қыларың болса қылып қал,Күндердің күні болғанда,Бас кесермін, жасырман!

4-топқа

Қаныкейдей көріктіңдіҚалыңсыз құшсам деп едім.Тінікейдей тектіңдіИтелгі көзін төңкеріп,Күшіктей даусын қыңсытып,Аш күзендей белін бүгілтіп,Әділ жаннан түңілтіп,Ат...Артына салсам деп едім.

Шығарманың идеясына сай кейіпкерлерге мінездеме береді.