Қалмақан Әбдіқадыров «Қажымұқан» әңгімесі. Қазақ әдебиеті, 6 сынып, дидактикалық материал.

Топ тапсырмалары

1-топ тапсырмасы

1. Татарша орама жағасы бар, мақталы ұзын шапан киген екеу келіп, тұманды боз қырау басқан есіктің қоңырау тетігін басып тұр...

- Келген екеу кім?

- Олар неге келді?

-Кім жіберген еді?

2. “ Қандай байланысы барын сізге жазған хатында айтқан болар. Алдымен сіз мына хатты оқыңыз,”-деп аласа бойлы татар қойнынан сия қарындашты жалай отырып, ірі әріппен сойдита жазылған хатты қолына берді.

- Хатта не жазылған деп ойлайсың?

2- топ тапсырмасы

3. “Күш байқаған кісі тышқан аулаған мысықтай, үндемей келіп бас сала ма екен?”

-Кімнің сөзі?

-Бұлай айтудың себебі неде?

4. ... Хат танымайтын Мұқанға балуандық өнердің ең ауырларын үйренуге тура келді.

-Мұқан үшін өнердің ең ауыры не еді?

-Ал ең жеңілі деп қандай өнерді айтар едіңдер?

5. “Ағын су көлге құймай дамылдай ма, мырзам. Мен сіздің мектепті бітірмей, мейрамды қайтем.”

-Кімнің сөзі?

• Бұл сөзді Мұқан неліктен айтты деп ойлайсың?

3- топ тапсырмасы

6. “Жас балуанның жиырма төрті мектептің биылғы бағдарламасын бітіріп, тәжірибе жұмысына шыққалы отыр. Бірінші – Дубный, екінші - Мұңайтпасов”

-Мұқанның екінші тұру себебі неде?

-Осы тәжірибе сынында Мұқанның алғаш көрсеткен өнері?

7. Жасы отыздан асып, “енді елге қайтпасам болмас” деп жүргенде, Дубный Ригадан бір топ балуанмен келді.

• Мұқан Дубныйға еріп қайда барады?
• Өзге ел балуандарының қандай өнерлерін көрді?

4-топ тапсырмасы

8. “-Ертең Ресей балуандарының өнерін көресіздер,- деді цирк басқарушысы.”

• Ресей балуандары қандай өнер көрсетті?

9. ...Басында айыр қалпағы бар, үстінде ала жібек шапан киіп, жалпылдақ жүнді айыр өркешті атанға мінген біреу шықты.

-Бұл кім еді?

-Ол қандай өнер көрсетті?