Аэробика элементтері бар гимнастика. Дене шынықтыру, 3 сынып, сабақ жоспары. 28 сабақ.

Ұзақ мерзімді жоспар бөлімі: 3 бөлім: Акробатика негіздерінде гимнастика

Мектеп:

Күні:

Мұғалімнің аты-жөні:

Сынып: 3 сынып

Қатысқандар саны:

Қатыспағандар саны:

Сабақ тақырыбы

Аэробика элементтері бар гимнастика

Оқу мақсаттары

3.3.2.2 Дене қызметімен айналысқанда денені қыздыру және босаңсыту маңызын түсіндіру

3.1.2.2 Дене дамуы үшін қарастырылған түрлі дене жаттығуларын орындау кезінде қозғалыстарды қалай орындау керек екендігін білу және түсіну

 Сабақ мақсаттары

• Гимнастика сабағында денені қыздыру мен босаңсынуды түсіндіру және дене жаттығуларынң орындалуын білу.

 Бағалау критерийлері

• Оқушылар денені қыздыру және босаңсытуды біледі және де түсіндіріп береді;
• Олар дененің дұрыс даму үшін кешенді жаттығуларды және би жаттығуларын орындалуын көрсетеді.

 Тілдік мақсаттар

Оқудың тілдік мақсаты

Оқушылар:

Гимнастикалық қозғалыс дағдыларын көрсету

Пәндік лексика және терминология

Мыналарды қамтиды:

• Кеңістік/ бағыт: алға, артқа, жанына
• ептілік, тепе-теңдік
• шыдамдылық, иілгіштік

Диалогқа арналған пайдалы сөз тіркестері

• Гимнастикалық жаттығулар ептілікті қалай дамытады?
• Қауіпсіздік техникасын сақтай отырып тепе теңдік жаттығуларын қалай орындаймыз?

 Құндылықтарды дарыту

Құрмет, шығармашылық, әріптесін тыңдай білу. Қарым-қатынас дағдыларын дамыту, жаттығу жасау барысында сыни тұрғыдан ойлану.

Сана сезім, адалдық, басқа адамдардың ойын құрметтеу, адал болу;

Бір-бірін құрметтеу

«Мәңгілік Ел» ұлттық идеясын, білімге деген қызығушылығын қалыптастыру, Отанымыздың игілігі үшін өмір бойы оқытуға, сыни ойлауды дамытуға және білім берудегі үш тілдік саясатты іске асыруға бағыттау.

Мәдениетаралық түсінікті дамыту

 Пәнаралық байланыстар

Хореография (ритмикалық, тепе-теңдік, акробатикалық жаттығуларды орындау барысында аяқ-қолдың икемділігі мен үйлесімділігін анықтайды)

 АКТ қолдану дағдылары

АКТ арқылы жаттығулардың орындалуын оқушыларға көрсету.

Бастапқы білім

Бұл бөлімде оқушылар гимнастикалық жаттығулар сериясы арқылы ептілікке, күшке, иілгіштікке, шыдамдылыққа, тепе-теңдік сақтауға және корординацияға арналған ойындар ойнайды.

Сабақ барысы

Сабақтағы жоспарланған іс-әрекет

«Тақырып көлеміндегі әрекеттер»

Оқушылармен сәлемдесу. Түгелдеу. Спорттық кииімдеріне назар аудару. Қауіпсіздік ережесін таныстыру, қайталау.

Жаңа сабақтың тақырыбымен, мақсатымен, жетістік өлшемдерімен таныстыру;

Оқушылардың жүрек соғысын көтеру үшін, жалпы жарақаттардан сақтандыру үшін қыздырыну жаттығуларын орындайды:

-спорттық залды айналып жүгіру:

-екі тізені көтеріп қолға тигізіп жүгіру,

қолды түсіріп екі аяқты тигізіп жүгіру,

екі қол белде аяқты жанына қойып жүгіру,

қол белде аяқты созып жүгіру, оң, сол жағымен жүгіру;

- аңдардың жүрістерін салып жүгіру:

- аюша жүру; қоян құсап секіру; тиінше секіру; тарбақаша секіру;

-демді қалыпқа келтіру үшін жәй жүріспен спорттық залды айналып демалу жаттығуларын орындау: терең дем алу және дем шығару.

-әр бір оқушыға гимнастикалық төсеніш, гимнасикалық таяқша беріліп жаттығулар орындалады.

Акробатика сабақтарының алдында барлық дене бұлшық еттерін жақсы созу керек, бұл ширатуды қамтиды.

Оқушылар созылуға арналған жаттығулар кешенін орындайды.

Бағалау: Оқушылар тарапынан берілген ақпаратқа мадақтау арқылы қолдау көрсету.

«Аэробика элементтері бар гимнастика»

Оқушыларды тең шағын топтарға бөліп бүгінгі сабақтың мақсатына жетуде тапсырма беру. Оқушылар шағын топтарда жұмыс жасау қажет. Олар аэробика элементтері бар гимнастикалық жаттығулар кешенін көрсету керек.

Дскрипторлар:

• Гимнастика сабағында қауіпсіздік ережесін сақтау;
• Әр топ кем дегенде 4-5 кешенді жаттығуды бірдей синхронды түрде орындап көрсету қажет;
• Жекелей де кешенді жаттығуларды көрсету.

Топтардың дайындығына 5-6 минут уақыт беріледі

Оқушылар бір-біріне кешенді жаттығуларды көрсетеді. Топтар өзара бағалау жүргізеді. Бұл жаттығуларды музыкалық әуенмен орындауға да болады. Акробатикалық жаттығуларда иілгіштік не үшін керек?деген мұғалімнің сұрағына оқушылардан жауап алу. Орындап көрсеткен жаттығу жұмыстарына кері байланыс беру.

Уақыт қалса, оқушыларға аэробика элементтері бар гимнастикалық ойын ойнату.

Оқушылар «Үздік ламбада» кешенін әуенімен жұптарда жұмыс істей орындайды.

1) Бір орында «ламбада» адымдары

2) 3 адым оң аяқпен алға, төртінші адым сол аяқпен алға-артқа-алға.

3) 3 адым сол аяқпен алға, төртінші адым оң аяқпен алға-артқа-алға.

4) 2 қайшыланған адым оңға

5) 2 қайшыланған адым солға

6) Қол белде, оңға-солға қисаю әуенге ілесе.

7) Қол белде, алға еңкею, артқа шалқаю әуенге ілесе.

8) Қолды дененің алдында бүгіп ұстап айналу

Дискрипторлар:

• ойын барысында ережені мұқият сақтау;
• тапсырманы дұрыс орындау;

«Сабақты қорытындылау»

Соңында оқушылар рефлексия жүргізеді:

- нені білдім, нені үйрендім?

- нені толық түсінбедім?

- игеру үшін не қажет? деген сұрақтарға жауап іздейтін болады. Оқушылар сабақты үш тілде бағалайды.

Үй тапсырмалары беріледі;

Мұғалім тарапынан кері байланыс жүргізіледі (сабақ барысында кеткен қателіктер мен артықшылықтар ауызша айтылады).

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Арнайы дәрігерлік топтағы оқушылар және сабақтан уақытша босатылған оқушылар көшбасшылық міндетін атқарады.

-барлық оқушылар қыздырыну жаттығуларын орындау кезінде басшылыққа алады;

-оқушылардың басым көпшілігі кешенді жаттығуларын орындай алады және босатылған оқушылар бағалайды ;

-кейбір оқушылар үш нүкте жасап ,яғни басқа тұру жаттығуларын орындай алады.

Әр білім алушы өзінің іс-әрекеті туралы сыныптастарымен талқылай алады;

Оқушылардың сабақ барысында үйренгенін бағалау үшін дайындалып қойылған белгілі бір критерийлермен немесе кері байланыс беру арқылы жүзеге асыруға болады;

Нақты бағалау үшін жоғарыда көрсетілген алдын-ала дайындалған критерийлерді пайдаланамын.

Әр оқу тоқсанының басында бекітілген қауіпсіздік техникасы ережелерімен таныстыру;

Сабақ барысында жайлы жағдай туғызу арқылы,

тақырыпқа сай әрекет ету мен киінуді қатаң талап ету міндетті;

Әр оқушының жүрісін, тұрысын назарда ұстау.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?