20 мың теңгеге күн көруге бәстескен депутат бірнеше келіге арықтап кетті

Үш жарым мың рубльге (20 мың теңге) күн көруге бәстескен Саратов облысының дума депутаты Николай Бондаренко бір аптаның ішінде екі келіден аса салмақ тастағанын мәлімдеді. Бұл туралы Риа Новости сайтына сілтеме жасаған NUR.KZ хабарлайды.

Саратов думасының депутаты соңғы апта өміріндегі ең ауыр апта болғанын жасырмады.

Соңғы күндері тек жарма жеп жүрген ол өзге тамақтарға ақшасы жетпейтінін мәлімдеді.


Ас мәзірінде мүлде тәтті жоқ болғандықтан, жұмыс істеу қиынға соғып жүргенін де депутат ашық айтты.

Соңғы жылдары салмағы бір деңгейде тұрған депутат бір аптаның ішінде екі келіден аса салмақ тастаған екен.


Естеріңізге сала кетейік, депутат еңбек, жұмыспен қамту және миграция министрі Наталья Соколовамен бәстесскеннен кейін үш жарым мың рубльге бір ай күн көруге бел буған болатын.