Нұһ сүресі

Нұһ сүресі казакша Нұһ сүресі на казахском языке


Нух сүресі (араб.: سورة نوح‎) Қасиетті Құран Кәрімнің 28-аяттан тұратын 71-ші сүресі.

Бұл сүреде Нұх пайғамбар жайлы және оның адамдарды Аллаһға қалай шақыруы жайлы жазылған. Расында Нұх (Ғ.С.) ты, еліне: "Қауымыңды күйзелтуші азап келуден бұрын қорқыт" деп, жібердік. (71:01) "Аллаһға құлшылық қылыңдар, Одан қорқыңдар, маған бағыныңдар;" (71:03)

Күн мен айдың жасалу мақсаты неге екені де осы сүреде еске салынады.
"Алланһың жеті аспанды қабат-қабат жаратқанын көрмедіңдер ме?" (71:15) "Олардың ішінде айды нұр қылып, күнді шам қылды." (71:16)



Аса қамқор, ерекше мейірімді Алланың атымен бастаймын.

Расында Нұх (Ғ.С.) ты, еліне: “Қауымыңды күйзелтуші азап келуден бұрын қорқыт” деп, жібердік. (1)

(Нұх Ғ.С.): “Шын мәнінде мен сендерге ашық ескертушімін” деді. (2)

“Аллаға құлшылық қылыңдар, Одан қорқыңдар, маған бағыныңдар;” (3)

“Күнәларыңды жарылқайды және өздеріңді белгілі бір мерзімге дейін кешіктіреді. (Өмір сүрдіреді.) Егер білген болсаңдар, шын мәнінде Алланың өлшеулі мезгілі жетсе кешіктірілмейді.” (4)

(Нұх Ғ.С.): “Раббым! Расында мен елімді күндіз-түні шақырдым.” (5)

“Бірақ шақыруым, олардың қашуын ғана арттырды.” (6)

“Расында мен оларды Сенің бағыштауың үшін шақырған сайын, олар саусақтарын құлақтарына тығып, киімдерін бүркенген бойда, қасарысып, паңданған сайын паңданды.” (7)

“Сосын рас мен оларды қатты дабыстап шақырдым.” (8)

“Одан кейін мен оларға ашықша да тіпті өздеріне көмес түрде жасырын да айттым.” (9)

(Сондай-ақ оларға): “Раббыларыңнан жарылқау тілеңдер. Өйткені Ол, өте жарылқаушы.” дедім. (10)

“Ол, сендерге аспаннан мол-мол жаңбыр жібереді.” (11)

“Әрі өздеріңді малдар, балалармен қамдайды. Және сендер үшін бақшалар жасап, өзендер ағызады.” (12)

“Алланың ұлықтығын ойламайтын сендерге не болды?” (13)

“Расында Ол, сендерді түрлі жағдайларда жаратты.” (14)

“Алланың жеті аспанды қабат-қабат жаратқанын көрмедіңдер ме?” (15)

“Олардың ішінде айды нұр қылып, күнді шам қылды.” (16)

“Алла, сендерді жерден өсіріп өндірді.” (17)

“Сосын сендерді, ол жерге қайтарады сонан кейін қайта шығарады.” (18)

“Алла сендерге жерді төсеніш қылды.” (19)

“Оның кең жолдарында жүрулерің үшін.” (20)

Нүх (Ғ.С.): “Раббым! Расында олар маған қарсы келді. Сондай-ақ олар, малдары, балалары өздеріне зияннан басқаны арттырмаған біреулерге ілесті.” (21)

“Олар зор айлакерліктер істеді.” (22)

Және олар: “Тәңірлеріңді тастамаңдар; Уад, Суағ, Яғұс, Яғұқ және Насырды әсте тастамаңдар” деседі. (23)

“Расында олар көпшілікті адастырды. Раббым! Сен де залымдардың адасуларын ғана арттыр.” (24)

Қылмыстарының салдарынан суға батырылды да отқа салынды. Енді олар, өздеріне Алладан өзге көмекші таба алмады. (25)

Нұх (Ғ.С.): “Раббым! Жер жүзінде кәпірлерден ешбіреу тұрғын қалдырма” деді. (26)

“Егер оларды қалдырсаң, құлдарыңды жолдан адастырады да бұзақы кәпір балаларды ғана тудырады; (27)

“Раббым! Мені, әке-шешемді, мүмін болып үйіме кірген кісіні және мүмін ерлер мен мүмін әйелдерді жарылқа! Сондай-ақ залымдардың жоқ болуларын ғана арттыр” деді. (28)




KZ » Сүрелер жинағы, сура нух на казахском языке сүре сүресі қазақша казакша, сүрелер қазақша, сүрелер қазақша текст аят, құран сүрелері аят, сурелер казакша текст скачать, куран сурелер казакша текст, сура на казахском языке, суры корана на казахском языке, Нұһ сүресі, сура нух на казахском языке сүре сүресі қазақша казакша, сүрелер қазақша, сүрелер қазақша текст аят, құран сүрелері аят, сурелер казакша текст скачать, куран сурелер казакша текст, сура на казахском языке, суры корана на казахском языке, Нұһ сүресі, Нұһ сүресі