«Тағам және сусын» тақырыбын зерттеу – дәмханада төлем жасау. Монеталар сомасы. Математика, 1 сынып, сабақ жоспары.

Пән: Математика

Ұзақ мерзімді жоспар бөлімі:4A бөлім: Ақшаны пайдалану

Мектеп: Талдықорған қаласындағы физика-математика бағытындағыНазарбаев Зияткерлік мектебі

Күні: 29.03.2016 ж.

Мұғалімнің аты-жөні: Иманбаева Н З

Сынып: 1А

Қатысқандар саны:20

Қатыспағандар саны: 0

Сабақтың тақырыбы

«Тағам және сусын» тақырыбын зерттеу – дәмханада төлем жасау. Монеталар сомасы

Осы сабақта қол жеткізілетін оқу мақсаттары (оқу бағдарламасына сілтеме)

1.1.2.12 Белгілі бір соманы монеталармен төлеуді түсіну

 Сабақтың мақсаттары

Монеталармен белгілі бір соманы құрастыру;

«Тағам және сусын» тақырыбын қарастырып, төлем жасау үшін тағамдардың бағаларын анықтап, белгілі соманы төлеуді түсіну.

 Жетістік критерийлері

Әртүрлі монеталардың номиналды құнын таниды және белгілі бір соманы төлеуде дұрыс қолдана алады.

 Сөздік қор

Монета, сома, ақша, теңге, номинал, баға, төлеу.

- Азық-түлік сатып алу үшін бізге ақша керек.

- Қымбат емес заттарды сатып алу үшін, біз монеталарды қолданамыз.

- Қанша тұрады?

-Төлем жасау үшін … монеталарды қолданамын.

- … қайтарамын.

 Құндылықтардыдарыту

Ас-тағамды құрметтеп, кие тұтуға тәрбиелеу.

 Пәнаралық байланыстар

Қазақ тілі және әдебиеті

Алдыңғы меңгерілген білім

Монеталардың номиналды құны

Сабақбарысы

Сабақтағы жоспарланған іс-әрекет

Ресурстар

Ұйымдастыру кезеңі

Оқушыларға жайлы ахуал ұйымдастыру

ОМ анықтап алу

Баға деген не екенін;

монеталардан қажет соманы қалай құрастыруды үйренесің.

(Ұ) Ұйымдастыру кезеңін өткізу.

«Менің орным қайда?» ойыны

Әр оқушының қолында монетаның бір түрі ғана болады.Нұсқау бойынша оқушылар өз тобын және өз орнын табу керек.

Сыныптың әр жерінде 1 тг, 2 тг, 5 тг, 10 тг, 50тг 100тг деп жазылған кеспеқағаздар ілінеді.

Шарты: «Құны ең кіші монеталар» -1 тг

20 тг мен 5 тг арасында орналасатын монета- 10тг

«Құны ең үлкен монета» -100тг

«10 тг жартысы болатын монета»- 5тг

«жартысы 10 тг болатын монета» 20 тг

«1тг кейінгі орында тұратын монета» -2 тг

«100тг жартысы болатын монета»- 50 тг

(Ұ)

Балалар бүгін біз қазақ тілі сабағында дәмханаға бардық. Дәмханадан тапсырыс беріп тағам іштіңдер.

Қазір сендер дәмхана барып тапсырыс берген тағам түрлерінің сомасын төлеуді үйренесіңдер.

«Сома» дегенді қалай түсінесіңдер?

«баға» дегеніміз не?

Берілген соманы түрлі монета арқылы шығарып көрейік.

(ЖЖ) Белгісіз монеталар

Мысалы біз дәмханадан 68 тг тұратын самсаны алып жедік делік.

Қазір қолдарыңдағы монетаны қолдана отырып 68 тг шығару үшін мынандай комбинациялар жасауға болады.

50тг+10+5 тг+2 тг+1 тг=68 тг немесе

20 тг +20тг+20тг - 3 монет +2 тг-4 монета алса болады

(Т) Оқушыларды 4топқа топтастыру.

(ЖЖ) Алдымен сабақтың мақсатын, содан соң «Тағам және сусын» ортақ тақырыбын естеріне түсіріп, айтуды сұрау.

- Азық-түлік сатып алу үшін бізге не керек?

- Қымбат емес заттарды сатып алу үшін, біз нені қолданамыз?

-Олай болса, монеталарды қолданып азық-түлік сатып алып көріңдер ( әр оқушыға әр түрлі заттар тарату). Дәптерге жазыңдар. Оқушылардың жұмысын бақылау арқылы бағалау.

Бір дәптердің бағасы – 22 тг болса, оның қандай монеталар төлеп, сатып алуға болады?

20 +1+1

20+2

10+10+2

10+10+1+1

5+10+5 +2

Бағасы 35 теңге

Бағасы 42 теңге

(Т)Мысалды ұсыну: «Аналарың сендерді дүкенге барып, нан алып келуді сұрады. Нанның бағасы – 60 теңге ».

- Нанды сатып алу үшін қандай монеталармен төлейсіңдер?

Әр топтың нұсқасын тыңдау.

(Ө) Өзіндік жұмыс.

Бағасы 58 теңге

Мына суреттегі құрт қанша тұрады? (Суретті іліп қою). Құртты сатып алу үшін, сатушыға қандай монеталар бересіңдер?

Өзара тексеру.

(ҚБ)

Презентация

Тағамдар модельдері және суреттері;

баға жазылған кеспеқағаздар; құны 1тг, 2 тг, 5 тг, 10 тг, 20 тг, 50 тг, 100 тг монеталар.

Жұптық,өзіндік жұмысқа үлестірмелі карточкалар

• Сабақта нені үйрендік?
• Белгілі бір соманы жинау дегенді қалай түсінесіңдер?
• Баға деген нені көрсетеді?

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Қиналатын оқушыларға соманы жинау үшін комбинациялар құруға көмектесу үшін, оқушылардың қасына барып, жетекші сұрақтар қою немесе бағыт беру арқылы көмек көрсету.

Оқушылардың жұмыстарынбақылау арқылы, кері байланыс беру арқылы бағалау.

Сергіту сәтін өткізу.