Түркістандық өртеніп жатқан ғимараттың төбесінен туды алып шықты

Түркістан облысында мемлекеттік мекеме қызметкері өртеніп жатқан ғимараттың төбесінен туды алып шықты.
⠀
Түркістан облысының Төтенше жағдайлар департаменті хабарлағандай, бейнежазбадағы кейіпкер жұмыспен қамту орталығының қызметкері.

Оқиға 17 шілде күні Сайрам ауданы Ақсукент ауылында болған. Өрттен ешкім зардап шеккен жоқ. Өртті сөндіруге 29 өрт сөндіруші мен сегіз полиция қызметкері шықты.
⠀
«Жұмыспен қамту орталық ғимаратының бірінші қабаты мен «Светофор» дүкенінің шатырынан өрт шықты, өрт 413 шаршы метр аумақты қамтыды. Сағат 14.31-де өрт оқшауланып, 16.15-те жойылды. Құрбандар мен зардап шеккендер жоқ», – делінген хабарламада.

Кейінірек оқу үшін сақтап қойыңыз:


Қарап көріңіз 👇