Ислам есімінің мағынасы – түп-тамыры "салима", "юслиму", "ислам" яғни, бейбітшілік, аманшылық деген сөздерден бастау алады, ол Алла тағаланың "әс-Сәләм" деген көркем есімімен сабақтас. Ал шариғаттағы мағынасы – толық мойынсыну, Алланың алдында парыздарды орындау, одан басқа жалған құдайларға табынбау.
Нұрислам есімінің мағынасы – "нұр" мен "ислам" сөздерінен құралған. Араб тілінде нұр – жарық, сәуле, ал "ислам" дініміз болғандықтан, Алланың нұры жаусын деген ниетпен қойған.
Дамир есімінің мағынасы — түрік тілінде темірді осылай атайды. Мұндай есім қойғандағы ниет "темірдей мықты болсын" дегеннен туса керек. Тағы бір мағынасы – ар, ождан. Дамир есімді азаматтар іскер келеді, ерік-жігері мықты. Жақтастары көп.
Диас есімінің мағынасы – испан тілінен – күн, күндіз. Испания көтерілісшілерінің көрнекті басшысы Хосе Диас құрметіне 1936 жылы қойылған есім.
Әмина есімінің мағынасы – араб тілінен – 1) адал, сенімді; 2) зиянсыз, сәтті, игілікті.
Халқымыз жаңа туған нәрестеге ат қою дәстүріне ерте заманнан үлкен жауапкершілікпен қараған. Кез келген ата-ана баласына мағынасы дұрыс, көркем ат қоюға тырысады. Баланың есімі болашағына әсер етеді дегенге сенетіндер де жоқ емес. Жақында ғана көпбалалы әке атанған "МузАРТ" тобының солисі Кенжебек Жанәбілов те ұлына Әлиби деген ерекше есім берген.
Медина есімінің мағынасы (Мәдина) — «қала», Мадинат ән-Нәбий («Пайғамбар қаласы») деген тіркестен алынған. Бұл мұсылмандардың қасиетті қаласы болып саналады.
Аида есімінің мағынасы - сый, пайда, қонақ, қайта оралу деген мағынаны береді.
Аида есімінің шығу тегі әртүрлі тілдерде жазылған: араб, грек, түркі, қазақ, татар, католик тамыры бар.
Аида есімі араб тілінен аударғанда — қонақ, қайтатын деген мағынаны білдіреді. Сондай-ақ, бұл есімнің Аиата (Аэта) атауынан шыққандығы туралы итальяндық гипотеза бар. Сонымен қатар, сөздің грек түбірлеріне қатысты нұсқау бар, яғни өлілер патшалығы — Аидпен байланыстырылады. Аидалар — барлық ойпатқа қайшы келетін, мистикалық мәні бар керемет әйелдер. Мұндай атқа ие әйел адамдар қарым-қатынас болсын, өз отбасына қызмет ету немесе жұмыс істеу болсын, әрқашан алдыға ұмтылады.
Әлинұр есімінің мағынасы – "әли" мен "нұр" сөздерінен жасалған есім. Әли, араб тілінен – аса, зор, заңғар; Нұр – жарық, сәуле.
Айлин есімінің мағынасы - «Ай нұры» деген мағына береді. Негізінен, бұл есім түрік қыздарына жиі қойылады.
