Ерлан Ахмет (Киелі жер – Кереку)

Айдынында билеген аққу керім,
Аққулы өңір – аймаңдай гаккулі елім.
Ақтоғай мен Тереңкөл – жауһарларым,
Айбынымның белгісі – Ақсу менің.

Жайлауыңда – тай-құлын,
Қойнауыңда – байлығың.
Ғасырларға жалғанды
аман-есен ай-күнің.

Қарағайлы орманы –
дархан дала қорғаны.
Киелі жер Кереку –
адамзаттың арманы.

Баянауыл – жүрегі Сарыарқамның,
Қолаңшашын Ақбетте таратқан күн.
Ертісіммен еншілес Железинім –
ақ бидайын сапырған Жаратқанның.

Майдың елі – айбарлым қалмақ қырған,
Екібастұз – көмірлі алқап тұнған.
Шарбақтым мен Успенім – алтын көпір,
Ел мен елдің арасын жалғап тұрған.