Жаманға сырыңды айтпа,
Сырыңды айтсаң да, шыныңды айтпа.

Жаманға сырыңды айтсаң
Жарға жығады.

Сыр ашу оңай,
Сыр түю қиын.

Сабын кірді ашады,
Сабырсыз сырды ашады.

Жылқының пірі - Қамбар ата.

Жылқы - малдың патшасы,
Түйе - малдың қасқасы.

Жылқы күнде мінілсе - есек,
Айына мінілсе - ат,
Жылына мінілсе - тұлпар.

Ақ шашты ана: "жастығым — балам" дейді.
Ақылды бала: "ай-күнім — анам" дейді.

Алты ұл тапқан ананы "ханым" десе болады.
Сыйласа білген адамды "жаным" десе болады.

Көрші хақысы - Тәңір ақысы.

Көрші қолайлы болса, қора кең.

Көрші де көршіден тәлім алады.

Ит - ырыс.

Ит - адамның құлағы.

Ит - опа, қатын - жапа.

Ит ұяласын аңсайды.

Ит ұяласынан қорықпайды.

Сыпайы тоңбай калтырайды.

Сыпайының алдында сүйек жатсын.

Сыпайы сырын жасырмас,
Пұшық мұрнын жасырмас.

Арыстан Айға шауып мерт болған.

Арыстанның ойынынан түлкінің мойыны үзіледі.

Қасқырдан сая іздегенше, арыстаннан пана ізде.

Дүние - үлкен көл,
Замана – соққан жел.

Заман – ұзақ сұрыпталған дәуір.

Замана айнасы - замандас.

Заманына қарай адамы.

Шындық - сегіз, бақыт - егіз.

Шындық қамал бұзар.
Шындық - бір сөз, өтірік - мың сөз.
Шындық жоқ жерде сұмдық көп.
Шындық бар жерде,
Өтірік байқап жүреді.
Шындық жоқ жерде
Шіреніп, шайқап жүреді.
Шынға жерік - сырға берік.
Шындықтың шырағы сөнбейді.

Ойыннан от шығар.

Ой түбі - алтын, ойын түбі - от.

Орынсыз ойын - сындырар мойын.

Ойыншының тамағы тоқ.