Су, шоколад, қалам: ҰБТ-ға не алып кіруге болады

Ұлттық тестілеу орталығының директоры Руслан Емелбаев ұлттық бірыңғай тестілеуге кіру талаптарын тағы бір рет түсіндірді.

«Әлі күнге дейін ҰБТ тапсырушылардан «өзіммен бірге калькуляторды алып келсем бола ма?» деген сұрақ келіп жатыр. Сондықтан бұл туралы ҰБТ алдында тағы бір мәрте естеріңізге сала кетейін. Тестілеуге жеке куәлік, қалам, су және шоколадтан басқа ешнәрсе алып кіруге болмайды», - деп жазды орталық директоры әлеуметтік желіде.

Оның айтуынша, тестілеу компьютерінде математика, математикалық сауат, физика, химия, информатика, география, биология пәндері бойынша электронды калькулятор бар.

Сондай-ақ, компьютер экрандарында Менделеев және тұздар ерігіштігі кестелері, Бекетов қатары қолжетімді болады.

«Ал түлектердің қалауы бойынша Менделеев және тұздар ерігіштігі кестелерінің қағаз нұсқаларын өзіміз шығарып, қолдануға береміз. Бәрі сіздерге ыңғайлы болуы үшін, алайда академиялық адалдық туралы да ұмытпаған жөн» дейді Руслан Емелбаев.

Еске сала кетейік, кеше Қазақстанда негізгі ҰБТ басталған болатын. Ол 5 шілдеге дейін жалғасады.

ҰБТ-ға кірмей тұрып білу керек 5 нәрсе

Кейінірек оқу үшін сақтап қойыңыз:

Қарап көріңіз 👇