Жетінші қыркүйекте оңтүстік астанада "Алматым – іңкәрім менің" музыкалық ретро фестивалі өтеді. Кеште өнер көрсеткелі жатқан әнші Қайрат Нұртас Юрий Шатуновтың "Седая ночь" әнін шырқайтынын айтты.
"Бұл кеште бұйырса, Юрий Шатуновтың "Седая ночь" деген әнін алып шығамын. Бұл жігіттің өмірі негізі менің өмірімен ұқсас. Сондықтан оның әнін өзім таңдап алдым", - деді Қайрат Нұртас.
Естеріңізге сала кетейік, "Алматым – іңкәрім менің" музыкалық ретро фестивалі осымен 14-ші рет ұйымдастырылмақ.
Кеште отандық және шетелдік эстрада жұлдыздары өнер көрсетеді.