Астанада өткен ЕХРО көрмесі(1-нұсқа) (6 сынып, II тоқсан )

  Астанада өткен ЕХРО көрмесі(1-нұсқа) (6 сынып, II тоқсан )

Пән: қазақ тілі
Ұзақ мерзімді жоспар бөлімі: Астана – мәдениет пен өнер ордасы
Сабақтың тақырыбы: Астанада өткен ЕХРО көрмесі(1-нұсқа)
Осы сабақта қол жеткізілетін оқу мақсаттары: (оқу бағдарламасына сілтеме) 6.3.6.1 мәтіндегі орфографиялық және пунктуациялық қателерді сөздіктерге, емле ережелеріне сүйеніп түзету, редакциялау
Сабақтың мақсаттары: Жазуда орфографиялық норманы сақтау, тыныс белгілерін дұрыс қоя білу; емле ережелерін білу.
Сабақ барысы: Қызығушылығын ояту
«Константинополь» ойыны
Мұғалім сабақты берілген сөз бойынша (көрме, энергия, болашақ, өнертабыс) әріптерінен зат есімдер құруды тапсырумен бастайды. Оқушыларды «көрме», «қуат көзі», «болашақ», «өнертабыс» деген төрт топқа бөледі. Әр топ өзіне берілген сөзден зат есім болатын сөзді құрастырады. Шарты: сөздегі әріптерден асып кетпеу керек.
Ықтимал жауаптар:
Көрме: ер, өр, көр, өре, кем
Осыдан кейін мұғалім сабақтың тақырыбын хабарлайды. Сабақ мақсатымен таныстырады. Оқушылар мен мұғалім бірлесе отырып, сабақтың бағалау критерийлерін әзірлейді.
Жазылым алды тапсырма
Оқушылар топпен біріге отырып, тірек сөздер бойынша ЭКСПО көрмесіне анықтама береді.
Сипаттау үшін қажетті сөздер: көрме, халықаралық, әлемдік деңгейде, нысан, баламалы энергия, қуат көзі, шетелдік қонақтар, болашақ энергиясы, тағы басқа да қолданыстар.
Жазылым тапсырмасы
«Жүгіртпе диктант». Сынып қабырғаларына диктант мәтіндері ілінеді. Мәтінде тыныс белгілері қойылмаған және орфографиялық қателер жіберілген. Олар кезекпен-кезек қабырғадағы мәтіннен бір сөйлемді оқып алады да, жүгіріп барып дәптерге жазады. Осылайша топта өзара алмаса отырып, берілген мәтінді дәптерлеріне диктант түрінде жазып шығады. Қажетті тыныс белгілерін қояды және қателерін түзетеді.
«Жүгіртпе диктант» мәтіні
EXPO-2017 көрмесінде үш айда 178 елден 4 миллионға жуық адам келген. Көрмені әр келуші толық көру үшін 96 сағат жұмсаған керек. Көрме кезінде 3500 мәдени іс шара өткізілген. 33 мың әртіс өнер көрсеткен. «ЭКСПО-2017» символы «Нұр Әлемнің» құрылысына 13 000 тонна металл жұмсау. Шар жабындысы 2800 бірегей әйнектен тұрады. «Нұр Әлем» сферасының жалпы аумағы - 22 000 шаршы метр Бұл – төрт бірдей футбол алаңдағы көлемі. Көрменің барлық нысандарының құрылысы үшін 56 мың тонна металл мен 500 мың тонна бетон жұмсалған. Бұл әлемдей ең биік екі мұнараны тұрғызуға жетеді. 53 елдің мемлекет басшылары көрменің құрметті қонағы мен қатысушысы болды Көрмөде 4500 ерікті қызмет еткен Көрменің жұмысы барасында келушілер 100 миллионнан аса суретке түскен. Үйленуге 88 ұсыныс жасалған. Ғалымдар бүгүнгі күні адамзат өмірін өзгертіп жатқан 153 ғылыми өнертабыс ұсынған.
Жазылымнан кейінгі тапсырма
Кейін оқушылар топта дәптерлерін сағат тілімен ауыстырып, мәтіннің дұрыс нұсқасымен тексереді. Емле ережелері арқылы мәтіндерге талдау жасалады. Қолданылған әрі ескерілген орфографиялық және пунктуациялық ережелерді кесте негізінде топтастырып жазып шығады.
Кездескен қателер Дұрысы Негіздеу (ереже)
Дескриптор:
• Тақырып аясында диктант жазады;
• Орфографиялық норманы сақтайды;
• Тыныс белгілерін дұрыс қоя алады;
• Емле ережелері арқылы талдау жасайды.
Өзара бағалауды «Бутерброд» әдісі арқылы жүзеге асырады.
Өзара бағалауда 1-топ 2-топтың жұмысын, 2-топ 3-топтың жұмысын, 3-топ 4-топтың жұмысын, 4-топ 1- топтың жұмысын бағалайды.
бірінші жағымды түсініктеме беру;
одан кейін құрылымды сын айту;
соңынан тағы да жағымды пікір білдіру.
Мысалы,
Жағдаяттық мәлімдеме – Маған ұнады ......, себебі ..... Енді/келесі жолы ..... ....


Толық нұсқасын 30 секундтан кейін жүктей аласыз!!!


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: Umit
  • 948



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі