Квадрат түбірлердің мәндерін есептеу және бағалау 2-сабақ (Б-бөлімі) (Алгебра, 8 сынып, I тоқсан)

 Квадрат түбірлердің мәндерін есептеу және бағалау 2-сабақ (Б-бөлімі) (Алгебра, 8 сынып, I тоқсан)

Пән: Алгебра
Ұзақ мерзімді жоспар бөлімі: Квадрат түбірлер және иррационал өрнектер
Сабақ тақырыбы: Квадрат түбірлердің мәндерін есептеу және бағалау 2-сабақ (Б-бөлімі)
Осы сабақта қол жеткізілетін оқу мақсаттары (оқу бағдарламасына сілтеме): 8.1.2.2 квадрат түбірдің мәнін бағалау;
Сабақ мақсаттары: Оқушылар:
• Квадрат түбірлердің мәндерін берілген дәлдікке дейін жуықтап есептей алады, соның ішінде калькулятор көмегімен;
• Квадрат түбірдің мәнін бағалай алады;
• Квадрат түбірдің мәндерін салыстыра алады.

1. Ұйымдастыру кезеңі. Мақсат қою
Мұғалім сабақтың тақырыбы мен оқу мақсатын айтады. Оқушылармен бірге сабақ мақсаттары тұжырымдалады. Әрі қарай, мұғалім бағалау критерийлерін айтады, оқушылардың «жақын даму аймағы», сабақтың күтілетін нәтижелері айқындалады.

2. Ынталандыру сәті.
Пәнге қызығушылықты арттыру мақсатында мұғалім оқушыларға квадрат түбірдің Күні жайлы айтады.

3. Өткенді қайталау.
Оқушылар өздері арифметикалық квадрат түбірдің қасиеттеріне тапсырмаларды орындайды. Тапсырманы аяқтағаннан кейін оқушылар слайдтағы дайын жауаптар бойынша өзара бағалауды орындайды.

4. Қолданбалы есептерді шешу. Жұптық жұмыс.
Мұғалім оқушыларға физикадағы, географиядағы және геометриядағы белгілі фактілермен байланысты қолданбалы есептерді шешуді ұсынады.
Оқушылар жұпта тапсырмаларды талқылайды және орындайды. Мұғалім жұмысты бақылайды. Жұмыс аяқталғаннан кейін жұптар шешімдерімен алмасып, берілген критерийлер бойынша өзара тексеру жүзеге асады. Осыдан кейін мұғалім слайдтарда дұрыс жауаптарды көрсетеді. Көкжиектің қашықтығы туралы есепте оқушылар нақты теңіз жағдайларында қолданылатын 1975 ж теңізбен жүзу кестесінің көмегімен тексеретініне мұғалім назар аударады.

Есеп 1
формуласынан t айнымалысын дұрыс өрнектейді;
Дененің құлау уақытын табу үшін алынған формуланы дұрыс қолданады;
Жауапты берілген дәлдікпен ұсынады.

Есеп 2
Көкжиектің қашықтығын табу үшін формуласын дұрыс қолданады;
Жауапты берілген дәлдікпен ұсынады.

Есеп 3
Дөңгелек ауданының формуласынан радиусты дұрыс өрнектейді;
Жауапты берілген дәлдікпен ұсынады.

5. Тест.
Оқушылар тапсырманы жеке орындайды. Мұғалім оқушыларға көмек көрсетпейді.
Тест аяқталғаннан кейін оқушылар тесттің кілті арқылы өзара тексеруді орындайды.
Кері байланыс ретінде оқушыларға келесі шәкіл ұсынады:
0-5 балл – «Саған мұғалімнің көмегі қажет!»
6-8 балл – «Өткен материалды өз бетіңмен қайтала»
9-10 балл – «Өте жақсы нәтиже, бірақ босаңсыма!»

6. Топтық жұмыс.
Оқушылар кіші топтарға бірігіп, тапсырмаларды орындайды. Тапсырмалардың шешімдерін постерлерге жазады. Кейбір оқушылар өздерінің шешімдерін ауызша айтады. Мұғалім топтың шешімдерін критерий бойынша бағалайды. Кейін топтарға кері байланыс беріп, топтық жұмыстың қорытындысын береді.

Бағалау критерийлері:
• Квадрат түбірлердің мәнін бағалайды;
• Квадрат түбірлердің мәнін бағалау арқылы өрнектің мағынасының болуы туралы қорытынды жасайды;
• Квадрат түбірлердің мәндерін дұрыс бағалайды;
• Теңсіздіктің шешімі болмайтын сандарды дұрыс анықтайды;
• жуықтауы арқылы сандық өрнекке қажетті түрлендірулер жасайды;
• Сандық өрнекті түрлендіру үшін арифметикалық квадрат түбірдің қасиетін қолданады;
• Калькуляторды қолданбай, санның мәнін жуықтап есептейді.

7. Өздік жұмыс.
Оқушылар өз бетімен тапсырмаларды орындайды, мұғалім көмек көрсетпейді. Әрбір тапсырма үшін оқушыларға дескрипторлар ұсынылады. Тапсырмаларды орындап болғаннан кейін, мұғалім оқушылардың жұмысын бағалап, 8.1.2.2 оқу мақсатына жету бойынша шешім қабылдайды.......

Материалдың толық нұсқасын жүктеуге 45 секунд қалды!!!
Іздеп көріңіз:
0 0

Добавить комментарий