Анама туған күнге арналған құттықтау тілектер (анаға, мама, анашым)

 Анама туған күнге арналған құттықтау тілектер (анаға, мама, анашым)

Өз бақытын, қуанышын өзі өмірге әкелген перзенттерінің қылығынан, қызығынан іздейтін аяулы Анам менің! Сізге әлемдегі бар жақсы тілекті үйіп-төксем де аз. Алла сізге ең алдымен мықты денсаулық берсін! Әрқашан жүзіңізден мейірім нышаны кетпей, айналаңызға нұрыңызды шашып, Аналық баққытқа кенеліп жүре беріңіз!!!

Батыр да туған анадан, ақын да туған анадан,
Ананың биік тұғыры - анадан туған бар адам.
Пайғамбарымыз Мұхаммед ананы құрмет санаған,
Анаға мәңгі борыштар елдегі барлық дана адам.
Ақ сүтін беріп өсірген, бұзық болсам - кешірген.
Тілін алсам - айналған, күнәм болса -өшірген.
Ақ анашым,анашым, саған тәнті бала шын!
Мөлдір, кәусар бұлақсың, мен сүрінсем - жылапсың,
Шыңға шықсам - қуанып, мен құласам - құлапсың,
Ақ анашым, анашым, сенбей бар ма жанашыр.



Анама туған күнге арналған өлеңдер

Ана деген – ұлы есім!
О, Ана!
Неткен ұлы есім ең!
Тұрса да қажып тағдыры,
Бар шаттығым – бала деп,
Тәнін торлап таң нұры,
Мін бақпай ұрпақ өсірген.
Бар қатені кешірген,
Жасайды мәңгі аруана
Жалғасып тарих көшімен.
Асаудай асыл бейнесі,
Кетпейді адам есінен.
Баласын басса бауырына,
Нәр тамған ақ төсінен.
Бармақтай жатқан бақытты
Артық көрген өзінен.
Ол – сәби, сонда жылайды,
Ынтызар көмек сұрайды,
«Іңгә» деген сөзімен.


Анашым сіз менің жұмағымсыз.Сізге деген алғысым да, махаббатым да шексіз.Өмірге мән беріп қарасам сізден асқан адам да,сізден асқан байлықта жоқ екен.Сіздің кей сөздеріңізді тыңдамағаным үшін кейде өзімді жек көрем.Сіздің бізге берген жылуыңызды,қамқорлығыңызды ешкім,ешқашан бере алмайтынына көзім жетті.Йә анашым мен ер жеттім,есейдім.Бірақ,сіз үшін әрдайым бала болып қала беретінім сөзсіз.Қарға да, баласын аппағым демейме? Анажаным мына қысқа өмірде сізге қанша алғыс айтсамда артық етпейді.Бала болдық,балалық жасап жүріп дана болдық.Өзіміздікі дұрыс,бәрін өзіміз жасаймыз дейтін едік.Мен қатты қателесіппін.Сіз біздің тынысымыз екенсіз.Сізсіз кеудемдегі жүректің соғуы екі талай екен түсіндім.
Кешір ана ренжіткен күндерім үшін,
Кешір ана мұңайтқан түндерім үшін.
Ақылыңды тыңдамай кей-кездері,
Түнделетіп жүргенім үшін.
Йа, анашым бұл ұлыңыздың сізге деген алғысы деп білгейсіз..Алладан тек амандығыңызды тілеймін!Жүз жасаңыз анажан...

Дәурен Бақытбекұлы


О, Ана!
Неткен ғажап есім ең!
Сен дегенде елжіреп,
Сен дегенде көсілем.
Сен дегенде шалқимын,
Болаттай жанып, балқимын.
Ақшақардай айналып,
Қыл гүліндей жайқалып,
Самалың боп аңқимын.
Сен үшін тартып тауқымет,
Найзағайдың ұшқынын
Жүрегіме шаншимын.


Пайдалы сілтемелер:


О, Ана!
Неткен жеңіл есім ең!
Үш әріптен құралып,
Үш жүзді жалғастырып ең.
Мәңгіге мұрағаттаулы
Баға жетпес шежірең.

Тыңдаушы, бір сәт елең ет!
Айтуға жеңіл емес пе?
«Ана» деп тіл қат, керемет!

О, Ана!
Неткен асыл тұлғасың!
Қиын кезде мұңдасым,
Қуанышты сәттерде
Өзіңсің тағы жырласым.

О, Ана!
Мейірімді жан едің!
Бір қолыңмен бесікті,
Бір қолыңмен әлемді,
Тыныштық бағып тербедің.

О, Ана!
Шабытымды шарпыдың,
Жағаладым жалыныңды.
Қасиетің ба, қадірің ба?
Идірдің алпыс екі тамырымды.


О, Ана!
Тірегім де өзіңсің,
Жүрегімде өзіңсің,
Айтатын әркез сөзімсің.
Өзіңсің ана, өзіңсің,
Аз қызыққа мәз болған,
Көкірегіңе наз толған,
Жатқа кетсем төрімсің.
Іс бастаған оң қолдан,
Бата беріп оң жолдан,
Құлыным дейсің аймалап.
Айналайын, ана жан,
Мадақтауға тұлғаңды,
Жалықпаймын қайталап.
Дұрысымды асырған,
Бұрысымды жасырған,
Мен гүл болсам қырмызы,
Сенсің ана – жайған бақ!

О, Ана!
Неткен байтақ едің сен!
Жер анадайсың керілсең.
Иен құшағың бірде тар,
Бірде шексіз, бірде жар,
Қасиетіңнен айналдым!

Бұрымды шашың толқындай,
Майланған өзен сияқты.
Жанарыңа жас толмай,
Бастаудан бойлап ол ақты,
Кей кезде таңғы шықтардай,
Тұрады мұңмен мөлдіреп,
Кірпігіңе жармасып,
Үзілейін деп үлбіреп.

О, Ана!
Неткен қамқор жан едің!
Білегіңді сыбанып,
Әлденеге қуанып,
Тынып таппай жүресің.
Қабақты да шытасың,
Жібек көйлек кепкенше,
Сондай жайлы мінезің!

Асыл анам, нұр шашқандай келбетің,
Сенсіз басып жүре алам ба жер бетін?
Бір қолыңмен балаң жатқан бесікті,
Бір қолыңмен ұлы әлемді тербеттің.

Ана, жаным, жүре берші қасымда,
Сен өтпеген, бәлкім, осы асу ма?
Әркез маған бата беріп жол нұсқап,
Айтатынсың: «Құлыным-ау, жасыма!».

Сұм тағдырды кешіп өттің басымнан,
Сондықтан да ширақ болдың жасыңнан.
Кешір ана, қателессем кеше көр,
Бірақ алыс кете көрме қасымнан.

Аяулы Ана! Шығар шыңдарыңыз, бағындырар биіктеріңіз, алар асуларыңыз көп болсын! Әрқашан Алланың назарында, бақыттың базарында шалқып тасып жүре беріңіз! Сізге сарқылмайтын денсаулық, таусылмайтын бақыт тілейміз! Арамызда бүгінгі күндей жарқырап, күліп-ойнап жүре беріңіз!

Өмірдің әр қырынан іздеп арай,
Бақыт құсы самғасын Сізге қарай.
Алпыстың асуынан еркін асып,
Сәтті қадам басыңыз жүзге қарай!

Ұрпақтарын таралған
батасымен жебеп тек,
Етегіне оралған
немересін өбектеп.

Жетегіне ап қайда да
қиқар ұлды ойнатып,
Жүруші еді аулада,
сар самауырын қайнатып.

Ақ жаулығы басында
иығында сұр жемпір,
Қазан-ошақ қасында
жүруші еді бір кемпір...

...Анам менің жоқ қазір
аспанжа жүр, жерде емес.
Жоқта жүрек, жоқта жыр
Мұның бәрі енді елес.

Анам, Әкем, Отаным – үш шынарым,
Үш шынарым, үш тұмар, үш бұлағым,
Сендерге арнап сайраудан танбас та едім,
Білсем барлық адам мен құстың әнін.

Кезімде мың тұрып, мың құлаған,
Жылуыңмен сендердің жүрмін аман:
Тал бесігін тербетіп, «Балапанын»
Әніменен ұйықтатқан бұлбұл – Анам.

«Шиыр жолға аласы, құласы бар
Тәуекел мен Үмітің ғана шыдар,
Елім аман болсын де» деп үйреткен
Сен едің ғой, сен, Әке, дара шынар!

Жұмағың да - ата-ана туған жері,
Екеуінің ақ отау тіккен жері.
Сол жұмағың – Отаным, ең биігім,
Тек сол жерде өмірім думан менің!

Артқан соң бала сенім,
Дертімнің дауасы едің,
Биік қой бұл өмірде,
Қадірің ана сенің.

Өмірге қадам мығым
Анашым – панам, күнім.
Баланың бақыты мен
Ойлаған амандығын.

Болған соң ұлтқа тірек,
Анада құт-қасиет.
Білемін ананы мен
Әлемнің тұтқасы деп.

Сен үшін атқан таң ақ,
Тек жалғыз хаққа аманат.
Ананы сүю керек
Мәңгілік баққа балап!


Анасыздар, әр үйге панасыздар,
Бала десе от болып жанасыздар.
Сәтті басса ұрпағың,- мерей тасып,
Қыз күлкісін сусын қып қанасыздар.

Анасыздар — Ақ Еділ, Жайықсыздар -
Жүзе алмайды өтінде қайықсыздар.
Маздататын, жүректе от лаулататын,
Әр үйдің Күні десе,- лайықсыздар.

Өр десек те сіздерді, — лайықсыздар.
Төр десек те сіздерді, — лайықсыздар.
Ер десек те сіздерді, — лайықсыздар.
Зор десек те сіздерді, — лайықсыздар.

Анасыздар, кең байтақ даласыздар.
Жаны жайсаң жеңімпаз данасыздар.
Көлеңке жоқ көңлінде, қылауы жоқ,
Үлбіреген жауқазын баласыздар.

Сіздер — Күнсіз, аспанда жарқыраған,
Сіздер — өзен, тау суы сарқыраған,
Сіздер — ана, сіздер — жар, сіздер — қыздар,
Сіздер — жаңбыр, ақ нөсер сарқыраған.

Біз сіздерсіз тіршілік ете алмаймыз.
Дегенге де сіздерсіз жете алмаймыз.
Айнала ұшып сіздерді көбелек боп,
Өртеніп қастарыңнан кете алмаймыз.

Құлайын деп бара жатам құлдырап,
Көңілім жүдеп, көзім алды бұлдырап,
Сол кезде бір ән естимін жақыннан,
Аққан бұлақ секілденген сылдырап.
Есім жиып, өз бойымды тік ұстап,
Тіршіліктің әуенімен тыныстап,
Сергимін де, сезім гүлін құлпыртам,
Кел дегендей болады бір күміс бақ..
Сөндім-ау деп, өлдім-ау деп ышқынып,
Қалған кезде бойымдағы күш бұғып,
Сөнбейсің деп дауыстайды анашым,
Мен орнымнан жығыламын үш тұрып.
Ойнап шығам содан кейін құрақтай,
Жарқылдаймын жүрегімді жылатпай,
Мүмкін,мүмкін ана махаббаты шығар бұл,
Мені сүйеп келе жатқан құлатпай.

Батыр да туған анадан, ақын да туған анадан,
Ананың биік тұғыры – анадан туған бар адам.
Пайғамбарымыз Мұхаммед ананы құрмет санаған,
Анаға мәңгі борыштар елдегі барлық дана адам.

Ақ сүтін беріп өсірген, бұзық болсам - кешірген,
Тілін алсам – айналған, күнәм болса - өшірген,
Ақ анашым, анашым, саған тәнті бала шын!
Мөлдір, кәусар бұлақсың, мен сүрінсем – жылапсың,
Шыңға шықсам – қуанып, мен құласам – құлапсың,
Ақ анашым, анашым, сендей бар ма жанашыр?

Не бар екен анадан қымбат маған,
Тал бесікке бөлеген, құндақтаған.
Көз алдымнан ұзасаң сымбатты анам,
Сағынғаннан бір сені күн батпаған.

Жүрегіңнің жылуын шашқанда ана,
Оранады шуаққа аспан-дала.
Қасиетін ананың түсінеді,
Адамшылық жолымен басқан ғана.

Ойлап кетсем отырып анашымды,
Бұтақ жайған бәйтерек пана сынды.
Жинаған соң бойыма бар асылды,
Өтіп жатыр өмірім жарасымды.

Қалсам мен бүгін де егде тартып,
Еркелікті мойныңа келем артып.
Бас ауырып, балтырым сыздай қалса,
Жан таппадым жанашыр сенен артық.

Бүкіл тірлік аспанда күнім ғашық,
Ана жайлы ақтардым сырымды ашып.
Мерекесін аналар арқау етіп,
Кетті бүгін кеудемнен жырым тасып.

Жалау болып ананың ақылы ізгі,
Құлшындырып еңбекке жатыр бізді.
Өнерлі өрен өсірген елге лайық,
Әлия мен Мәншүктей батыр қызды.

Құлпырғанда кең далам шуағымен,
Қуанышпен көңілді жуа білген.
Құттықтаймын аналар мерекеңмен,
Нұрландырған өмірді қуатыңмен.

Өмірдің артқан жүгіне,
Мойымапсың да сынбапсың.
Үңілем жүрек түбіне,
Шешуін іздеп жұмбақтың.

Жетсемші дедің тілекке,
Сая боп бізге қанатың.
Дау бар ма
Ана жүрекке,
Бала үшін
Бәйек болатын.

Бар жоқты білмей шалқыдық,
Бұла боп өстік еркелеп.
От пенен өртке шарпылып,
Ағарды шашың ертерек.

Қыздарың ұшты қияға.
Ұлың да қонды ұяға.
Екі ауыз сөзге сия ма,
Ерлігің ерен ұлы ана.

Шаттыққа толар шартарап,
Анашым барда жаны ізгі.
Барсаңда Мекке арқалап,
Өтелмес ана парызы.

Өн бойың-үлгі, өнеге,
Парасат табам,
Бақ табам.
Немере деген немене,
Сарқытың бар ма сақтаған?

Ардақты ана есімі,
Әлі алда өмір несібі.
Тойласын жүзді туажат,
Тербетіп бақыт бесігі.

Сіз біздің Күнімізсіз жарқыраған,
Анадан қуат алған жарты ғалам.
Құны мен қасиеті тозбайтұғын
Біз үшін Ана деген алтын адам.

Анажан, көп көрдіңіз қасіретті,
Бұл күнде көзіңіздің жасы кепті.
Орныңда бар оңалар дегендейін,
Жаратқан шапағатын шашып өтті.

Әкеміз Мұрат бірақ көре алмады,
Ішінде кетіп еді көп арманы.
Аруағы оның Сізге ырза шығар,
Өзі еккен жайқалып тұр көк орманы.

Ырыс боп Түсен ата әулетіне,
Келесіз бақ боп дарып дәулетіне.
Біздерді жеткізем деп жан салдыңыз,
Ананың бала деген бауыр еті де.

Анажан, өрлей берсін өр кемеңіз,
Ақтауға ақ сүтіңді тер төгеміз.
Мың жасап үрім-бұтақ ортасында,
Мәңгілік үстем болсын мәртебеңіз!

Баршамызға бақытты өмір беріп,
Бойымызға орнаттың сенім берік.
Қашан болсын орын ап төрімізден
Отыра бер көркейіп, көңілденіп.

Көсегеміз көгеріп бір өзіңмен,
Жылылықты сеземіз гүл өңіңнен.
Отбасыңа мейірбан бола білдің,
Нұр сәулелі нәп-нәзік жүрегіңмен.

Құтты болсын бүгінгі мерекеңіз,
Сіз бар кезде асқармен теңесеміз.
Алшаң басып жүре бер арамызда,
Тарқамасын әрдайым берекеңіз.

Жүрегімді жарып шыққан бар ізгі тілектерім өмірдегі ең қымбатты да ардақты жан – ана, өзіңе арналады. Бізді өмірге әкеліп, ақ сүт беріп, аялап өсіріп, тұмсықтыға шоқтырмай, осы күнге жеткізгенің үшін алдыңда мәңгі қарыздармыз. Мейірім мен махаббаттан жаралған кең жүрегіңізден, қызуы тұла бойымызды жылытқан ыстық алақаныңыздан, айналайын деп маңдайымыздан емірене сүйіп, еркелеткен үніңізден артық біз үшін ешнәрсе жоқ. Анашым, жүзіңізден шуақ кетпей, біздің ортамызда күліп-ойнап, шаттыққа кенеліп, бақытқа бөленіп жүре беріңіз.


Сіз жасаған қызметті
Күн мен Жұлдыз, Ай көрген
Анаңдай азиз мейірбан
Табылар саған қай жерден?

Ыңылдап даусың шыққанда
Көзінен ұйқы ашылған
Мейіріңді суға қандырған
Мейірбан бар ма осыдан?!
Көзінен ұйқы тараған
Қабағыңа қараған
Анаңдай қамқор бар ма екен!

Перзентке жұмсаған бұла күшін,
Ана – ырыс, бақ – дәулет,
Жұбанышың.
Көкбөрінің тегінен тарағандар,
Құтты болсын бүгінгі қуанышың!

Тал бесікке тірлікті ілмектеген,
Мадақтауға Ананы тіл жетпеген.
Алатаудың шыңына ту тігеді,
Анасына той жасап, құрметтеген.

Елу жасқа толыпсың анам бүгін,
Түрлендірсін ақ тілек өмір гүлін.
Құтты болсын дүниеге есік ашып,
Алғаш рет сәби боп келген күнің.

Орындалсын, анажан, басты арманың,
Жалындатсын нұрыңыз жастар жанын.
Ұлы тойға ұлассын туған күнің,
Жақсылыққа жайылып дастарханың.

Жеміс берсін тер төккен еңбегіңіз,
Бақыт болсын әрдайым көргеніңіз.
Жүзге жетіп баянды ғұмыр кешіп,
Арта берсін абырой беделіңіз.

Бәрі де, Ана,
Бір өзіңнен басталды.
Сен деп жаздым алғаш өлең дастанды.
Қуандым ба,
Өзің бар деп қуандым.
Жыладым ба,
Өзің жоқ деп жас тамды.
Бәрі де, Ана,
Бір өзіңнен басталды.
Жанарыңнан көрдім алғаш аспанды.
Еркелесем, бір өзіңе еркелеп,
Жасқандым ба,
Тек өзіңнен жасқандым.
Алғашқы дәм, ол да сендік сүт еді,
Ақ сүт берген қашанда үміт күтеді,
Отанымның өзі сенен басталып.
Жауларыма жеткен жерден бітеді.

Қымбатты мама!

Бұл күнде сізге перзенттік махаббатымыз жүрек түпкірінде әрдайым тербетіп жүретін ең ізгі де ыстық сезімімізді білдіргіміз келеді. Тағдырдың жазуымен бұйырған бес тал гүліңізді бір өзіңіз аялап, бізді жеткізсем деп талай күндеріңіз бен түндеріңізді күлкісіз де ұйқысыз өткізгеніңіздің қандайлық азап екенін алдымыз балалы болып, соңымыз сізге күйеу бала мен немере қуанышын сыйласақ деген ойда жүргенде жете түсінгендейміз. Содан да болар, жан-жаққа тарап кетсек те есіл-дертіміз өзіңіз жылытып отырған алтын ұямызда, «алтындарымның бірі келіп қалар ма екен», деп үлкен жолға үнемі көз тігіп жүретін өзіңізде. Торыққанда – ақылшымыз, жабыққанда – сағынышымыз, өзіңізсіз. Мынау өмір сіз арқылы қызық, мағыналы, қымбат. Құдай сізге алдағы кезде тек бақытты ғұмырын бергей.

Әлпештеген, аялап асыраған,
Аяулы ана, ақ ниет асыл адам.
Ұрпақ үшін тірлікке нұрын төккен,
Қиын-қыстау күнде де жасымаған.
Сыздағасыз,
Сан рет мұздағасыз,
Шәкіртке де,
Бізге де ізгі анасыз.
Бағымыздың бұлбұлын сайрататын,
Жанымыздың жайлауы Сіз ғанасыз.
Лаулаймыз да, Сіз барда жанамыз да,
Қосып сізді сан әнге, сан аңызға.
Аялаған аққуын айдындай боп
Асыл Ана, жүре бер арамызда!

Өмірге әкеліп өсірдің
Жақсы істі басыма көшірдің.
Қарызбын өзіңе мәңгілік
Мейрамда ағымнан көсілдім.

Туған күнің тойлануда той болып
Көрген бейнет зейнет болып, ой толып.
Барлық жанның тілектері қабыл боп
Әумин десін періштелер мол толып.
Деніңізге саулық берсін Жаратқан
Сен сәулесің жерге нұрын таратқан.
Немере мен шөберені көп көріп
Дана қарт бол елді аузыңа қаратқан.


Ана деген атқа иесің керемет
Бар қасиет жүгін жиған сөрелеп.
Ана сенің мейрамыңда бүгінгі,
Бергім келер бақ тұлпарды өрелеп.

Балалардың панасы,
Ақыл-ойдың парасы.
Тәрбиенің бастауы,
Аман жүрші,Анашым!

Тал бесікті тербеткен ұйықтамастан,
Басқан жері әрқашан құтқа басқан.
Анашыма еркелеп пана тұтам
Сен дегенде арманым бұлттан асқан.
Қалай ғана қайтарам қарызымды,
Саған ғана өткізе алам арызымды.
Балаларын баптаған саулық тілеп,
Қадірлеймін,Ана, сенің әр ізіңді.

Қолыма қалам алдырған Жаратқанның сыйлығы,
Ойыма өріс кеңейткен Анажанның бұйрығы.
Шып-пыр көңіл күй кешкен бозторғай сынды қорғаным,
Жаныңда сенің жаманның бір тұтам болар құйрығы.

Туған күнде денсаулықты тілеймін,
Тек өзіңе шаттық тілеп күлейін.
Қабағыңды мұң шалмасын,жан Ана,
100-ге дейін өзіңменен күлейін.

Туған күнің денсаулықты тілейін
Әр жыл сайын бақыт тілеп жүрейін.
Балалардың қызығын көр,Анашым,
Бар арманың орындалсын тілеймін!

Арманым менің шалқайма
Қартайма,Анам,қартайма.
Тағдырың саған бақ беріп
Күлкінің ізін салғай да.
Қартайма,Анам,қартайма
Бақыттымын деші,жантай да.
Немерең өсіп,шөпшек көр,
Отаның толсын,ортайма.

Бүгін мейрам! Не тілейін,Анашым?
Көз жетпейтін биік тұрсың,дарасың.
Сөз жетпейтін әдемісің, әсемсің,
Адамзаттың бастауысың,данасың!
Бүгін мейрам! Не тілейін,Анашым?
Мына өмірден тапшы дейін жарасым.
Отбасының ұйытқысы,көркісің
Бізді бастап болашаққа барасың.


Іздесем теңеу таба алмадым саған лайық,
Есіміңнің қасында болам жай ық.
Ана деген ұлы атты берген АЛЛА,
Басқа теңеу тең келмес,бұл-ғажайып!
Мақтан тұтам өзіңді осы үшің де
Ана деген атқа иесің өз күшінде.

Адамзаттың бар ұрпағын таратқан
Әр ісімді өткізетін сараптан.
Қарызымды қайтарайын там-тұмдап
Ауыртпашы, бақ бере гөр,Жаратқан!

Көтеріпсің шыдаммен еркелікті,
Ерте жастан бала деп тер төгіпті.
Арқаң сенің қайысты-ау қиындықтан
Жастық күнің;Анашым,ерте өліпті.
Бүгін жалғыз жеттің-ау арманыңа,
Бақыттысың немереңнің болғанына.
Тек ауырма қалғанын бізге қалдыр
Бір көреміз тағдырдың салғанын да.
Қалмасын тек тістің ізі бармағыңда
Бізге атады бақыттың таңдары да.

Мейрам күні көңілді әсем ән керек,
Балаң бүгін күніңді әсем әрлемек.
Бар бақытты тілеймін деп өзіңе
Ендігі өмір қуанышпен сәндемек.

Қуат берер бір жаным бар әлемде
Жалғыз лайық барлық саулық-сәлемге.
Анашым-ау сағындым ғой өзіңді
Болсам да алыс сөзің шипа жан емге.

Көп ренжітіп аламын-ау сені,Ана,
Жүрем сосын опынумен мұңдана.
Кешір,Ана,кіналама балаңды
Әзірге осы сыйлар сыйым жыр ғана.
Өмірдегі ең асыл жан сен ғана
Туған күнің келе жатыр енді,ана,
Денсаулығын мықты болсын,күліп жүр
Құшағыңда еркелейін кең дала!


Анасын 50 жасымен туған күніне арналған құттықтау тілек сөз

Әрқашан да күліп жүрші,Анашым,
Жан жетпейтін асқақ тұрған дара шың.
50 жасты еңсеріп те тастапсың
100 жасаңыз, маған өзің панасың!


 Ана-мейрам, Ана-таза,таңғы шық,
Ана десе атады әркез таң күліп.
Аналардан бастау алар жақсы істер
Тарихтардан айтар жартас жаңғырып.
Ана-шаттық,жүрер жерін сән қылып
Мінезіне қайран қалам,таң қылып.
Еркелігін баласының көтерген
Төзімділік Анажанға тән қылық.


Жамандықтан жиіркене қаштың да
Адалдыққа ашық қадам бастың да.
Балапаным,аман бол деп қорғайсың
Жұмақ кілті табаныңның астында.
Қарызымды қалай ғана өтермін
Ақымақтау мінезімді көтердің.
Қуанасың сәл биіктен көрінсем
Ана сенің тырнағыңа жетер кім.


Ана дейді жүрегім жарылардай
Еркелетсең мұңымнан арылардай.
Мейрамың құтты болсын мерейлеткен
Алыстан сәлем саған сағынардай.


Сізге деген тілегім таусылар ма
Әр тілек бар жаңбырлы тамшыларда.
Сансыз тілек тілеймін жақсылықтың
Әумин десін періште таң шығарда.


Әкеммен не көрсе де бірге көрген
Қиындықты жеңісіп бірге көмген.
Қуаныштың терегін бір көркейтіп
Шаңырақтың шыбығын бірге өрген.
Ана сізбен әдемі біздің үйде
Әдемі әнді ұластырар сәнді күй де.
Отасының ұйытқысы берекесі
100 жасаңыз әкемізбен мәңгі бірге!

Амандарым атойлаған тілегіңнен нәр алып
Сезімдерім серпіледі жүрегіңнен нәр алып.
Ана саған бар бақытты,бар бақытты тілеймін
Сенің арқаң жүргенім де адам болып саналып.

Мені әрқашан қолдаған бар ниетпен
Қос ішекті қосып тұрған тиекпен.
Бір сипасаң болғаны маңдайымнан
Жеңістердің таңы атады көк жиектен.

Күлімдеген көздеріңе сүйсінем
Құшағыңда еркелеймін күн сіңген.
Жастан жасқа аса бергін,Анашым,
Баласының бар қылығыны түсінген.

Бастау болар бұлақтың көзі,
Мен үшін заңды Анамның сөзі.
Қолыңда сенің жібекке айналар
Қораштау көрінген матаның өзі.
Алақаның сенің бейне бір ғажап
Тұрса да оны қиындық қажап.
Осынау жеткен белесіңде енді
Көрмеші,Анам, ешқашан азап!


Мақтан етем жеткен биік-белесіңді
Еңсең неткен жоғары еді кеме сынды.
Айтқан сөзің ақылдың бұлағындай
Толтырып алсам деймін тегешімді.
Мен,сірә, бола алам ба дәл өзіңдей
Арман қуам түн баласы бір көз ілмей.
Саулығыңды тілеймін әр таңдарда
Мұң атаулы көшіп кетсін бір сезілмей.

Таттың өмір тәтті,ащы,кермегін,
Сонда да алға құлаш ұра сермедің.
Балаларың үшін желге тік қарап
Өмір-дауыл құрсауына бермедің.
Қарыздармын,сансыз сенің еңбегің,
Қайғырмасын балам деумен терледің.
Мың алғыс та айтсам саған аз болар
Ауырғанда көз ілместен емдедің.

Жүрегіңде жамандыққа орын жоқ,
Анашыма айтар алғыс,тоным көп.
Бақытты боп күліп ойнап шаттаншы
Жүрген жерің сый-құрметті төрің боп.

Анама айтар тілегім таусылмайды
Ән салайын қолыма алып саз сырнайды.
Барлық асқақ арманың орындалсын
Тілекшімін, тілегім еш сарқылмайды.

Ақ батаңмен жолыма аттанғанмын,
Сөздеріңнен нәр алып шаттанғанмын.
60 жасың мерейлі құтты болсын,
Еңбегіңнің еленіп ақталған күн.
Мәртебеңнің мерейі сақталған күн,
Адалдықтың ары тағы жақталған күн.
Тағы бір 60 жасты жасап таста
Бақыт жеңіп қиындықтан тақты алған күн!


Анасын 70 жасымен туған күніне арналған құттықтау тілек сөз

70 жасың құтты болсын бүгінгі күн мерейлі
Тілектерді айтайын бүлкілдетіп көмейді.
Ақ жаулығың ақылдың туы болған,Анашым,
Періштелер әумин деп тілегімді жебейді.
Шуылдассын айналып немерең мен шөберең
Шаңырағың шайқалмай кеңейсін тағы керегең.
Көретін әлі қызық көп, 100-ден ассын ғұмырың
Ортамызда отыршы ақылды беріп демеген.


Орман болсақ мәпелейтін сен бағбан,
Бағдар берген жұмақ кілті сен қағбам.
Тілек тілеп жақсы ниет әрқашан
Ең жақсы ән өлеңімді мен жазғам.
Құттықтаймын,Анашым,мейрамыңмен
Бақыттысың өмірден жиғаныңмен.
Бала-шаға қызығын бірге көріп
Әкеммен бақытты бол сыйладым мен.


Әлдилеп тербеп өсірдің
Қатемді әркез кешірдің.
Еркелеп саған жаныңда
Болғаныңда есірдім.
Көтердің бәрін төзіммен,
Аналық мейір сезіммен.
Өшпестей жақсы із қалды
Балалық балдай кезімнен.


Теңіздейсің толқыған тылсымыңмен
Бәйтерксің өскен бала-бүршігіңмен.
Күлім күнсің гүлдеріңді мәпелеген
Жарық түнсің жұлдызыңмен жетелеген.


…-жасқа келдің сен бүгін
Ашып бақыт қонған үйдің түндігін.
Еңбегіңнің жемісін көруменен,
Ата берсін қуанышпен әр күнің.


Жатсам,тұрсам ойлайтыным,Анашым,
Қазір не істеп ,шыгып қайда барасың.
Жақсы ісіңді еске салып өткеннен
Күндерімнің көрем ақ пен қарасын.
Қыса алмадым бүгін сенің қолыңнан,
Мейрамыңда алыстамын жаныңнан.
Бар бақытты,денсаулықты тілеймін,
Қабыл алғын сәлемімді сағынған.


Анасын 40 жасымен туған күніне арналған құттықтау тілек сөз

Қырықтың қырқасына жеттің,Ана,
Отбасыңа мейірім дәнін септің,Ана.
Шып-пыр боп баласы үшін тағат таппай
Тоқшылықтың шыбығын ектің,Ана!
Бағалаймын,мақтаймын бұл ісіңді
Саған орай шақтаймын мен күшімді.
Бақыттың отауында төрде жайғас
Әкемізбен ұзақ жаса кең пішімді.


Ананың орны бөлек бала үшін
Балаға тура таудай дара пішін.
Мейрамың құтты болсын,Анажаным,
Мейірімнің көрінісі дана мүсін.


Ұйқыдан көзім ашқанда
Алдымен сені іздегем.
Тәй-тәйлап қадам басқанда
Алдымнан үміт үзбеген.
Жан бар ма асқан өзіңнен
Жүрегіңнен сый ұқтым.
Отбасың болсын бақытты,
Төзімнен тасы биік шың.


Анашым 60 жасын құтты болсын!

Әсем сөзді кестелесем жүректен
Қазынаны қазып алсам күрекпен.
Сыйлап саған бәрін берсем қуантып
Бақытты жан болар едің тілекпен.
Керемет той бүгін бізде болуда,
Қуаныштың құсы келіп қонуда.
Отбасының мақтанышы,жүрегі,
Анажаным 60-жасқа толуда.
Тағдырың бақытты сый берсін баса,
Болмасын өміріңде мұңды таса.
Ортамызда ақыл беріп жүре бергін
Дәл осындай 60-ты тағы жаса!


Көктемнің шуақты күнінде
Әдемі мереке түрінде.
Өтуде нұр шашып бір мейрам
Анашым,әрқашан күлімде.


Анам деймін еркелеймін өзіңе,
Ұйып келем әрбір ақыл, сөзіңе.
Тәрбиенің тал бесігін тербеткен
Қарай берем мейірім толы көзіңе.
Туған күнің сенің бүгін қуанған,
Жасыңа жас қосылсын тек жүр аман.
Асқар тауым әкемменен қос биік
Болып жүрші,саған ғана жұбанам.

Түп шыңырау тереңдегі мөлдір бұлақ,
Жаныңа жатсам мамық,жасыл құрақ.
Туған күнің құтты болсын,Анажаным,
Алақаның сипаған бейне жұмақ.
Өзіңнен үйренгенмін өмірдің әр сырын,
Жақсы мен жаманның айырып бар жігін.
Үйретіп жақсыны талмастан шаршамай
Қолыма ұстатқан мәңгіге ар жібін.
Алдыңда бас ием,ардақты Анашым,
50-ді еңсеріп еңкеймей барасың.
Тек бақыт тауына шығуың бұйырсын,
Біздерге ес болып жүре бер,дара шың.


Түзу жолда жүріп келем ақылыммен
Шындықты тура айтасың батыл үнмен.
Жасыңыз құтты болсын,жан Анашым,
Әр таңыңыз ата берсеін шатты үнмен!

Наурыздың ең әсем күнінде,
Бұйырған мейрамың бүгін бе.
Құт болсын мереке-мейрамың
Анажан әрқашан күлімде.

Ештеңені аямаған баладан,
Әлемдегі ең сүйкімді дара жан.
Шын көңілден құттықтаймын мен сізді
Мейрамыңыз құтты болсын,Анажан!

Бесігінде түн баласы тербеткен,
Анажанның туған күні бұл көктем.
Денің сау боп,аман болсын шаңырақ,
Менің Анам, әдемі едің сен неткен!

Жер бетіне өмір дәнін себетін,
Ананы АЛЛА әркез жақсы көретін.
Сол Ананың мерекесі дәл бүгін
Шайқамайық Ана-өмір кемесін.
…-жасқа толған менің,Анашым,
Әлі күнге еркелеймін саған шын.
Қартаймашы,мәңгі жас боп жүре бер,
Бағып алда шөберенің баласын!

Алақаның ыстық күн ғой мен үшін,
Қиындықты жеңе білдің небір шың.
Сол белестер артта қалып бүгінде
Шат күлкімен қаумалайды ұл-қызың.
Қандай баөыт ортамызда жүргенің
Бейнетіңнен зейнет көріп күлгенің.
Әр жас сайын жасара бер,жан Ана,
Бізге бақыт ұзақ ғұмыр сүргенің!


Қуанамын сені ойласам алыстан,
Келгендей бір ыстық сәлем ғарыштан.
Бейнең сенің көлеңкемдей ілесіп,
Ақ пейілің адымыммен жарысқан.
Мақтан тұтам әрқашан да шаттанып,
Ұстай алсам берер едім бақты алып.
Сендей ешкім алып,сірә,бола алмас,
Шыдайсың-ай қолыңды алса шоқ қарып.

Туған күн! Келемін қуана,
Кіргенде алдымда түрды Ана
Жасыңыз құт болсын бүгінгі,
Ешқашан қартайма, жылама!
Ақ моншақ сыйлаймын мойныңа,
Гүл толсын мерейлі тойыңда.
Кетсем де есейіп,ес біліп
Баламын тек сенің қойныңда.

Аналарға айтылған ән таусылған ба,
Таусылмайды ешқашан ауқымды ән да.
Мейрамы Аналардың құтты болсын,
Жете берсін даңқтары сан қырларға.

Ана десем теңеу жетпес жанды айтам,
Әлемді әркез тербететін жанды айтам.
Жастан жасқа толған туған күніңде
Мәңгілікке саптанкетпес сәнді айтам.
Ана, жасың құтты болсын бүгінгі
Қабыл алғын мына әсем гүлімді.
Гүлдей жайна,көркем күлкі бейнеңмен
Сен күлгенде менің түнім түрілді.

Құтты болсын бүгінгі мейрамыңыз,
Әр күнде тек шаттыққа жиналыңыз.
Балалардың бақытына қуанумен,
Тағдырдан денсаулықты сыйға алыңыз!


Қызының анасын туған күніне құттықтау тілек сөз

Мейрамыңыз құтты болсын,Анашым!
Сенен алам мол тәрбие парасын.
Денсаулық пен қуанышқа кенеліп,
Әкешіммен таба білгін жарасым.


Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  • Автор: ZHARAR
  • 1 401 040



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі
Пікір жазу
Пікірлер 14
  1. ана туған күніңмен
    6 + 5 -
    Аналарға айтылған ән таусылған ба,
    Таусылмайды ешқашан ауқымды ән да.
    Мейрамы Аналардың құтты болсын,
    Жете берсін даңқтары сан қырларға.
    +++++++++
    Мейрамыңыз құтты болсын, Анашым!
    Сенен алам мол тәрбие парасын.
    Денсаулық пен қуанышқа кенеліп,
    Әкешіммен таба білгін жарасым.
    +++++++++++
    Ана десем теңеу жетпес жанды айтам,
    Әлемді әркез тербететін жанды айтам.
    Жастан жасқа толған туған күніңде
    Мәңгілікке саптанкетпес сәнді айтам.

    Ана, жасың құтты болсын бүгінгі
    Қабыл алғын мына әсем гүлімді.
    Гүлдей жайна,көркем күлкі бейнеңмен
    Сен күлгенде менің түнім түрілді.


    Құтты болсын бүгінгі мейрамыңыз,
    Әр күнде тек шаттыққа жиналыңыз.
    Балалардың бақытына қуанумен,
    Тағдырдан денсаулықты сыйға алыңыз!

    ++++

    Алақаның ыстық күн ғой мен үшін,
    Қиындықты жеңе білдің небір шың.
    Сол белестер артта қалып бүгінде
    Шат күлкімен қаумалайды ұл-қызың.

    Қандай баөыт ортамызда жүргенің
    Бейнетіңнен зейнет көріп күлгенің.
    Әр жас сайын жасара бер, жан Ана,
    Бізге бақыт ұзақ ғұмыр сүргенің!

    +++++++++

    Қуанамын сені ойласам алыстан,
    Келгендей бір ыстық сәлем ғарыштан.
    Бейнең сенің көлеңкемдей ілесіп,
    Ақ пейілің адымыммен жарысқан.

    Мақтан тұтам әрқашан да шаттанып,
    Ұстай алсам берер едім бақты алып.
    Сендей ешкім алып,сірә,бола алмас,
    Шыдайсың-ай қолыңды алса шоқ қарып.

    +++++++++

    Туған күн! Келемін қуана,
    Кіргенде алдымда түрды Ана
    Жасыңыз құт болсын бүгінгі,
    Ешқашан қартайма, жылама!

    Ақ моншақ сыйлаймын мойныңа,
    Гүл толсын мерейлі тойыңда.
    Кетсем де есейіп, ес біліп
    Баламын тек сенің қойныңда.
  2. туған күніңмен анашым
    6 + 9 -
    Өз бақытын, қуанышын өзі өмірге әкелген перзенттерінің қылығынан, қызығынан іздейтін аяулы Анам менің! Сізге әлемдегі бар жақсы тілекті үйіп-төксем де аз. Алла сізге ең алдымен мықты денсаулық берсін! Әрқашан жүзіңізден мейірім нышаны кетпей, айналаңызға нұрыңызды шашып, Аналық баққытқа кенеліп жүре беріңіз!!!

    Батыр да туған анадан, ақын да туған анадан,
    Ананың биік тұғыры — анадан туған бар адам.
    Пайғамбарымыз Мұхаммед ананы құрмет санаған,
    Анаға мәңгі борыштар елдегі барлық дана адам.
    Ақ сүтін беріп өсірген, бұзық болсам — кешірген.
    Тілін алсам — айналған, күнәм болса -өшірген.
    Ақ анашым,анашым, саған тәнті бала шын!
    Мөлдір, кәусар бұлақсың, мен сүрінсем — жылапсың,
    Шыңға шықсам — қуанып, мен құласам — құлапсың,
    Ақ анашым, анашым, сенбей бар ма жанашыр.

    ********

    О, Ана!
    Неткен ғажап есім ең!
    Сен дегенде елжіреп,
    Сен дегенде көсілем.
    Сен дегенде шалқимын,
    Болаттай жанып, балқимын.
    Ақшақардай айналып,
    Қыл гүліндей жайқалып,
    Самалың боп аңқимын.
    Сен үшін тартып тауқымет,
    Найзағайдың ұшқынын
    Жүрегіме шаншимын.

    О, Ана!
    Неткен жеңіл есім ең!
    Үш әріптен құралып,
    Үш жүзді жалғастырып ең.
    Мәңгіге мұрағаттаулы
    Баға жетпес шежірең.

    Тыңдаушы, бір сәт елең ет!
    Айтуға жеңіл емес пе?
    «Ана» деп тіл қат, керемет!

    О, Ана!
    Тірегім де өзіңсің,
    Жүрегімде өзіңсің,
    Айтатын әркез сөзімсің.
    Өзіңсің ана, өзіңсің,
    Аз қызыққа мәз болған,
    Көкірегіңе наз толған,
    Жатқа кетсем төрімсің.
    Іс бастаған оң қолдан,
    Бата беріп оң жолдан,
    Құлыным дейсің аймалап.
    Айналайын, ана жан,
    Мадақтауға тұлғаңды,
    Жалықпаймын қайталап.
    Дұрысымды асырған,
    Бұрысымды жасырған,
    Мен гүл болсам қырмызы,
    Сенсің ана — жайған бақ!


    +++++++++

    Қымбатты мама!

    Бұл күнде сізге перзенттік махаббатымыз жүрек түпкірінде әрдайым тербетіп жүретін ең ізгі де ыстық сезімімізді білдіргіміз келеді. Тағдырдың жазуымен бұйырған бес тал гүліңізді бір өзіңіз аялап, бізді жеткізсем деп талай күндеріңіз бен түндеріңізді күлкісіз де ұйқысыз өткізгеніңіздің қандайлық азап екенін алдымыз балалы болып, соңымыз сізге күйеу бала мен немере қуанышын сыйласақ деген ойда жүргенде жете түсінгендейміз. Содан да болар, жан-жаққа тарап кетсек те есіл-дертіміз өзіңіз жылытып отырған алтын ұямызда, «алтындарымның бірі келіп қалар ма екен», деп үлкен жолға үнемі көз тігіп жүретін өзіңізде. Торыққанда — ақылшымыз, жабыққанда — сағынышымыз, өзіңізсіз. Мынау өмір сіз арқылы қызық, мағыналы, қымбат. Құдай сізге алдағы кезде тек бақытты ғұмырын бергей.

    Әлпештеген, аялап асыраған,
    Аяулы ана, ақ ниет асыл адам.
    Ұрпақ үшін тірлікке нұрын төккен,
    Қиын-қыстау күнде де жасымаған.
    Сыздағасыз,
    Сан рет мұздағасыз,
    Шәкіртке де,
    Бізге де ізгі анасыз.
    Бағымыздың бұлбұлын сайрататын,
    Жанымыздың жайлауы Сіз ғанасыз.
    Лаулаймыз да, Сіз барда жанамыз да,
    Қосып сізді сан әнге, сан аңызға.
    Аялаған аққуын айдындай боп
    Асыл Ана, жүре бер арамызда!

    * * *

    Аяулы Ана! Шығар шыңдарыңыз, бағындырар биіктеріңіз, алар асуларыңыз көп болсын! Әрқашан Алланың назарында, бақыттың базарында шалқып тасып жүре беріңіз! Сізге сарқылмайтын денсаулық, таусылмайтын бақыт тілейміз! Арамызда бүгінгі күндей жарқырап, күліп-ойнап жүре беріңіз!

    Өмірдің әр қырынан іздеп арай,
    Бақыт құсы самғасын Сізге қарай.
    Алпыстың асуынан еркін асып,
    Сәтті қадам басыңыз жүзге қарай!
  3. мама туған кунге сурет картинки
    4 + 8 -
    мама анашым ана сурет картинки
  4. ана сурет
    ана сурет 26.07.2021 22:03
    2 + 2 -
    анашым туған күнге тілек картинки
  5. мама туған күніңмен
    2 + 2 -
    Ананың аялы алақаны мен жылы жүрегіне, шексіз мейірімі мен кіршіксіз таза көңіліне тең келер ештеңе жоқ. Сондықтан да біздің аяулы аналарымыз бен ардақты әкелеріміз аман болсын.
    -------------
    Қадірменді арулар! Баршаға қадірін бағалатқан ізгілігі мол қазақтың ару қыздары болуларыңа шын жүректен тілектеспін.
    +++

    Сондықтан да аналарға арналған тілектерді топтастырып, оқырман қауымның назарына ұсынуды жөн көріп отырмыз.
    +++++++++
    Анамызға мол бақыт, қажымайтын қажырлы күш-қуат, сонымен қатар, әрине, бірінші байлық – денсаулық тілейміз.

    Жанары қуаныштан бал-бұл жанып, жанына жамандықтан келмей, айналасындағыларға пана болып, аман-есен жүре беріңіз.

    Аяулы Ана! Жасыңыз 100-ге келіп, ортамызда қызығымызға тоймай жүре беріңіз.

    ***

    Анамызды бүгінгі мерейлі 55 жасымен құттықтаймыз! Жалпы, өмірде «5» деген сан – өте жақсы сан, баламыз «5» алып келсе қуанамыз, болмаса, өміріміз, хал-жағдайымыз «5» десе, қуанамыз. Әрдайым қуанышта жүріңіз, «Ұлы бар үйде қуат бар, қызы бар үйде шуақ бар» деген, әрдайым қуатты, шуақты болыңыз, Анашым!
  6. Анама тілек
    Анама тілек 23.07.2021 02:21
    0 + 3 -
    Ана деген киелі есім, Алла берген бар мәнін,
    Күн шуағы төгілгендей мынау күні Алланың.
    Бар бақытты өмір саған Ана берген әрдайым,
    Барша Адамзат Аналарға басыңды ию - Аллаға!
    +++++++++++
    Аяулы Ана! Шығар шыңдарыңыз, бағындырар биіктеріңіз, алар асуларыңыз көп болсын! Әрқашан Алланың назарында, бақыттың базарында шалқып тасып жүре беріңіз! Сізге сарқылмайтын денсаулық, таусылмайтын бақыт тілейміз! Арамызда бүгінгі күндей жарқырап, күліп-ойнап жүре беріңіз!

    Өмірдің әр қырынан іздеп арай,
    Бақыт құсы самғасын Сізге қарай.
    Алпыстың асуынан еркін асып,
    Сәтті қадам басыңыз жүзге қарай!
  7. анаға тілек
    анаға тілек 23.07.2021 02:20
    4 + 4 -
    Жүрегімді жарып шыққан бар ізгі тілектерім өмірдегі ең қымбатты да ардақты жан – ана, өзіңе арналады. Бізді өмірге әкеліп, ақ сүт беріп, аялап өсіріп, тұмсықтыға шоқтырмай, осы күнге жеткізгенің үшін алдыңда мәңгі қарыздармыз. Мейірім мен махаббаттан жаралған кең жүрегіңізден, қызуы тұла бойымызды жылытқан ыстық алақаныңыздан, айналайын деп маңдайымыздан емірене сүйіп, еркелеткен үніңізден артық біз үшін ешнәрсе жоқ. Анашым, жүзіңізден шуақ кетпей, біздің ортамызда күліп-ойнап, шаттыққа кенеліп, бақытқа бөленіп жүре беріңіз.
    ++++++

    Анаға арналған әндер, жырлар, ізгі тілектер, жылы лебіздер қаншама! Халық арасында «Ана бір қолымен бесікті тербетсе, екінші қолымен әлемді тербетеді» деген қанатты сөз бар.

    Ендеше Анаға арналған жырымыз, әніміз, тілегіміз ешқашан таусылмауға тиісті, таусылмайды да.

    Өз бақытын, қуанышын өзі өмірге әкелген перзенттерінің қылығынан, қызығынан іздейтін аяулы Анам менің! Саған әлемдегі бар жақсы тілекті үйіп-төксем де аз. Алла сізге ең алдымен мықты денсаулық берсін! Әрқашан жүзіңізден мейірім нышаны кетпей, айналаңызға нұрыңызды шашып, Аналық бақытқа кенеліп жүре беріңіз!

    *** *** *** ***

    Бүкіл өмірін балаларына арнап, өмірлік серігіне адал жар, ардақты ана бола білген, бүгінде қызын-қияға, ұлын-ұяға қондырып, немерелерінің сүйікті Әжесі болып отырған асыл Анамыз, сізді бүгінгі мерейтойыңызбен шын жүректен құттықтаймыз!

    «Анаңды Меккеге үш рет арқалап апарсаң да қарызыңнан құтыла алмайсың» деген сөз бар.

    Ардақты ана, сізге қажымас қайрат, зор денсаулық тілей отырып, айналаңызға шуағыңызды шашып ұзақ өмір сүріңіз демекпіз!
  8. Анашым
    Анашым 05.02.2021 19:55
    6 + 3 -
    Туған күн құтты болсын деп атайды
  9. Гость Алишер
    Гость Алишер 26.11.2020 07:18
    0 + 2 -
    Анага жақсы ақпарат
  10. Гость Жансая
    Гость Жансая 25.11.2020 15:46
    1 + 3 -
    Мама ма тілек барма
    1. ZHARAR 25.11.2020 17:18
      2 + 2 -
      Ананың аяулы алақаны мен жылы жұрегіне, шексіз мейірімі мен кіршіксіз таза көңіліне тең келер ештеңе жоқ. Сондықтан да біздің аяулы аналарымыз бен ардақты әкелерңмңз аман болсын.





      Сан жылдардың жүзі болса да бір-біріңізге деген құрмет ортаймасын. Сыйластықтарыңыздың сыры кетпесін. Әрқашан анашым сый-құрметке бөленіп жүре беріңіз.
  11. Гость Индира
    Гость Индира 15.11.2020 18:28
    2 + 5 -
    Ана туған күніңмен құттықтаймын ?
  12. Гулнур Зекенова
    3 + 4 -
    3- 4 бет шығарма керек Менім жазғы демалысым
    1. Менің атым. Қожа
      0 + 0 -
      Менің ойымша қазақша уикипедияда бірнеше таңдаулы мақала статусын түсіру керек сияқты себебі олар өз кезегінде екі түрлі болады деп ойлаймын себебі неде деген мен бүжаймын де болса толық не қарап шығу үшін қолданылады себебі оның не сонша есе өсті бірақ оны жүзеге асырудың басты рөлді ойнаған рөлдері негізінен мен бүжаймын бір де бірі болды ал әкесі мен сені заблакировать мен бүжаймын де екі брлды де бірі болып табылады және мал шаруашылығы мен сені заблакировать де бірі болып есептеледі және мал жайылымына

Ілмектер: поздравления на казахском языке, Қазақша Құттықтау - тілек: Туған күн (Ана), Қазақша Құттықтау - тілек, Туған күн (Ана), Қазақша Құттықтау - тілек: Туған күн, поздравления с днем рождения на казахском языке маме, казакша куттыктау туган кунге анага мама, туған күнге тілек анама 50 жас, туған күнге құттықтау сөздер анаға 60 70 80 40 50 жас, туған күнге құттықтау сөздер анаға барлық жас, туган кун анага тилек, туган кун ана мама тилек, поздравления на казахском языке с днем рождения маме, туған күнге тілек мама анаға, туган кунге тилек анага кыскаша мама, туган кунге арналган тилек анага, поздравление маме с днем рождения на казахском языке, пожелания маме с днем рождения на казахском языке, туған күнге тілек құттықтау анама ана мама, туган кунге арналган тилек анама