Құт мекенім Сарысу!


Отаным-отбасымнан басталады,
Отбасым-өмірімнің бастар әні.
Отаным-туған жерім, құт мекенім,
Осынау өнерімнің баспалдағы.

Жырым бар шебер қолмен өрілмеген
Қабыл ал, өлеңімді елім деген.
Толқығанда ой-сезім жүрегімді,
Арналады бұл әнім жеріме кең!

Жаңарған – Сарысуым, туған жерім,
Болашақтың бастауы - балаң , менмін.
Жүрегім бір өзің деп соққаннан соң,
Жырлауға ағыл – тегіл саған келдім.

Сарысу – қасиетті топырағың,
Қымбат қой әрбір тал мен жапырағың .
Таппаспын,сірә, саған тең келер жер,
Кезсем де кең байтақ жер атырабын!

Көшкенде үркердей боп ата – бабам,
Қаратаудың бойынан сая тапқан.
Арқадан ала келген атауын да,
Шежірелі Сарысу – сая маған.

Мақтанышым, құт- мекенім Сарысуым!
Перзенттік парызым ол жыр тартуым .
Құтты болсын 90 жыл мерейтойың.
Шығады жүрегімнен жарып үнім!

Туған жерім тудырған тұлғаларды,
Асанәлі , Ілия, Маралтайды.
Ескермес, Артығали ағаларым
Қалайша ақындықтан құр қаламын,

Саудакент төріндегі Шоқай Датқа,
Әулие қобызшым бар Ықыластай.
«Тас келіншек» - тастағы жазулары
Тарихи қазынаны танытқандай.

Өткерген алмағайып замандарды
Сарысу болашқка қадам алды.
Жаңғырып жаңарады туған жерім,
90 жылдык тарихы артта калды.

Жасай бер, Сарысуым – бар байлығым,
Көңіліңде болмасын еш қайғы – мұң.
Перзентің өсіп – өніп қойнауыңда,
Жарқырасын төбеңде күн мен айың!

Ұлпан Бауыржанқызы


Мақала ұнаса, бөлісіңіз:


Іздеп көріңіз:

Қарап көріңіз:

Пікір жазу

Келесі мақала жүктелуде...