Туған жерім - Жаңақорған

 Жаңарған Жаңақорған - менің елім,
Аңсайды барлық адам туған жерін
Аңсаймын сен де аңсайсың жер жəннəтін,
Жаңарып келе жатыр менің елім.

Туғанына қуанады осында ер,
Өйткені Жаңақорған керемет жер
Құлпырып, əсемденіп, жер жаңарып,
Көркейіп, алға қарай ұмтыла бер.

Адырбек Сопыбеков айқан атам,
Жаңарған Жаңақорған менің бабам
Өшпестей із қалдырды бізге атамыз,
Шыңдалып оның ізін жалғастырам.

Мен үшін жер жəннəті - Жаңақорған,
Бұл жерге қыдыр қонып, бақ дарыған
Көкендей көрегеннің ұрпағы боп,
Осындай туып өскен жерде дархан. 

---

Қажетті сілтемелер:

• Туған жер туралы тақпақтар
• Туған жер туралы барлық өлеңдер
• Туған жер туралы шығармалар жинағы