С Сарғасқаев «Тәмпіш қара» 2-сабақ (7 сынып, III тоқсан )

 С Сарғасқаев «Тәмпіш қара» 2-сабақ (7 сынып, III тоқсан )

Пән: Қазақ әдебиеті
Бөлім атауы: Балалар мен үлкендер
Сабақтың тақырыбы: С.Сарғасқаев «Тәмпіш қара» 2-сабақ
Осы сабақ арқылы жүзеге асатын оқу мақсаттары: 7.А/И1.Шығармадағы эпизодтар мен бейнелерді салғастыру.
7.Т/Ж2.Әдеби шығармадағы тұлғалық болмысты гуманистік тұрғыдан талдау.
Сабақтың мақсаттары: Оқушылар шығарманың өн бойына түрлі тұрғыдан талдау жасай алады және соның негізінде өзіндік ой қорытып, кейіпкерлерге гуманистік тұрғыдан талдау жасай алады.
Сабақ барысы:
Сергіту сәті: «Допты дәлдеп лақтыр».
Бұл жерде оқушылар шеңберге тұрып, қолдарындағы допты лақтырмас бұрын «Тәмпіш қара» шығармасынан өзіне ең ұнаған жерін қысқаша баяндайды. Мысалы, маған Ертайлардың Оңалбекті алдастырып, мектепке кіріп асық ойнаған кезі ерекше ұнады т.б
Мақсаты: оқушылардың саббаққа деген қызығушылығын арттыру, әрі үйде оқыған шығармаларын тағы бір еске түсіріп, қайталап шығу.
Болжау.
• Сабақтың мақсаты анықталған соң оқушыларға болжам жасау ұсынылады. (Бүгін сабақта не істейміз? Қандай бағалау критерийлері болады деп ойлайсыңдар?)
• Оқу мақсаттарымен таныстырылып, бағалау критерийлері оқушылармен бірге жасалынады.
Топқа бөлу
Оқушыларға 5 түрлі смайликтер беріледі. Оқушылар осы смайликтер арқылы топтарға бөлінеді және әр топ өзінің қандай жұмыспен айналысатынын суретке қарап болжайды.
І кезең. Оқушылар «Әдебиет үйірмесі» стратегиясы арқылы топта жұмыс істейді. Ол үшін әр топтың мақсаты мен міндеті түсіндіріліп, төмендегі тапсырмалар беріледі.
І топ –«Із кесушілер»
Тапсырма: «Тәмпіш қара» повесінің 9 бөліміне сүйене отырып, шығарманың композициялық құрылысын талдаңдар және оны «оқиға кадрлары» арқылы беріңдер.
ІІ топ – «Сөз тапқыштар»
Тапсырма: Повестегі оқиғалар желісіне сәйкес келетін мақал-мәтелдер мен қанатты сөздер табу және оны шығармамен байланыстыра отырып дәлелдеңдер.
ІІІ топ – «Ой тапқыштар»
Тапсырма: Шығарманың өн бойында автор Шаншатай мен Ертайды қалай сипаттады, олардың оброзын қалай ашты, нақты мысалдармен дәлелдеп көрсетіңдер.
ІV топ – «Дәнекерлер»
Тапсырма: Повестегі эпизодтарды бүгінгі өмірмен байланыстырып, мысалдар арқылы үндестігін көрсетіңдер.
V топ «Суретшілер»
Тапсырма: Шығармада өздеріңе әсер еткен эпизодты бейнелеңдер немесе оған деген көзқарастарыңды суретке түсіріңдер. (сурет, кластер құрастыру, жапсырма т.б)
ІІ кезең. Топтар өз жұмыстарын таныстыру үшін «Әлемді шарлау» стратегиясымен жұмыс істеді.
Топтан бір спикерді жұмыспен таныстыру үшін орындарыңда қалдырыңдар және өздерің басқа топтардың жұмысымен танысып, оған кері байланыс (стикерлерге «Екі жұлдыз, бір тілек» жазып қалдырады) беріңдер. Бір-бірінің жұмыстарыңмен танысып, «Тәмпіш қара» әлемін бір шарлап шығыңдар.
Дескрипторлар:
1. Шығарманың сюжеттік-композициялық құрлымына талдау жасай алады;
2. Оқиғалар желісіне сәкес келетін мақал-мәтелдер мен қанатты сөздер таба алады;
3. Кейіпкерлердің сипатын аша алады;
4. Эпизодтарды бүгінгі күнмен байланыстыра алады;
5. Өзінің және өзгенің жұмысын ой елегінен өткізіп, қорытынды жасай алады.
ІІІ кезең. Жұппен жұмыс.
Геометриялық фигуралар стратегиясы.
Жұптарға бірнеше геометриялық пішіндер берілді, осы пішіндермен байланыстырып мәтіннің кейіпкерлерінің мінез-құлқына, сипаттама бере отырып қорытынды жасаңдар. Кейіпкерлер мен түрлі фигуралардың сипатына қарай ұқсастығын табыңдар.
Дескрипторлар:
1. Кейіпкерлердің мінез-құлқына сипаттама бере алады;
2. Сыни пікір айта алады;
3. Кейіпкерлер мен түрлі фигуралардың сипатына қарай ұқсастығын таба алады.
Рефлексия
«Мен үшін маңызды болғаны...»
Бүгін мен үшін ....... маңызды болды.
*................. қызықты болды.
*.......................... қиын болды.
*......................... екенін түсіндім.
Тақтаға рефлексия жасау үшін дайын құрылымды шығарып, оқушылар бүгінгі өзінің әрекетіне талдау жасайды. Сол арқылы мұғалім бүгінгі сабақтың сәтті және сәтсіз тұстарын анықтай алады......


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 1 488



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі