Жол белгілері (5 сынып, III тоқсан )

Пән: Қазақ тілі
Бөлім атауы: Көлік және жол белгілері
Сабақтың тақырыбы: Жол белгілері
Осы сабақ арқылы жүзеге асатын оқу мақсаттары: Ж2. Әртүрлі жанрда мәтіндер құрастыру
Жанрлық ерекшеліктеріне сай ресімделуі мен құрылымын сақтап, хат, жарнама, хабарландыру құрастырып жазу.
Сабақтың мақсаттары:
Барлық оқушылар орындай алады:
Хат құрылымын сақтай алады
Оқушылардың көпшілігі орындай алады:
Хат құрылымын сақтап, кабинетте жабдықталған белгілерді жазады.
Кейбір оқушылар орындай алады:
Хат құрылымын сақтап, кабинетте жабдықталған белгілерді сипаттап жазуда ерекшелік танытады.
Сабақ барысы: І. Ұйымдастыру кезеңі.
Оқушыларды жол белгілерінің сурет қиындылары арқылы 4 топқа бөлу. Топ өздеріне түскен жол белгілері туралы айтып өтеді.
Жаңа сабақтың мақсаты мен бағалау критерийін таныстырамын, үй тапсырмасын пысықтаймын.
II. Қызығушылықты ояту. Топтық жұмыс.
«Сөздік гол» ойыны.
Оқушылар сынып бөлмесінің бұрыштарына жасырынған сөздердің анықтамасын табады.
Түсіндіру жолы:
Сынып бөлмесіне 2 жерге сандық ұғымды білдіретін (сурет) бүктеме парақшаларды іліп қою.
Оқушылар Mtdi.kz сайты арқылы сөздердің анықтамасын табады.Бұл ойын оқушылардың лексикалық қорларын дамытуға септігін тигізеді.Оқушылардың ойын кезіндегі белсенділігі жарыс нәтижесін дұрыс есепке алуға байланысты болады. Оқушылар өз бойындағы жетістік пен кемшілікті біліп отырады.
1.Жиек жол 2. Жол белгілері
Ойын шарты бойынша екі суретте жазылған сөздерді параққа ретімен түсіріп, анықтамасын жазып, сөйлем құрау.Ретімен анықтамасын тапқан топ «гол» деп белгі береді.
Сөз Біздің анықтама Сөздіктегі анықтама Сөйлем
Жиек жол Адамдар жаяу жүретін көше жиегіндегі тар жол.
Жол белгілері Көлік қозғалысын реттеу және көлік жүргізуші мен жаяу жүрушіге маңайдағы жол жағдайы жөнінде ақпарат беру мақсатында көше мен жол бойына қойылатын арнайы белгілер
Бағалау критерийі:
-жасырынған сөздерді рет-ретімен дұрыс таба білді;
-сөздерге берген анықтамалары сөздікпен сәйкес келеді;
-құраған сөйлемдері көркем әрі түсінікті.
Оқушылар алғашқы болған топты бағалайды.
III. Жазылым алды тапсырма:
Суретті салыстырып, өз ойларыңды білдіріңіздер.
(электронды почта мен хат)
Хат дегеніміз — біруге жазған хабарлама.
Хаттың шығу тарихы.
Алғашында хатты қолмен қағазға немесе басқа да заттарға (ағаш бөлікке, теріге) жазған хабарлама деп аталған. Қазіргі таңда хат жазуға электронды түрде қосылған. Яғни электонды почта немесе sms хабарламалар да жатады.
IV. Хаттың жазылу талаптарын түсіндіру
Хат құрылымының ерекшеліктері
Хаттың кіріспе бөлімі (амандасу) (5 сөйлем)
Хаттың негізгі бөлімі (8 сөйлем)
Хаттың қорытынды бөлімі (5 сөйлем)
Хаттың соңы (қоштасу, мерзімін көрсету, аты-жөнін жазу)
V. Жазылым
Тапсырма:
Сіз оқитын мектепте арнайы жолда жүру ережесіне арналған кабинет ашылды. Онда жол белгілері, жол бойында кездесетін тыйым салу белгілері, жол қиылысы, жол бойындағы кедергілер, қатерлі аймақтар туралы белгілер көрсетілген. Кабинетте жабдықталған белгілерді негізге ала отырып, досыңызға хат жазыңыз. Хат құрылымын сақтаңыз. (60-80 сөз)
Дискриптор:
- кіріспе бөлімінде досымен амандық сұрасады, хат жазудағы мақсатын жеткізеді; (25 сөз)
- негізгі бөлімде кабинетте жабдықталған жол белгілері туралы жазады; (45 сөз)
- қорытынды бөлімінде жол ережелерін сақтауды ескертіп, қоштасады. (15 сөз);
- хат құрылымын (кіріспе, негізгі, қорытынды) сақтайды.....