1920-1930 жылдардағы саяси репрессиялар (Қазақстан тарихы, 9 сынып, ІІ тоқсан)

Пән: Қазақстан тарихы
Ұзақ мерзімді жоспар бөлімі: 8.3A Қазақстан тоталитарлық жүйенің нығаюы кезеңінде
Сабақ тақырыбы: 1920-1930 жылдардағы саяси репрессиялар
Осы сабақта қол жеткізілетін оқу мақсаттары (оқу бағдарламасына сілтеме): 8.3.1.7. ХХ ғасырдың 20–30 жылдардағы әміршіл-әкімшіл жүйе саясатының зардаптарын талдау;
8.1.2.1. қазақ зиялыларының қоғамдағы рөлі мен қызметін талдау;
Сабақ мақсаты:Әміршіл-әкімшіл жүйе саясатының себебін анықтау, салдарын талдау.
БСМ Тақтаға қазақ зиялыларының портреттерін көрсетіп, келесі сұрақтарға жауап беруді сұраңыз:
• Суретте көрсетілген тұлғалар қоғамда қандай қызмет атқарды?
• Қазақ зиялыларының басым көпшілігі неге 30-ші жылдары дүниеден өткен?
Дескриптор:
1. Қоғам қайраткерлерінің саяси қызметтерін атайды
2. Қазақ зиялыларының 1937-1938 жылдары репрессия құрбандары болғанын атайды

М.Жаңа сабақ тақырыбы мен оқу мақсаттары таныстырады.
Т. Картамен жұмыс. Оқушыларға «Сталиндік қуғын-сүргін» картасын ұсынып , ұжымдастыру саясатымен байланысқан шағын әңгіме жаздырыңыз (осы жерде ұжымдастыру кезіндегі «Бесеудің хаты» авторларына қатысты Кеңес үкіметі қандай шара қолдануы мүмкін көрсетсе болады). Топтардың өзара бағалау мүмкіндігі бар.

Жазылымға ұсынылатын кілт сөздер: тоталитарлық жүйе, депортация, репрессия, ұжымдастыру саясаты,әміршіл-әкімшіл жүйе, КАРЛАГ, ГУЛАГ, АЛЖИР.
Жазылымға ұсынылатын сөз тіркестері:
ХХ ғасырдың 20-30 жылдарында қоғамдық саяси өмір...
Оған дәлел...
Критерилері:
1.Әңгіме тақырыбы бар,
2.Кілт сөздердің 2 кем емесін орынды қолданған
3.Сөз тіркесті қолдана білген
4.Сөйлем құрылымы сақталған
5.Тақырып ойы ашылған
Ж. Оқушыларға РКФСР-дың 1927 жылғы Қылмыстық кодексінің 58 бабының мәтінін карточка ретінде ұсыныңыз.
Тапсырма:
• Зиялы қауым өкілдеріне тағылған «халық жауы» деген айыппен қаншалықты келісесің?
• ХХ ғасырдың 20–30 жылдардағы әміршіл-әкімшіл жүйе бойынша қандай қорытынды шығаруға болады?
Дескрипторы:
1.Қазақ зиялыларына тағылған айыппен келісетінін не келіспейтінін жүйелі түсіндіреді
2.РКФСР-дың Қылмыстық кодексінің 58 бабындағы ақпаратты тиімді қолданады
3.Кеңес үкіметінің ХХ ғасырдың 20–30 жылдардағы әміршіл-әкімшіл саясаты жайлы қортынды ой жазады......