Туған күнге арналған 17+ өлең



Мазмұны:


Тек осылай шын қуаныш тасқындар,
Қалауы осы - сендер үшін достың бар.
Құтты болсын шаттық туған күндерің!
Жастарыңа тағы бір жас қостыңдар.

Тілек осы айтылатын жүректен,
Айта жатар өзгелер де ретпен.
Дәл осыдан қаншама жыл..
Дүниеге
Бұл қос перзент анасынан "шыр" еткен.

Отбасына егілді деп бақ-шыбық,
Ата-анасы көрсетпеді тапшылық.
Туған күннің иелері, сендерге
Мына өмірде келсін барлық жақсылық!

Ата-анаға ұрпақ болып жалғандың,
Бақыт болып туа берсін алдан күн!
Мақсаттарың орындалып өмірде,
Бағынсыншы биік шыңы арманның!

Осы күннің қуанышын тапқандар,
Күте берсін сендерді алдан ақ таңдар!
Алдағы өмір жетіңдер де мұратқа,
Ата-ананың ақ үмітін ақтаңдар!

Әрдайым да ашық болсын аспаның!
Тек тілекші болып тұрсын достарың!
Туған күнің туған күнге жалғасып,
Жастарыңа қосылсыншы жастарың! 

Авторы: Ғабиден ҚОЖАХМЕТ, Қызылорда қаласы

Тілек

Өмір мынау қатар тосқан
Жеңілі мен ауырын,
Шуағы мен дауылын.
Бүгін мына сенің туған күніңде
Қандай тілек айтсам екен, бауырым?
Саған байлық тілер ем мен,
Бірақ ол бір әңгүдік,
Есігіңнен кіргенімен паң күліп,
Жүргенімен шеру тартып, сән құрып,
Саған жолдас бола алмайды ол мәңгілік.
Бәлкім, ерлік тілер ем мен,
Тамыр алған төсіңнен,
Ерлік сезім бірақ сенің табылады өзіңнен,
Онсыз адам жүре ала ма
Соқпақтар мен жолсыз да,
Ал сұлулық тілер ем,
Сұлусың сен онсыз да.
Қайтсем екен?
Мен одан да барлық адам аңсаған,
Барлық адам сан мың жылдар арман етіп шаршаған,
Азы жетіп, ал сан мыңы тек елесін тамсанған,
Кез келгеннің уысына түспейтін,
Кез келгеннің бақшасында піспейтін,
Зор махаббат тілейінші мен саған.

(Мұхтар Шаханов)


Құтты болсын туған күнің келіп жеткен,
Баршамызды шаттықты, көңілді еткен.
Әр жыл сайын келетін бақыт сыйлап,
Туылған күн шынайы тебіренткен.

Жастан жасқа амандықта жете бергін,
Арманың мен мақсатың бірге үндесіп.
Отбасың мен жақындарың аман болсын,
Бір жүретін қуанып, көңілдесіп.

Бар әлемнің бақытын тілеймін мен,
Алла өзі жар болсын, сені қолдап.
Әрбір күнің сәттілікте бола берсін,
Бақ-береке басыңа бақыт орнап.


Пәк көңілің шаттықта арайлансын,
Ақ жүзіңде лайым нұр ойнасын.
Туған күнің бүгінгі құтты болып,
Жарқын күндер аша берсін шарайнасын.

Көктемнің күлімдеген күніндей бол,
Қырларды басып шыққан гүліндей бол.
Шәмшінің әнін айтып, тербеп елді,
Күлпаштың сағындырған үніндей бол.

Бақытың мен байлығың ортаймасын,
Ашық болып аспаның, гүлдей жайна.
Бұл өмірдің сынды сәті байқалмасын,
Әрбір күнің сәтті боп, күліп-ойна.


Пайдалы сілтемелер:


Мерейлі жүзің жайнасын, жарқырасын,
Дархан пейлің өзіңе бақ әкеліп.
Туған күнің бүгінгі құтты болсын,
Қуанышты, шаттықты сәт әкеліп.

Қанаттарың талмасын, биік самға,
Өмір сыйлап өзіңе арай бағын.
Күлімдей түс, саулығың мықты болып,
Жаз көңілің мәз болып, жайнап жаның.

Жігерің мықты болсын тек, алға баста,
Сынды күндер кезіксе асып-саспа.
Алла өзі жар болып, қолдап сені,
Амандықта жете бер жастан жасқа.


Бүгін шаттық, қуаныш тойланар күн,
Бүгінгі күн бақытқа айналар күн.
Әр жыл сайын келетін қуандырып,
Құтты болсын меншікті туылған күн.

Бойыңызда көшбасшылық бар қасиет,
Жақсылықты жақсыға жалғап жүрер.
Ашық-жарқын мінезіңіз жанды баурап,
Бақыты мен шаттығын таңдап жүрер.

Жаңа жастың сезініңіз бал-қаймағын,
Жаңа күннің тіл үйірер балдай дәмін.
Ғұмырыңыз ұзақ болып, жүз жасаңыз,
Алла сізге сыйлап күннің арай-бағын.


Құтты болсын бүгінгі жаңа жасың

Кеудеңдегі жүрегің тоқтамасын,
Ұзақ ғұмыр тарту етіп Алла саған.
Құтты болсын бүгінгі жаңа жасың,
Шаттана бер күн сайын артып бағаң.

Асқақ арман, мақсатың бірге үйлесіп,
Орындалсын сәтті боп әрбір қадам.
Көңіліңнің аспаны ашық болып,
Бір өзіңе тәнті болсын барлық адам.

Көкжиектен күн шығып, күлімдесін,
Бұл өмірдің салқыны білінбесін.
Жанарыңа қуаныш мәңгі орнығып,
Қиындықтар есігіңнен үңілмесін!


Құтты болсын жеке меншік мерекең

Құтты болсын туған күн келіп жеткен,
Жаныңызға нұр сыйлап, күлімдеткен.
Бұл жасыңыз шаттығына бөлей берсін,
Күндеріңіз көп болып бақытты еткен.

Асқақ арман, мақсатыңыз орындалсын,
Алла өзі жар болып, қолдап, қорғап.
Бар әлемнің тілеймін бар асылын,
Шын жүректен өзіңізге тілек жолдап.

Аман болсын отбасыңыз, жақыныңыз,
Шаттықта өтіп, қуантып әр күніңіз.
Жүз жасаңыз Алла сізге ғұмыр беріп,
Қасыңыздан табылып бақытыңыз.


Туған күнмен құттықтау

Құтты болсын бүгін сенің туған күнің,
Сыйлай берсін өзіңе өмір гүлін.
Арман менен мақсатың бірге ұштасып,
Қуанышқа толы болсын әрбір күнің.

Өмірің бұл көктемдей жарқын болсын,
Жаздың жайма күніндей жылы болсын.
Алтын күздей жарқырап ақ көңілің,
Аппақ қардай тап-таза өмір болсын.

Амандықта жете бер әрбір жасқа,
Аман болып жақының, туыстарың.
Алла өзі жар болып, қолдасын тек,
Күннен күнге құлпырып жаздай жаның.


Туған күніңізбен

Өміріңіз көктемдей жайнай берсін,
Бағыңызда бұлбұл құс сайрай берсін.
Құтты болсын жеке меншік мерекеңіз,
Қуаныш пен үйіңізге бақыт енсін.

Жадырасын жаныңыз жаздай болып,
Өміріңіз жалғассын балдай болып.
Көңліңіздің аспаны ашық болып,
Жарқыраңыз сәтті атар таңдай болып.

Арманыңыз орындалсын, мақсатыңыз,
Жан сарайы күлімдеп жайма шуақ.
Жастан жасқа жетіп сіз амандықта,
Берсін деймін әрқашан Алла қуат...


Анаға тілек

Алтын күнім, жарқын нұрым, жұмағым,
Сарқылмайтын, балдай тәтті бұлағым.
Ұрпагғыңа деп арнаған ғұмырың
Ұзақ болсын-Тәңірімнен сұрарым.

Жәннат бағым, шұғылалы жарығым,
Өмір мәнін бір өзіңнен таныдым.
Мені кемел келешекке жеткізген-
Көкірекке кұйған құнды тәлімің.

Ана, сенсіз қызығы жоқ ғаламның,
Өзің жоқта жалғызсырап қаламын.
Жабырқасам, жұбанышты жаныма
Жанарыңның тұнығынан аламын.

Аман жүрші, ауырмашы, Ай-күнім,
Орнамасын көңіліңе қайғы-мұң.
Туған күнің құтты болсын бүгінгі,
Қымбаттыдан қымбат жалғыз байлығым!

Ақгүл Тұрсынбай


Туған күні күзде еді анамның

Оңала ма, тонала ма кім білген.
Қоңыр күзім сезім сырын білдірген.
Күзде соққан сырлы әуеннен оянам,
Домбыраның әуеніндей күмбірден.
Сыбызғы жел сырлы сазын шертеді.
Күз керемет,
Күз ғажайып ертегі.
Сезімімен жан дүниемді баурап ап,
Күзде мені бір тылсым күш ертеді.
Сары күрең түрге еніп бақтары,
Құм сағаттай жылжып уақыт шақтары.
Алдамшы өмір бейнесіне ұқсаттым,
Сусып түскен жапырақты бақтағы.
Қуаныш пен қатар жүрер ерде мұң.
Алтын күзден көп жақсылық көргемін.
Күзбен бірге келген едім өмірге,
Күз желімен кепкен еді жөргегім.
Түйсігімде бір ой маздап санамның,
Сыйласа да қоңыр күзім маған мұң.
Күзді сүйем,
Күз ұнайды өйткені,
Туған күні күзде еді анамның.

Абдулмахмуд Пошатаев


Әкеге тілек

Ұл-қызының сезінумен арманын,
Ойлайтұғын әке асқар тау жан-жағын.
Қуанышпен құттықтаймыз бүгін біз
Әкеміздің 63-ке толғанын.

Әрбір белес, әрбір асу, ол - бір із,
Қашанда да жақсылыққа сендіңіз.
Өмір жолда бізге өнеге, үлгі боп,
Міне, Сіз де 63-ке келдіңіз.

Жүрді ме өмір перзенттерге алаң ғып,
Бір біз үшін әр кезде, Әке, бағаң нық.
Сан жолдарды көрсетті ме сізге ыстық -
Темір тұлпар тізгіндеткен мамандық.

Ақтара алсақ ақ тілектің сандығын,
Шаттық ойнап атсыншы аппақ таң бүгін.
Құтты болсын, Әке, туған күніңіз,
Тілейміз біз жан мен тәннің саулығын!

Өткен шақтан қалды сізге бүгін із,
Сәтті күндер болсын әрбір күніңіз.
Балалардың қызықтарын қызықтап,
Ортамызда аман-есен жүріңіз!

Ұға алғанбыз әке асқар тау еңбегін,
Болмасыншы отбасында, елде мұң.
Қуанышпен құттықтаймыз бүгін біз
Әкеміздің 63-ке келгенін.

Биік, Әке, сіздің бізге бағаңыз,
Әр белестен, әр асудан қалады із.
Құттықтайды бүгін Сізді ұлыңыз,
Қос қызыңыз және күйеу балаңыз.


Туған күніңмен – Бибі 

Арулардың аруы бар асыл жан,
Қылықты қыз, адал дос, жақын болған.
Бибінұрдай әлемде жан жоқ сірә,
Ақылымен баураған бақытты жан.

Туған күнің, мерекең, күнің бүгін,
Құттықтаймын тәтті қыз, қуан бүгін.
Нұрсезіммен достығың үзілмесін,
Шаттық толып жүзіңе арайлы күн.

(Ақжүніс Әшім)


Туылған күн иесіне тілегім

Туылған күн иесіне тілегім,
Мықты болсын арқа сүйер тірегің.
Құдай қосқан достарымның бәріне,
Зор денсаулық ұзақ өмір тіледім.
Туылған күнің құтты болсын,
Жылдан-жылға ортаң толсын.
Бәріміз бір бас қосайық,
Жора-жолдас құрбы досым.
Туылған күн өткен кешіңде,
Барлығы әлі есімде.
Өткізіп қызық сәттерді,
Тойлатып едік сол кезде.
Айлар өтіп, жылдар өтер,
Туылған күн келер тағы да.
Жасыңа-жас, басыңа-бақ,
Тілеймін адал досыма.
Туылған күнің құтты болсын,
Құт әкелсін басыңа.


Туған күн құтты болсын!

Бірінші – ұзақ жасты өмірлі бол,
Екінші – адал кәсіпке бейімді бол.
Үшінші – тіл мен көзден аман бол.
Ғылымға өнерменен зейінді бол,
Төртінші – қатарыңда кемелді бол.
Бесінші – берекелі, беделді бол.
Алтыншы – арыстандай айбатты бол,
Жетінші – жетектеушің Қызыр болып,
Дініне Мұхамбеттің қайратты бол.
Алқалы ақ ордалы кеңесті бол.
Дұғамды қадір Алла қабыл етсін,
Бұрынғы жақсылармен теңесті бол.



Наржан үшке толғанда

(Мәжиттен туған Нартай немереме арнаймын)

Үш атанды аман көріп,
Толдың үшке, Нартай жаным,
Бүгін саған бата беріп,
Ұмытты атаң қартайғанын.
Үмітпенен сені тосып,
Топтап жасап тоқсан жылды,
Үш буынның басын қосып,
Қуанды атаң көңілі тынды.
Жай қолыңды, айтсын атаң
Жүз жыл жиған ықыласын.
Бейнеті емес көрген қатаң,
Бақыты мен берсін жасын.
Әкесінің атын саған,
Ұялтпас деп тұр тапсырып,
Ақыл, қайрат аршындаған,
Болсын саған бар жақсылық.

Сапарғали Бегалин



Қарындас туған күнің құтты болсын!

Айналайын, ақ маңдай қарындасым,
Алға сүйрер арманың сарқылмасын.
Қайырылмасын қанатың топшысынан,
Ешқашан да заманың тарылмасын.

Толықсыған қарындас жадымдасың,
Жадымдасың, ендеше жанымдасың.
Бұйыртса әлі талай жүздесерміз,
Әзірге сәлемдесу арылмасын.

Айдынды шалқар көлдің аққу сәні,
Аруларға жарасар гәкку әні.
Қарындас туған күнің құтты болсын
Құттықтау, есте қалу – өмір мәні.

 * * *  * * * *

Ақ айдынға салып бақыт кемесін,
Жарқын жүзбен қуанышпен келесің,
Құтты болсын сексен жасың, әкетай,
Өзіңізді бір құдайым демесін.
Бәйтерексіз жапырағы жайқалған,
Барша жұртқа жақсылығы байқалған.
Есен болсын ұрпағыңыз көрінген.
Ән қалықтап, күй төгілсін төріңнен,
Бақ орнасын әрдайым басыңызға.
Жас қосылсын, әкетай, жасыңызға,
Немерелер қуаныш сыйлап талай
Амандықпен жетіңіз жүзге қарай!

* * * * * * *

Әлпештеген, аялап асыраған,
Аяулы ана, ақ ниет асыл адам.
Ұрпақ үшін тірлікке нұрын төккен,
Қиын-қыстау күнде де жасымаған.
Сыздағасыз,
Сан рет мұздағасыз,
Шәкіртке де,
Бізге де ізгі анасыз.
Бағымыздың бұлбұлын сайрататын,
Жанымыздың жайлауы Сіз ғанасыз.
Лаулаймыз да, Сіз барда жанамыз да,
Қосып сізді сан әнге, сан аңызға.
Аялаған аққуын айдындай боп
Асыл Ана, жүре бер арамызда!

 * * * * * *

Жан Әпке, қашаннан-ақ жаны жақсым,
Шыққандай жанарыңнан жадырап күн.
Ең алғаш сен туып, қуантыпсың
Жандарын біздің үлкен шаңырақтың.

Естияр боп тірлікте баянды кем,
Еркелетіп бәрімізді аялап ең.
Жарың кетті бақиға, сен қамықпа,
Бұл күнде таласуда немерелер құшаққа кең.

Балаларың – мәңгілік қуанышың.
Ұстаздық бақытың бар – жұбанышың.
Бір сені саф алтыннан кем көрмейміз.
Нағыз алтын жарқырап тұрады шын!

 * * * * * * *

Жете бер аңсап күткен тілегіңе,
Қылаудай дақ түспесін жүрегіңе.
Отанның, ел-жұртыңның мақтаны бол,
Алды бол қатарыңның бұл өмірде.

Себездеп алтын ара жан-жағыңнан,
Ту тіккен алаулаған арманыңнан.
Кеудеңде махаббаттың шоғы маздап,
Биіктен биіктерге самға, қыран.

Ізгі боп лебізіңді сағынатын,
Жігіт бол дос, дұшпаның табынатын.
Айналсын ар туына адалдығын,
Адам боп ұялатқан жанына күн.

Жүр асқақ күншілдердің басып мысын,
Жүректің түпкірінен жаһұт ұсын.
Таба біл тіршілікте керегіңді,
Басыңнан арылмасын бақыт құсың!


Мәңгі 18

Мейлі ғой сенбесеңіз, сенсеңіз де,
Еркіңіз көнбесеңіз, көнсеңіз де,
Арулар қартаймайды ешқашанда,
Бәрібір қыздың жасы – он сегізде.
Ақ тілек айтып қалсын кенен көмей,
Арулар болған емес өлеңге өгей.
Қыздардың жасын Қазақ сұрамайды,
Тұрады ол он сегізден «төмендемей».

Айналайын махаббаттың базарына,
Білесің жастық дәурен озарына.
Арудың нағыз жасы он сегіз жас,
Ешқашан көтерілмес жоғарыға.


Қарап көріңіз:


Таудай талап тілеймін, бақытты бол,
Таусылмас талант тілеймін, шаттықты мол.
Туған күнің бүгінгі құтты болып,
Бар жақсылық орнасын, айтарым сол.

Табыстарың тамаша, көбейсін тек,
Арманыңа жете бер сен күлімдеп.
Жайдар көңіл тілеймін, ашық аспан,
Сәттілік жалғасып әр күнің тек.

Қайтпас жігер тілеймін, жайма шуақ,
Алла жар боп өзіңе берсін қуат.
Жастан жасқа амандықта жете бергін,
Жаздың жайма күніндей сен жадырап.


Құтты болсын бүгінгі туған күнің

Өмір сені бесігінде тербей берсін,
Қуанышын, бақытын сыйлап саған.
Құтты болсын бүгінгі төл мерекең,
Тілегімді айтайын арнап саған.

Әрбір күнің сәтті болсын, тәтті болсын,
Сезіндіріп өзіңе балдай дәмін.
Алла жар боп өзіңді қолдасын тек,
Арайлы боп шуақты атар таңың.

Көңіліңде жайма шуақ орнай түссін,
Арманың мен мақсатың самғай түссін.
Бақытты күн жалғасып әрбір күні,
Жаратқаным бар жақсысын арнай түссін.


Туған күнің кұтты болсын

Келіп жетті күнің де күлімдейтін,
Жеке меншік мерекең, туған күнің.
Құтты болсын бүгінгі төл мерекең,
Сәттілікпен жалғасып әрбір күнің.

Армандарың орындалсын сен аңсаған,
Абыройың асқақтап, бағың артып.
Биікке өрлеп, асуларды еңсере бер,
Бұл өмірдің қызығына балқып-шалқып.

Нұр ойнасын жүзіңде күлімдей түс,
Жұлдыздайын жарқырап, жанып бағың.
Алла жар боп әрқашан болшы аман,
Аман болып отбасың, жақындарың.


Төл мерекең құтты болсын

Туған күннің есуде таң самалы,
Бұлбұл құстар шырқайды, ән салады.
Құтты болсын туған күнің келіп жеткен,
Бұл тілегім өзіңе арналады.

Мерейлі жасың қуантып, бақ сыйласын,
Қуанышын көп беретін сәт сыйласын.
Арман менен мақсаттарың орындалып,
Абыройлы, мақтан етер ат сыйласын.

Жұлдыздайын жарқыра, шаршамағын,
Жастан жасқа амандықта әркез жетіп.
Алла өзі жар болсын, қолдап сені,
Жүрсін деймін қуанышты, бақытты етіп.


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 6
  1. Ініге арналған тілек
    1 + 3 -
    Інім құтты болсын
    Мен көрмесем деп ем,
    Төккенін көзіңнің мол мұң,
    Шыққанын сөзіңнің солғын,
    Менің өмірім бір кітап десем,
    Үлкен ғой онда өзіңнің орның.
    Бар күйі шертілген жоқ
    Жастықтың сазының да әлі,
    Жайлауым жазы құмындағы,
    Сен бір қызық тараусың, інім!
    Өмірімнің мазмұнындағы.
    Мен саған саясын тіледім
    Шаңқайда шынар талдың да,
    Өкпелетсең де, кінә арта алдым ба?
    Үмітімді ақтадың ба сен?
    Жылағанда қуанта алдың ба?
    Жаман болсаң мені де құлатасың,
    Жақсы болсаң аспанға шығарасың да,
    Өмірде әлі талай сыналасың да.
    Менің кітабымның жақсы болуы
    Саған байланысты, ұға аласың ба.
    Өрмекшінің ізіндей ойнар
    Санамды сызып торлайды,
    Бір сазды үзіп толғайды,
    Сен бақытты болмасаң, інім,
    Менің өмір кітабым қызық болмайды.
    ++++++++++
    Үмітке сенім жалғасып,
    Тіршілік үшін талпынып.
    Келесің інім, алға асып,
    Арманды қуып шарқ ұрып.

    Жолыңнан жүрген жаңылма,
    Кедергі болса кесіп өт.
    Жаңғырып тұрсын жадында,
    Ағалар айтқан өсиет!
  2. 20-21-22 жасқа тілек өлең
    2 + 2 -
    22-жас туған күнің құтты болсын!
    Жиырма екі жасың да есік қақты,
    Сыйлай берсін өзіңе бар жақсысын.
    Тілеймін саған пәк сезім, махаббатты,
    Ғашықтықтың бал шырын, ең тәттісін.

    Айдай болсын өмірің, жайнай берсін,
    Бұл-бұл құсың бағыңда сайрай берсін.
    Әрбір күнің сәттілігін арнап саған,
    Бақытқа толы күндерің орнай берсін.

    Жиырма екінің бесеуін жасай бергін,
    Орындалсын арманың, көңілдегін.
    Ақ пен қара бір жүрген бұл өмірде,
    Қандай жағдай болмасын берілмегін.
    +++++++++++++++
    21 жас туған күнге тілек
    Келіп жетті мінеки жиырма бір жас,
    Құтты болсын, арманың орындалсын.
    Әр ақ таңың нұры мен арай сыйлап,
    Қуаныштар жүрісінен жаңылмасын.

    Құлпыра берсін өмірің гүл көктемдей,
    Жаздай болып жадырап, жайнап жаның.
    Жарқырасын жан дүниең алтын күздей,
    Алла сыйлап арайлы аппақ таңын.

    Жиырма бір — осынша бақыт берсін,
    Сол бақытпен есіктен қыдыр енсін.
    Денсаулығың мықты боп, аман болшы,
    Жақсылығын сыйлап саған өмір көшің.
    +++++++++++++++
    20 жасың құтты болсын!

    Жиырма жастың түндігін ашып жатсың,
    Оң аяқпен әрбір жолын басып жатсың.
    Құтты болсын бүгінгі туған күнің,
    Жасай бергін тағы бесін осы жастың.

    Ашық болсын аспаның, күн күлімдеп,
    Күннен арай, нұры мен шапақ тарай.
    Алла өзі жар болып, қолдап, қорғап,
    Жетелесін өзіңді алға қарай.

    Орындалсын арманың мен мақсаттарың,
    Шыға берсін лайым жақсы аттарың.
    Жиырма жасың шаттығын алып келсін,
    Күлім қағып оятып әр ақ таңың.
  3. ұстазыма тілек өлең
    1 + 1 -
    Білім беріп біздерге үндеп жүрген,
    Сынып жетекші ұстазға алғысым көп.
    Бар жақсыны біздерге арнап жүрген,
    Болсын ұстаз әрқашан көңліңіз тоқ.

    Құтты болсын жеке меншік мерекеңіз,
    Білім берер ұстазым жаны жайсаң.
    Жастан жасқа амандықта жетіңіз деп,
    Өзіңізге шын жүректен тілек айтам.

    Таусылмайтын ұстазым, бақ тілеймін,
    Қуанышы, шаттығы көп сәт тілеймін.
    Еңбегіңіз бағаланып жоғарыдан,
    Мақтауы бар апай сізге хат тілеймін.
    ++++++++++++
    Ең алғашқы әріптерді үйретіп,
    Білім берген ай дидарлы ұстазым.
    Құтты болсын туған күнің, мерекең,
    Бастауышта білім берер ұстазым.

    Алға қарай мына бізді жетелеп,
    Үйреттіңіз жазу менен сызуды.
    Үйреніп ұстаз өзіңізден жақсыны,
    Келем сіздің қайталап басқан ізіңді.

    Құтты болсын туған күніңіз ұстазым,
    Бар әлемнің бар бақытын тілеймін.
    Алла жар боп ұстазым менің мейірімді,
    Амандықта ортамызда жүр деймін.
  4. ХАНШАЙЫМ.
    ХАНШАЙЫМ. 10.04.2021 23:42
    1 + 1 -
    ӨТЕ ӨТЕ ӨТЕ ӨТЕ ӨТЕ ӨТЕ ӨТЕ ӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨӨ ТТТТТТТТТТТТТТТТТТ
    ЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕЕ КЕРЕМЕТ
    К
    Е
    Р
    Е
    М
    Е
    Т

    К
    Е
    Р
    Е
    М
    Е
    Т
    ?????????????????????
  5. Асел
    Асел 17.01.2021 02:00
    2 + 2 -
    Өте керемет ?
  6. Ернур Оразалин
    Ернур Оразалин 25.01.2016 11:00
    2 + 4 -
    Рахмет