Жүсіпбек Аймауытов (Жазғытұрым)

Ой, балалар, балалар!
Жылы-жылы жел соқты,
Жылғалардан су ақты.

Қаңқыл-қаңқыл қаз кепті,
Жер қарайды: жаз кепті.

Желкілдейді көк майса,
Желіндейді мал жайса.

Ауыл көшті қыстаудан,
Әне, апамдар қой сауған.

Құс ұясын түзеді,
Тайымды ағам күзеді.

Ел ешкісін қырқыпты.
Егіндерін жыртьшты.

Ой, балалар, балалар.
Ойналык та күлелік,
Қос басына мінелік.