С.Торайғыров «Шығамын тірі болсам адам болып» өлеңі. Қазақ әдебиеті, 6 сынып, нұсқаулық.

Оқушылардың сабақ үстінде белсенді болуы мұғалім қолданған тәсілге де қатысы бар. Тақырыпты, талдау сұрақтарын жүзеге асыру үшін «Шеңбердегі әңгіме» тәсілін пайдаланған жөн.

• Оқушылар бір-біріне қарап отыратындай қылып ортаға (ішкі және сыртқы) шеңберге отырады.
• Бір-біріне қарап отырған жұптар тақырып бойынша 3 минут пікірталасады. Әрбір оқушы 90 секунд сөйлейді.
• Уақыттың біткенін мұғалім қызыл карточка көрсету арқылы белгі беріп отырады. Үш минут біткеннен кейін сыртқы топ орнынан тұрып жылжиды.
• Мұғалім қызыл карточканы көрсеткеннен кейін тоқтайды, басқа оқушыға қарсы отырады.
• Өз ойын айтпас бұрын, өзінен бұрынғы оқушының ойын қорытындылайды.
• Біткеннен кейін, сыртқы топ тағы да орнынан жылжиды.
• Жаңа сұхбат басталғаннан кейін алдындағы екі кісінің ойын қорытындылап айтады.

3-тапсырманы жүзеге асыру қадамдары:

• Оқушыларға берілген сұрақтар бойынша ойларынды қабырғаға жапсырылған қағазға жазыңдар деген тапсырма беріледі.
• Үш сұрақ жазылған А4 қағазы сыныптың әр қабырғасына жазылып ілінеді.
• Оқушылар орындарынан тұрып, әрқайсысы жауабын жазып кетеді.
• Соңында жазбалармен толықтырылған қағаз топ ортасына тасталады.
• Топ мүшелері өзіне берілген жазбамен танысқаннан кейін ортақ жауапты сынып алдында айтады.
• Үш сұрақ бойынша үш топ сөйлегеннен кейін бақылаушы топ осы сұрақ бойынша қорытынды шығарады.
• Ақынның сол заман үшін білімді насихаттауы, мақсат жолындағы ұмтылысы, надандықпен күресі заман үшін жаңашылдық. Қазір де өзектілігін жоймаған.тсс