Сабақ жоспары: Ілияс Жансүгіров, "Малта"

Сабақ жоспары: Ілияс Жансүгіров,


Ақтөбе облысы, Мұғалжар ауданы, Қандыағаш қалалық
№2 орта мектебінің бастауыш
сынып мұғалімі Шамуршанова
Айгүл Аблазиқызы

Сабақтың мақсаттары: 1) Өлеңді мәнерлеп оқи білуге машықтандыру; өлең мазмұнын түсіндіру, меңгерту; Малтаның жасалу жолын түсіндіре отырып, оның үлкен еңбекпен келетіндігін ұғындыру; авторыдң өмірі мен шығармашылығы туралы мағлұмат беру; 2) оқушылардың ой-өрісін кеңейту, сөздік қорларын молайту, шығаршылық қабілеттерін дамыту; өлеңді оқып түсініп талдауға, өз ойларын сауатты, жүйелі түрде жеткізе білуге баулу; 3) Ауыл адамдарының еңбегін түсініп, бағалай білуге үйрету; еңбекқорлықтың пайдасын ұғынып өсуге баулу.
Әдәстері: CTO технологиясының әдістері. INSERT әдісі, ой толғау, Венн көрсетуі, тірек сызба, сұрақ-жауап талдау, топпен жұмыс, көрнекілік, не білемін, не білдім, не білгім келеді?, суретпен жұмыс.
Пәнаралық: Дүниетану, математика, бейнелеу.
Көрнекілігі: І.Жансүгіров суреті, тірексызбалар, деңгейлік тапсырмалар, кеспе қағаздар, өлең мазмұнына байланысты сюжетті суреттер, сөзжұмбақ, фильворд, үнтаспа, карта, т.б.
Сабақ барысы
І. Ұйымдастыру кезеңі.
-Балалар, бүгін біз сабағымызды сын тұрғысынан ойлау стратегиясы бойынша өткіземіз. Сіздерге бүгінгі өтілетін жаңа тақырып авторы туралы ізденушілік тапсырмалар берілген болатын. Бүгінгі сабаққа дайынбызба? Ендеше сабағымыздың ұранын айтып жіберейік:
Біле бер қанша білсең - тағы тіле, Жетерсің мақсатыңа біле-біле. (Ю.Баласұғын.)
ІІ. Үй тапсырмасын тексеру. В. Ссухомлинскийдің"Қатқан нан" әңгімесін оқып, мазмұнын айту.
ІІІ. Жаңа тақырып.
-Жаңа сабақтың тақырыбы тарау бойынша өтілген материалдарды пысықтау, жинақтау мақсатындағы сөзжұмбақ арқылы ашылды.
Сөзжұмбақ шешуі-"Малта"."Малта" сөзінің мағынасы талданды, түсінік беріледі. Әңгіме авторына байланысты 3 топқа тапсырма берілген болатын. Оқушылар дайындап келген материалдары бойынша автордың өмірі мен шығармашылығына тоқталды.
І топ. Тарихшылар. Яғни ақынның өмір жолы туралы біліп келу.
ІІ топ. Әдебиетшілер. Ақынның шығармаларына шолу.
ІІІ топ. Журналисттер. Баспа бетіне шыққан еңбекттері.
Жаңа тақырыппен жұмыс деңгейлік кесте бойынша жүргізілді.
І деңгей. Танып білу кезеңі.
Мәтінмен танысу, өз білімдерін көрсетіп әр топ бір-біріне сұрақ қояды. Мәтін үнтаспадан тыңдалды. Өз беттерінше оқып шықты.INSERT әдісімен сөздерді белгілейді. Топтар бір-біріне шығарма мазмұны бойынша сұрақ қояды.
ІІ деңгей. Түсіндіру кезеңі.
Қиындық келтірілген сөздердің мәнін ашып, талдау.INSERT әдісімен өздері белгілеген сөздерді талдайды. Сөздік жұмысы жүргізіледі.
ІІІ деңгей. Қолдану кезеңі.
Ұқсастықтары мен айырмашылықтарын ажырату. Венн көрсетуі.
ІV деңгей. Талдау кезеңі.
Шығарма мазмұны бойынша жұмыс. Оқушыларға шығарманың белгілі бір тұсын бейнелейтін сюжетті суреттер беріледі, оқушылар оқулықтан сол тұсты тауып оқиды.
"Ротация" әдісі арқылы шығарма талданады.
V деңгей. Жинақтау кезеңі.
Оқушылардың алған білімдерін бекіту (сабақты қорытындылау).
VI деңгей. Үйге тапсырма.
Өлеңді мәнерлеп оқу. Өлең мазмұны бойынша эссе жазу.
VII деңгей. Бағалау.
Оқушыларға көбейту кестесі беріледі. Сонда қандай жауап шықса сол оқушының бүгінгі алған бағасы болып есептеледі. (5 көбейту 1, 10:2, 25:5, 20:4, 50:10, 12:3, 16:40:10...).



Жүктеу батырмасы 50 секундта ашылады!!!