Тұқым қуалаушылық пен өзгергіштік 1-сабақ (Биология, 8 сынып, IV тоқсан)

 Тұқым қуалаушылық пен өзгергіштік 1-сабақ (Биология, 8 сынып, IV тоқсан)

Пән: Биология
Ұзақ мерзімді жоспар бөлімі: Тұқым қуалаушылық пен өзгергіштік заңдылықтары
Сабақтың тақырыбы: Тұқым қуалаушылық пен өзгергіштік 1-сабақ (жаңа тақырыпты меңгерту)
Осы сабақ арқылы жүзеге асырылатын оқу мақсаттары: 8.2.4.1 тұқым қуалаушылық пен өзгергіштіктің эволюциядағы рөлін дәйектеу
Сабақтың мақсаттары: тұқым қуалаушылық пен өзгергіштіктің эволюциядағырөлін түсіндіру.

Сабақтың тақырыбын ашу мақсатында мұғалім оқушыларға әртүрлі тұмсықтары бар құстар мен олардың қоректенетін қорегінің түрлері көрсетілген суретке талдау жасап, оның құстар үшін маңызын түсіндіруді сұрайды. Мұғалім: құстар бастапқыда бірдей қорекпен қоректенетін болған. Кейіннен уақыт өте келе олар әртүрлі қорекпен қоректене бастады. Оның себебі неде?
Не себепті құстардың тұмсықтары осылайша әртүрлі болып өзгерді деп сұрайды. Құстар қоректің тек бір түрімен қоректенсе не болар еді деп талқылау жүргізеді.

Талқылаудан соң мұғалім оқушылармен бірге сабақтың тақырыбы мен мақсаты және бағалау критерийлерін талқылап анықтайды. Сынып оқушыларын бағалау критерийлерімен таныстырады.

Мұғалім оқушылармен бірге әртүрлі құс тұмсықтарының қорек түріне байланысты өзгеруін таныстырылымдағы суреттердің көмегімен талқылайды.

Мұғалім осы құстардағы өзгерістің табиғат үшін маңызы неде деп талқылау жүргізе отырып осындай тұқымқуалайтын өзгергіштіктің эволюциялық маңызы зор, себебі жаңа түрлердің пайда болуына әкеледі деп қорытындылайды.

Құстар бір мекен ортасын ұзақ уақыт бойы мекен ету барысында қорек көзі азайып, олар қоректің басқа түрімен қоректенуіне байланысты жаңа белгілерге ие болды және бұл белгілер тұқымқуалап ұрпақтан –ұрпаққа берілетіндіктен құстардың жаңа түрлері пайда болды деген қорытынды шығарылады.
Оқушыларға Ч.Дарвиннің зерттеу нәтижесі туралы ақпаратты ұсынуға болады.
Мұғалім оқушыларға таныстырылымның 13-14 слайдтардағы бейімделушілік мысалдарын талдауды тапсырады.....

Материалдың толық нұсқасын жүктеуге 45 секунд қалды!!!
Іздеп көріңіз:
0 0

Добавить комментарий