Боксшы Бақтияр. Қазақ тілі, 6 сынып, сабақ жоспары. 9 сабақ.

7. Спорт. Белгілі спорт жұлдыздары.

Мектеп:

Күні:

Мұғалімнің аты-жөні:

Сынып:

Қатысқандар:

Қатыспағандар:

Сабақтың тақырыбы

Боксшы Бақтияр

Осы сабақ арқылы жүзеге асатын оқу мақсаттары

6.1.3.1 тыңдалған мәтіннің мазмұнын түсіну, детальді ақпаратты анықтау.

Сабақтың мақсаты

Мәтінді тыңдай отырып, мазмұнын түсінуге, детальді ақпаратты анықтауға үйрету.

 Бағалау критерийлері

 Тілдік дағдылар

Оқушылардың тақырыпқа қатысты лексикасы дамиды.

 Құндылықтарды дарыту

Сабақ оқушылардың бойына топтық, жұптық жұмыс жасау барысында бірін-бірі тыңдай білу, өзгенің пікіріне құрметпен қарау құндылықтарын дарыту, бірін-бірі бағалауы кезінде академиялық әділдік саясатын ұстануға үйретуге бағытталған.

 Пәнаралық байланыс

Спорт, география

Бастапқы білім

Оқушылар алдыңғы сабақта алған білімдеріне сүйенеді, спорт жұлдызы туралы білімдерін толықтырады.

Сабақ барысы

Сабаққа жоспарланған іс-әрекеттер

1-тапсырма.

 Оқушылардың қызығушылықтарын ояту мақсатында мұғалім тірек сөздер ұсынады.

 Берілген сөздерді қатыстыра отырып, сабақ мазмұны мен тыңдалым мәтіні не туралы болатынына болжам жасаңыздар.

 2-тапсырма

1.Мұғалім оқушыларды мәтінді зейін қоя отырып тыңдауға және мәтіннен негізгі ақпараттарды түртіп алып, мазмұнын топта қысқаша талқылауға шақырады.

• Мәтінді мұқият тыңдаңыздар.
• Негізгі ақпараттарды дәптерлеріңізге түртіп алып, топта қысқаша мазмұнын талқылаңыздар.
• Мәтін не туралы болды?
• Мәтіннің негізгі мақсаты не деп ойлайсыздар?
• Мәтіннен не түюге болады?

3-тапсырма

Мұғалім оқушыларға мәтіндегі детальді ақпараттарды анықтату үшін тыңдалымды қайта ұсынады және мәтінге қатысты тірек сөздерді ұсынып, детальді ақпараттарды анықтауға шақырады. Мәтінге қатысты тірек сөздерді қолдану арқылы детальді ақпараттарды анықтаңыздар.

Қосымша қолдауды қажет ететін оқушылар үшін мұғалім мына сұрақтарды ұсынуына болады:

• Спортшының пікірінше, кінәні кімнен іздеу керек?
• Спортшы үшін атақ маңызды ма әлде ақша ма?
• Ол соңғы ақшасын неге жұмсайды?
• Жиі айтатын сөзі қандай?
• Спортшы ашуын кімнен алады?
• Кімді жиі сағынады?
• Споршының уақыт емдей алмайтын жарасы бар ма?
• Өмір оған не берді?

Мұғалім тапсырмаларды орындап болғаннан кейін дескрипторлар бойынша өз-өздерін бағалатып, тапсырмалар бойынша оқушыларға кері байланыс береді.

ДЕСКРИПТОРЛАР

• Тірек сөздерді қолданып, мәтін мазмұнына болжам жасайды;
• Тыңдалым мәтінінің мазмұнына қатысты сұрақтарға жауап береді;
• Детальді ақпараттарды анықтайды;

Рефлексия

Мұғалім сабақ соңында оқу мақсатына қайта оралып, оған қаншалықты жеткендіктерін талқылайды.

Оқушылар сабаққа байланысты рефлексия жасайды.

« Нені білдім?

Нені білуім керек?»

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді жоспарлайсыз?

Денсаулық және қауіпсіздік ережелерін сақтау