37-сабақ Дыбыстардың үндесуі (3 сынып, II тоқсан )

Пән: Қазақ тілі
Бөлім: Уақыт
Сабақ тақырыбы: 37-сабақ Дыбыстардың үндесу
Осы сабақта қол жеткізілетін оқу мақсаттары: 3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау;
3.1.7.1 сөз ішінде қатар тұрған дауыссыз дыбыстардың өзара үндесуін сақтап айту (сенбі – сембі, Жангүл –Жаңгүл);
3.3.6.1 бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету.
Сабақ мақсаттары:
Барлық оқушылар:
- мәтіннің тақырыбын қоя алады, мұғалімнің көмегімен негізгі ойды анықтай алады;
- сөзде қатар тұрған дауыссыз дыбыстардың өзара үндесуін сақтап айта алады;
- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі үлгі негізінде жазады;
Оқушылардың көбі:
- мәтіннің тақырыбын табады, мұғалімнің көмегімен негізгі ойды анықтай алады;
- қатар тұрған дауыссыз дыбыстардың өзара үндесуін сақтап айта алады;
- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі орта темппен жазады;
Оқушылардың кейбірі:
- мәтіннің тақырыбын табады, өз бетінше негізгі ойды
анықтай алады;
- сөз ішінде қатар тұрған дауыссыз дыбыстардың өзара үндесуін сақтай отырып айта алады:
- кең жолды дәптерде бас әріп пен кіші әріптің биіктігі мен мөлшерін сақтап көлбеу,үзбей және біркелкі шапшаң жазады.
Сабақ барысы: І. Ұйымдастыру кезеңі.
3.1.7.1 (Ж. Ж) «Сөздер тізбегі» әдісі
Мақсаты:Оқушылардың зейінін сабаққа аудару.
Берілген уақыт ұғымдарын көрсететін суреттегі сөздерден мақал құрастыр. Мақал мағынасын аш.
(Да, қымбат, алтыннан, уақыт), (ел, елу, жаңа, жылда)
• Уақыт- алтыннан да қымбат.
• Елу жылда, ел жаңа.
Жұпта ақылдасып, мақал мағынасын ашу, пікір білдіру. Қымбат
сөзінің айтылуы мен жазылу ерекшелігіне көңіл бөлу керектігі айтылады. Өзара бағалау
Сабақтың бөлімі, тақырыбы мен мақсаты таныстырылады. Бағалау критерийлері оқушылармен бірге құрастырады.
ІІ. Негізгі бөлім
3.3.6.1 (МК, Ө) Көркем жазу.
Кең жолды дәптерге жазу үлгісін көрсету.
Өө ӨӨӨ өөө өлке өсиет өмір өнеге өсімдік өскін өркениет өлең
Дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазады
3.2.4.1 (Ө, Т, Ж, қ) Тыңдалым.
«Таңды іздеу» ертегісімен жұмыс.
Мұғалім ертегіні мәнерлеп оқып береді. (Қажет жағдайда қайта оқиды)
Мақсаты:Оқушылардың тыңдалым дағдыларын дамыту, ертегідегі негізгі ойды анықтап, ертегі мазмұны бойынша жоспар құруға дағдыландыру.
1-жаттығу. Ертегіні тыңда.
• Ертегі не туралы? Ондағы негізгі ойды анықта.
• Ертегі неліктен «Таңды іздеу» деп аталған деп ойлайсың? Өз пікіріңмен бөліс.
• «Қараңғы түн», «таң» сөздерінің мағынасын дереккөздерден біліп ал.
• Төмендегі суреттердің қайсылары ертегі мазмұнына сәйкес келеді? Өз ойыңды дәлелде.
(Оқушылардың топтық жұмысы ұйымдастырылады. Негізгі ойды, ертегі мазмұны бойынша жоспар құруды топта ақылдаса отырып, жазады. Оны А4 қағазға жазып топ жұмысын таныстырады және төменде берілген суреттердің қайсысы ертегі мазмұнына сай келетінін анықтап, өз ойын дәлелдейді.)
Түсіндірме сөздікпен жұмыс.
Қараңғы түн, таң сөздерінің мағынасын анықтау.
Қараңғы түн — жарық жоқ, қараңғылыққа шомған, түнек.
Таң -жаңа күннің көрінісі, жаршысы
Сөздерді қатыстырып сөйлем құрастыру.
Бағалау дескрипторы:
- ертегі бойынша пікір айта алады;
- негізгі ойды анықтай алады;
- ертегі мазмұнына жоспар құрады;
- сурет көріністеріне назар аударады;
- ертегі мазмұнына сай келетінін суретті анықтайды, дәлелдеп
айтады;
- сөз мағыналарын түсінеді.
3.1.7.1, 3.3.6.1 (Ж, Т, Ж) 3-жаттығу. Сөздерді оқып, көшіріп жаз.
• Сөздердің айтылуы мен жазылуын салыстыр.
Үлгі: Жазылуы Айтылуы
басшы башшы
Мұғалім сөздерді топтарға бөліп береді. Алдымен жұпта сөздердің айтылуы мен жазылуын салыстырып, ой бөліседі, содан соң топта идея алмасады, жариялайды. Өз ой тұжырымдарын жасайды.
Орфографиялық сөздікпен жұмыс.
Көкжиек, басшы сөздерінің мағынасын анықтау.
Көкжиек- аспан мен жер бетінің астасып көрінетін сызығы.
Басшы- бұл жұмысты беруші және сол жұмыстардың орындалуына жауап беруші адам. Бұл адамның лауазымы.
Басшы- қимылды білдіреді. (Қолымды басшы.)
Сөздерді сөз құрамына талдау.
Оқулықта берілген жаңа ақпаратты оқып, өз ой тұжырымдарымен салыстырып, талдау жасайды. Түсіндіру жұмыстары жүргізіледі.(кесте)
Бағалау дескрипторы:
- бас әріп пен кіші әріптің биіктігін сақтап көлбеу, әдемі
жазады;
- сөздердің айтылуы мен жазылуындағы ерекшеліктерді
байқайды;
- қатар тұрған дауыссыз дыбыстардың өзара үндесуін сақтап
айтады;
- сөз мағыналарын түсінеді.
Ой сергек!
Бейнежазбадағы әуен ырғағымен билеу.
3.1.7.1, 3.3.6.1 (Ө, Ж, Ж;) Шығармашылық диктант
Айтылуы Жазылуы
сөмбеді
түңгі
Тасполат
Орымбасар
көгпембек
сөссіз
жассын
Оқушылар жазып болып, жұпта алмасып, тексереді және дыбыстардың өзгеру себебін айтады.
Бағалау дескрипторы:
- бас әріп пен кіші әріптің биіктігін сақтап көлбеу, әдемі
жазады;
- дыбыстардың өзгеру себебін түсіну;
3.3.6.1 (Ө; Ж; Ұ; Қ) 4-жаттығу. Тыйым сөздерді көшіріп жаз.
Оқушылар жұппен жұмыс жасай отырып, тыйым сөздердің мағынасына талдау жасап, жұбына дәлелдеп, түсіндіреді.
Мұғалімнің көмегімен бір-бірінің қатесін тауып, түзетеді.
Өзара бағалау
Бағалау дескрипторы:
- бас әріп пен кіші әріптің биіктігін сақтап көлбеу, әдемі
жазады;
- тиым сөздердің мазмұнын түсінеді......