Алфавит бойынша жаңылтпаштар


Алфавит бойынша жаңылтпаштар жинағы

А
Арқада алты арқар бар,
Қырқада қырық арқар бар.
Қырық арқарда ақ арқар бар.
Алты арқарда марқа арқар бар.

Ә
Әбдіреде әбігер әтеш отыр.
Әбігер әтеш отырған
Әбдірені әжем ашып жатыр.

Б
Бала бал арасын қуалады,
Бал арасы баланы қуалады.
Мұзафар Әлімбаев.

В
Вова Васяның вагон ойыншығын алып,
Васяға вагон ойыншығын Вова бермеді.


жаңылтпаш, жаңылтпаштар, әліппе, әріп, әріптер, алфавит

Г
Гүлім гүлге қарап
күлімдеді,
Көгілдір гүлге қонған
аралар гуілдеді.

Ғ
Ғарышкер ұшты ғарышқа.
Ғарышқа ұшты ғарышкер.
Айтшы, ғарыш алыс па?

Д
Доп деп,
Дөп теп.

Е
Ескекті ескекші еседі,
Ескекші ескекті еседі.
Мұзафар Әлімбаев.

Ё
Щётканы Сёма сатып алды.
Серёжа мен Лёва оны
тартып алды.

Ж
Жаға жай,
Жағажайда -
Қамажай.

З
Зура зурнада ойнайды,
Зурнада бір ғана Зура
ойнайды деме,
Зара да, Зере де зурнада
ойнайды.
Мұзафар Әлімбаев.

И
Инелік илеуде иленбейді.
Итбалық итмұрынды
иіскемейді.

Й
Пай - пай - пай,
Жайылып жүр тай.
Ай - ай - ай,
Ұшып кетті торғай.

Х
Хан баласы ханзада
Болды ғашық ханшаға.
Алып ханнан хабар,
Ханшайымжды табар.

Һ
Қаһарлы айдаһар
Шаһарға келіп,
Қаһарланар.

Ц
Циркте ойнар аюды
Циркаш десем, күлесің.
"Ц" әріпінен басталған
Цемент сөзін білесің.

Ч
Сатып алды чемпион чемодан.
Чемодан алған чемпион чек алған.

Ш
Шынтемір
Шықпен шыланған шөпке
Шыңдалған шалғысын
шық еткізді.
Мұзафар Әлімбаев.

Щ
Ащы жеген Тазша баланың
аузы ашыды,
Тазша бала тұщы сумен
аузын шайды.

Ъ
Съезд, разъезд, подъезд.
Подъезд, съезд, разъезд.
Жаттап ал тез.

Ы
Ықылас пен Ыбырай
Ыдыстарын тасымай,
Ырыскүлден үлгі алмай,
Ынтасыз жүр тілді алмай.

І
Үш кіші ішік піштім,
Бес кіші ішік піштім,
Неше кіші ішік піштім?
Іске тіл ілесе алады,
Тілге іс ілесе алмайды.
Мұзафар Әлімбаев.

Ь
Сұрап Мұрат
Коньки тап.
Байлап майлап,
Аттай шап.

Э
Электр шамы жанады,
Этаждар жымың қағады.
Электр жарық бермесе,
Экран сөніп қалады.

Ю
Юра Юля ойшылы,
Юла Юляның ойыншығы.

Я
Ян - ян - ян
Жүгіріп жүр қоян.
Ян - ян - ян
Бұл қоян емес, шаян!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады
Пікір жазу
Пікірлер 1
  1. Оқырман Асылзат
    0 + 1 -
    Оте жаман мақал