Ертегілер әлемінде Қожанасырдың тойға баруы (1 сынып, 6 бөлім )

 Ертегілер әлемінде Қожанасырдың тойға баруы (1 сынып, 6 бөлім )

Пән: қазақ тілі
Ұзақ мерзімді жоспар бөлімі: «Салт-дәстүр және ауыз әдебиеті»
Сабақ тақырыбы:Ертегілер әлемінде. Қожанасырдың тойға баруы
Осы сабақта қол жеткізілетін оқу мақсаттары: (оқу бағдарламасына сілтеме)1.4 Мәтіндегі негізгі, қосалқы ақпараттарды түсіну
1.1.4.1 мұғалімнің көмегімен тыңдаған материалдың кім/не туралы екенін түсіну
2.4 Оқыған/тыңдаған материалды мазмұндау
1.2.4.1 фото/сурет/ қуыршақтарды қолданып шағын мәтінді мазмұндау
Сабақ мақсаттары:Барлық оқушылар: мұғалімнің көмегімен тыңдаған материалдың кім туралы екенін түсінеді, кейіпкерлерді суреттер арқылы танып, сипаттайды.
Көптеген оқушылар: мұғалімнің көмегімен тыңдаған материалдың кім туралы екенін түсінеді, суреттер арқылы кейіпкерлердің әрекетін сипаттайды.
Кейбір оқушылар: мұғалімнің көмегінсіз тыңдаған материалдың кім туралы екенін түсінеді, суреттер арқылы мәтінді мазмұндайды.
Сабақ барысы: Сурет арқылы мұғалімнің көмегімен оқушылар сабақтың тақырыбын анықтайды.
– Мынау кім?
– Ол аңыз кейіпкері.
– Оның аты кім?
– Бұл Қожанасыр. Қожанасыр тапқыр, ақкөңіл, еңбекқор, әзілкеш кісі болған
Сөздікпен жұмыс:
Қожанасыр, үй иесі, ертегі, аңыз, әңгіме, бяғыда, біреу, төр, сыйлау, құрметтеу, сыйламау, құрметтемеу, шапан, жең, ешкім елемепті.
Тыңдалым.
Тапсырма
Оқушылар аудиомәтінді тыңдайды.
Түсінгендерін ортаға салады.
- Ертегі кім туралы?
Оқылым. Оқулықпен жұмыс, 49-бет.
Тапсырма
Оқушылар мәтінді оқиды.
Мазмұны бойынша сұрақтарға жауап береді.
Мәтін
Баяғыда біреу той жасапты, тойға көп кісі жиналыпты, Қожанасыр да келіпті. Қожанасырдың үстіндегі киімі жаман екен. Қожанасырды ешкім елемепті. «Төрге шық, тамақ іш», - демепті. Қожа үйден шығып кетеді де үйіне барып, тәуір киімдерін киіп, қайта келеді. Бұл жолы үй иесі Қожанасырды құрметтейді, төрден орын береді, ет келгенде:
- Қожеке, алыңыз, алыңыз! - деп, қошеметтейді. Қожа етті жемей, табаққа шапанының жеңін малып:
- Же, шапаным, же! - деп, отыра береді.
Үй иесі:
- Сіздің бұ не қылғаныңыз? Шапан ет жейтін бе еді? - дейді.
Сонда Қожа:
- Сен кісіні сыйламайды екенсің, киімді сыйлайды екенсің. Сондықтан шапаныма жегізіп отырғаным! - деп, жауап береді.
Сұрақтар:
1. Ертегінің кейіпкерлері кімдер?
2. Қожанасыр қайда барыпты?
3. Қожанасырдың киімі қандай болыпты?
4. Бай Қожанасырды қалай қарсы алыпты?
5. Қожанасыр неге тамақты жеңіне жегізіпті?
6. Қожанасыр қандай?
7. Үй иесі қандай?......


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 1 212



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі